Ibrani 7:8 - ALLAH ANE WENW KET MEKE WAROGO WOKNINAKHIKHE WENE

⁸ It ap Allah iteerek dogolik, it akhuni aperek nen yi meke ti meke iniki wenago 10 baga hagatlasi agarek meke aperek mikirlogo Allah hasik 'bisinem, inebe akhuni watlageikharek meke nen waganhe lagoukha mekeat he, ap Melkisedek iti anek he, iluk welagarek meke nen itithogon waganhikhe, iluk Allah ane baga holal waganek werek o.

Ibrani 7:8 ပူးပေါင်းရင်းမြစ်များ

Yohanes 14:19

Niniki herlekha'bugat dogoluk nen, akhuni agat oba meke inileken neagun motok dek mekeat he, hit anek he, an nilugat dogogin, nen hit yabokane hinilugat dogogun iti nen, hinileken neagun o.

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Ibrani 3:16

Akhuni Allah ane inasuk holhe lagoukhasik nenat, “At ebe nina'it,” iluk ekhe lagoukha iti ap thani nogo? It iti, at Musa nen o Mesir nen wogosik dukhi ageikhe meke inebe tha'bokhogonat emenogo apigi.

Ibrani 5:6

Nen, ageikhe re, Allah ane holal waganek ageikhe baga yigithogon isikhemo weregat, “Ap Melkisedek an Allah iteerek kok welageikhe iti hak, hat an iteerek kok motok-motok dogonogoluk meldagagi o,” iluk yogokhikhemo holal waganek werek.

Ibrani 6:20

At Yesus nit ninobasik holak yarik, o etoma ukisikhesik, ap Melkisedek Allah iteerek dogolik hagakhe lageikhe iti hak, motok-motok hagakhe dogogin meke Allah iteerek kok ageikhesik welagarek iti.

Ibrani 7:23

Nen, wene opakiat ageikhe weregat o. It ap Allah iteerek dogolik hagakharek meke hunik-hunigat motok hagakhidekma inebe obakha baga nen watlagunem hem, inobolukmo meldisigik, hagarik wagunem inebe doalegat watlageikharek iti o.

Ibrani 7:7

Itithogon yogokhikhe iti, it akhuni inebe koktek nenat inagarumi inapma meke inane hanorogon yogeisegarek iti, nit tha'bokhogonat itithogon hagakharek ninilu nogo nen, wene iti hasik inane thagalusak dek o.

Ibrani 7:9

At waganhikhe iti hasik, it akhuni Israel meke nen yi meke ti meke iniki wenago 10 baga hagatlasi agarek meke aperek Allah hasik mikirlogo 'bisinem, ap Lewi nen itago meke waganhe dogoagaluk isikhe etnogo mekeat he, at Abraham ap Melkisedek ipisak abuk agoukhasik, yi meke ti meke iki wenago 10 baga hagatlasi agarek meke aperek Allah hasik mikirlogo 'bisikhe meke iti, at Lewi aban itaklageidek werek korlek Melkisedek wogokhikhe iti. At Abraham nen wogokhikhe mekeat he, it ap inukuloak etaga Lewi meke Abraham nen itago meke nogo nen, it nen wogokhukha umo re, erlogat o.

Ibrani 9:27

Nit akhuni opaki hasigat watlatlukmo nen, yabokane wene ninoba 'bigik, kokhik, hagasigin iluk, at Allah nenat isikhe iti hak,

A'bikaka 1:18

niluk motok welagarek, anat o. An nebe arat watlagagi mekeat he, lakhan! Niluk agagisik, niluk motogat dogogin o. Watlageikharek iti inom, watlatluk lageikharekma iti inom, thu kunci an nikimo werek o.