Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.
Ibrani 7:7 - ALLAH ANE WENW KET MEKE WAROGO WOKNINAKHIKHE WENE7 Itithogon yogokhikhe iti, it akhuni inebe koktek nenat inagarumi inapma meke inane hanorogon yogeisegarek iti, nit tha'bokhogonat itithogon hagakharek ninilu nogo nen, wene iti hasik inane thagalusak dek o. အခန်းကိုကြည့်ပါ။ |
Ibrani 7:7
16 ပူးပေါင်းရင်းမြစ်များ
Itithogon isikhe meke re, ap Melkisedek iti, ebe ap Lewi nen itago meke 'buk. At ebe werlek meke dogoligat, at Abraham Allah nen, “Hanothabigin o,” iluk abok yogokhikhe meke etnogo nen, yi meke ti meke iki wenago 10 baga hagatlasi ageikhe meke aperek mikirlogo Allah hasik 'bisalok Melkisedek wogokhikhemo waganhikhesik nen, “Allah nen hanothabuak o,” iluk ane hanorogon yogokhikhe iti.
It ap Allah iteerek dogolik, it akhuni aperek nen yi meke ti meke iniki wenago 10 baga hagatlasi agarek meke aperek mikirlogo Allah hasik 'bisinem, inebe akhuni watlageikharek meke nen waganhe lagoukha mekeat he, ap Melkisedek iti anek he, iluk welagarek meke nen itithogon waganhikhe, iluk Allah ane baga holal waganek werek o.
ကြော်ငြာတွေ