Ibrani 7:26 - ALLAH ANE WENW KET MEKE WAROGO WOKNINAKHIKHE WENE

²⁶ Nit ninakla nen, “Ap ageikhe Allah iteerek nit ninobasik hano 'bogokhogon yigithogon kok dogolik hagakhe dogolep e,” iluk apogorek mekeat he, Allah nen ninoe Yesus itiat meldisikhemo werek o. At obabut weak korlo ageikhe hagakhidek, hano karelek motok werekma, akhuni weak hagakharek meke inakla nen karelogo pogot abel upuke upu eloma lia'isikhemo nit ninobasik werek o.

Ibrani 7:26 ပူးပေါင်းရင်းမြစ်များ

Markus 16:19

Wene itithogon arat yogeisasikhemo, at Allah nen Yesus ebe pogot oba wolok dageisikhe. Itithogon wolok dageisikhemo alilu iki ebeke kok hurek welagarek.

Lukas 1:35

at malaikat etnogo nen, “Allah Agoreke hoba duk i witluk nen, kunakma ukegarek hak, ninopase Allah Etagapogot obatneak iti apma 'bagagin o. 'Bagoumo, heak Allah arligat a'but itasumo nen, akhuni nen, At iti Allah a'but, iluk ekhe dogogun o.

Lukas 23:22

at Pilatus nen iki pere baga yogeisasikhesik nen yabokane ageikhe inom dagakhogon yogeisekhe dogolik, men yogeisasikhe, “At yi nena meke weak hagakhemo nen. Weak hagakhunem inakharek iti hakene, an wene erlo penakhi mekeat, at yi nen weak ageikhe hagakhemo higi dek o. Halok he, tugi anek warogo iki herle hisalogo thogotdigin o,” iluk yogeisasikhe meke re,

Lukas 23:41

Nit weak hagakhe lagoma ninobabut oba ninasusak tak-tagat ninakha mekeat he, at yi anek itithogon weak ageikhe hagakhidek o,” iluk yogokhikhesik

Lukas 23:47

Itithogon hagakhikhemo ap tentara meke inoe kok etnogo ileken hasikhesik Allah hogorakhe dogolik, “Ap yi eberogonat mothogon anek hagakhe laga meke higi o,” iluk isikhe.

Lukas 24:26

At Kristus Allah nen ayoko 'bisikhe etnogo, yi aik ti aik higidek hogorasusak a? Dek o. Hugunem nen hogorasusak o. Hit nen egep iti hagasusak tak-tagat hagakha o,” iluk yogeisasikhe.

Lukas 24:46

Itithogon inetaiken kagalogo yogeisekhe dogolik, “Allah nen Kristus ayoko 'biluk la'isigin isikhe meke holal men iluk waganek werek, Yi aik ti aik hilik-hilik watlatluk nen, iki pere warek dogoluk iki ageikhe baga yi nen, watlatluk lageikharekma nen iluk asigin o, iluk holal waganek werek.

Yohanes 14:30

Akhuni agat oba meke inoe kok etnogo ebe wiriogo iti nen he, an wene doalegat yokhisagein dek o. At iti wisigin mekeat he, an at iki baga welageidek o.

Yohanes 8:29

At la'ani ageikhe meke etnogo, oba hotokhogon ekherek meke anek an nen hagakherek iti nen, at nen an nebe kolelogo thogotdanhidek nipisak hunik motok welagorek o,” iluk yogeisasikhe.

La'isasikhe 3:14

At he, Allah nen la'i ageikhemo obabut mothogon hagakhe laga mekeat he, hit nen Pilatus yogokhe dogolik, Ap iti ebe nina'it o. Ap ageikhe akhuni inakherek mekeat, hit nen ap ithiat iki herle hisalogo woknisan o, iluk kino yogokhep apigi.

La'isasikhe 4:27

Itithogon isigin hagat, at Herodes men, Pontius Pilatus men, akhuni itikmanke meke men, akhuni Israel meke men, Yesus, hat hekaerek hatuaneke meke, nit akhuni tilninabuagaluk meldisigin meke etnogo, wasuogoluk eberogonat o yoma doalogo natogosi ageikha iti hasik isigin iti.

2 Korintus 5:21

Nit Kristus ninom hunekho halok, at Allah nen ekaerek ninom hano ninapuke dapukhogon 'binanigiluk, nit ninobasigat nit ninobabut weak hagakhorek meke iti, at Kristus weak hagakhidek meke oba 'bisikhe iti o.

Ibrani 1:3

Mulikin terlelek-werlelekhogon la'i agarek hak, Allah ebe hogorakharek meke iti nen, Yesus ebe la'i ageikhemo agat oba liarogo dogolik, opase alino hakene at welagarek iti. Itithogon dogolik, yi meke ti meke tha'bokhogonat welagarek iti, at ane obatne baga welagarek. Werekma, nit weak hagakhe lagagu meke arat horogo degetdisikhesik nen, Allah Etagapgoto kok meke etnogo baga dageisikhesik alilu iki ebeke kogat welagarek iti o.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 2:10

At Allah iti, yi meke ti meke at ekaerek hasik, ekaerek nenat walhasikhe meke nen, akhuni at a'buri doalegat hogorinakhe dogogunmo wogosik loagaluk, holak waganherek meke Yesus at o. At nenat akhuni erlok inebe tilinabiluk wogosik laga dogoagaluk, yi aik ti aik hilik hilik watlasuagaluk apasikhe iti, erlok apausak meke iti tak-tagat apasikhe.

Ibrani 2:17

Itithogon hagakhikhe iti, yigithogon iluk. Nit akhuni weak hagakhorek meke, at nen degetdisagaluk, at ebe Allah iteerek kok dogolik, obabut Allah hasik hupukhogon hagakhik, nit akhuni akmutninakhik, erlogat hagakhe dogeigiluk, at ebe nit akhuni agarlak lak erugi hakeneat atluk, nit hagakhorek meke tha'bokhogonat ninobabut waganusak mekeat waganhikhe iti.

Ibrani 3:1

Iti nen, Allah a'buri ekaerek hasik wenago 'binageikhemo welagap meke nagarlak lak nerugi. At Allah pogot oba nenat hit ninomat ninayoko 'bisikhemo wene waganhugusik pakhogon ekhe lago iti hasik, at Yesus ebe Allah iteerek ninoe kok dogoagaluk, Allah nenat la'i ageikhemo werek iti halok, hit hinetaiken oba nenat hutdekhe dogono o.

Ibrani 7:11

It ap inukuloak etaga Lewi nen itago meke Allah iteerek kok werekma, Wene Allah nen ninasuk wakhikhe meke etnogo baga it Israel meke 'bogokhogon hanorinakhe dogolepma, Allah nen he, “Ap Harun nen itago meke dek. An iteerek Melkisedek hagakhe lageikhe iti hak, ap ninat meke ageikhe meldigin,” iluk ilep degat o.

Ibrani 8:1

Nit wene ekhe lago iti, kok he, yi o. Nit ninoe kok Allah iteerek ogo iti hagat werek o. At ebe, ninopase Etagapogot Allah welagarekma iki ebeke kogat werek o.

Ibrani 9:14

It inoado itikmanke meke hasik sapi amep erlok dek meke baga erlok hano horinakhe lagoukha. Halok he, nit Kristus amep kok meke baga, “Wene hinoba dek,” iluk ninakla thelekhogon erlok motok 'binanherek o. Nit Allah iluk welagarek meke akla hanorogo hagakhe dogoagaluk, domba isi hano meke Allah warekhe lagoukha iti hak, at Kristus Allah Agoreke ikhok motok welagarek meke obatne baga, watlaga dogolik, ebe Allah wogokhikhe iti baga, nit alebat dek asigin meke we yugunat hagakhe lagagu meke, at nen, “Wene hinoba dek,” iluk, at amep oba ninakla thelekhogon 'binanhikhemo welago.

1 Petrus 1:19

At he, oko kok meke baga palogo tilhinakhikhe o. Domba eak weak dek hano utholik meke Allah hasik amep ulabogo warisu hak, at Kristus amep ulabogo watlageikhe iti baga, hinoko palogo tilhinakhikhe iti.

1 Petrus 2:22

At nen, “Weak ageikhe hagakhidegat. Nen, ekalat isinem, akhuni aperek inasuk holhidegat o.”

1 Petrus 3:22

At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.

1 Yohanes 2:2

At ebe itithogon turlem heisogo dogolik, nit yi weak ti weak hagakhorek meke thagalogo degetdisalok hotninakherek. Itithogon hotninakherek iti nit weak hagakhorek meke ninobasik anek 'buk. At he, yi akhuni ti akhuni agat oba meke tha'bokhogonat weak hagakharek meke inobasik ninomat hotninakherek o.

1 Yohanes 3:5

At Kristus ekaerek weak hagakhidek dogolik, nit weak hagakhorek meke thagalogo degetdisagaluk ebe thelekmaat wageikhe iti hinilu o.

A'bikaka 3:7

Itithogon yoknekhesik ne, yabokane ageikhe yoknekhe dogolik, “An weak hagakhidek nobabut karelogo dogolik, nane eberogonat anek egerek meke nen thu kunci Daud meke wolok thu hualhi halok, akhuni aperek nen lasusak erlok dek o. Nen, thu ladigi halok, akhuni aperek nen hualusak erlok degat meke etnogo nen wene yi yokhesik, At malaikat Allah a'buri o Filadelfia natogokharek meke therisik welagarek meke etnogo wene an nen yogosigin meke yi, hat holal waganogo oba la'in o,