Ibrani 7:18 - ALLAH ANE WENW KET MEKE WAROGO WOKNINAKHIKHE WENE

^18-19 Itithogon werekma, Allah nen wene alep ninasuk wakhikhe iti erlok dek nen 'bogokhogon hano hagathinakhidek, wirlidikhogon dogunogo iluk, degetdisalok nen, yabokane wene ilugun ket meke ulakhikhemo nen, ninebe 'bogokhogon hano hagatninabigin iluk Allah oba horokhogon uki aga lago.

Ibrani 7:18 ပူးပေါင်းရင်းမြစ်များ

La'isasikhe 13:39

Yi weak ti weak hagakhunem he, wene Allah nen Musa ayoko 'biluk inasuk wakhikhe wene etnogo baga, korogo wokhausak erlok dek meke re, ninebe tomok ninetaiken Yesus oba hakotdumo anek, erlok korogo wokhausak werek o.

Roma 3:31

Halok he, ninetaiken at oba hakotdekhe dogolik, wene Allah nen ninasuk wakhikhe wene etnogo thebelhe lago a? Dek o. At ane itiat obatnetdekhe lago.

Roma 8:3

Alep he, wene Allah nen ninasuk wakhikhe wene etnogo, nit akhuni ninobabut ninobatne dek iti nen, hano hagatninabusak erlok dek ageikhe. Erlok dek ageikhemo, nit akhuni ninobabut weak hagakho werekma, Allah ekaerek a'but nit hakene hagatlatluk, nit weak hagakhorek meke iti wene oba 'biluk obatne degetdisoagaluk la'i ageikhemo obatne degetdisikhe iti.

Galatia 3:15

Nagarlak lak nerugi. Nit akhuni hagakhorek meke ageikhe oba lisogon yokhisak. Akhuni inebe pere nen, “Itithogon hagasuok,” iluk hupuk palogo isi halok, it aperek nen munenhik, wene ninat meke ageikhe oba lapelhik, hagakharek motok dek o.

Galatia 3:17

Wene iti men hasik igi. Allah nen, “Itithogon wokhesigin,” iluk, abok kasukhogon isikhesik, 430 tahun welageikhesik nen, wene ninasuk yabokane nen wakhikhe iti baga, wene alep meke iti munenogo degetdigidek.

Galatia 3:21

Halok he, wene Allah nen Abraham, “Wokhesigin,” iluk, abok yogokhikhesik nen, yabokane ninasuk wakhikhe wene iti, akhuni aperek inom agorek welageikharek iti palharek hak hagatlasigin usak a? Motok dek o. Wene ninasuk wakhikhe wene etnogo baga ninilugutninabigiluk wokniselepma re, wene iti bagaat wene ninoba meke korogo wokhalok, Allah ninom yabokane ninapuke hunogo 'binanilep iti.

Galatia 4:21

Hit nen, “Wene Allah nen ninasuk wakhikhe wene etnogo apma ukiluk holek hagakhe dogogun,” iluk ekhe lagap meke yi, an nen wene Allah nen ninasuk wakhikhe wene etnogo baga holal waganek werek meke yokhisagein yi, hinasuk hanorogo holini o.

Galatia 4:9

Meke re, an nen, “At Allah hinebe ilu welagarek,” iluk uem, “Hit yogotak nen Allah ebe hinilu agap,” iluk igi iti. Halok he, hit hinekaerek nen mokat obabut weak obatne dek meke, ikimo dek meke, iti oba yabokane suguluk hinapuke apma ukuogoluk hagakhe lagap iti, nenaluk.

1 Timotius 4:8

Akhuni inebe hasik mep aborlokhogon asuagaluk hagakharek iti, yogotak ya elanma hasik herlekha'bugat hano negen hagakharek. Meke re, ninetaiken hasik Allah apma dogolik, at ayabu hagakhe dogoumo, at Allah nen he, “Yogotak hiniluk welagap meke hasik inom, yabokane hiniluk motok dogogun meke hasik inom, hano motok hagatlasigin iti o,” iluk, abok yoknisasikhe iti eberogonat.

Ibrani 13:9

Itithogonat dogogin iti nen, it akhuni aperek nen yi wene iti wene ninat meke baga nukhetdinageinogo. Nen, it akhuni alebat nekarek meke hasik kogotdiluk hagakhe lagoukha iti baga hano ageidekma, ninetaiken iti baga horle asusak erlok dek o. Allah obabut hano nen woknisekherek iti baga ninetaiken hano horle asusak o.