Ibrani 7:11 - ALLAH ANE WENW KET MEKE WAROGO WOKNINAKHIKHE WENE

¹¹ It ap inukuloak etaga Lewi nen itago meke Allah iteerek kok werekma, Wene Allah nen ninasuk wakhikhe meke etnogo baga it Israel meke 'bogokhogon hanorinakhe dogolepma, Allah nen he, “Ap Harun nen itago meke dek. An iteerek Melkisedek hagakhe lageikhe iti hak, ap ninat meke ageikhe meldigin,” iluk ilep degat o.

Ibrani 7:11 ပူးပေါင်းရင်းမြစ်များ

Galatia 2:21

Allah obabut hano nen hanotninakherek wene iti an nen thagalogo here'isegerek dek. Wene Allah nen ninasuk wakhikhe wene etnogo baga, wene ninoba meke korogo wokhalok ninom ninapuke hunogo 'binanilepma re, Kristus watlageikhe iti yugunat alomarogo watlatlep o.

Galatia 4:3

Iti hak, nit ninetaiken aban horle ageidek werekma, mokat obabut weak meke agat oba yoma iki baga welagarek meke nen apma 'binaniluk welageikhe iti.

Galatia 4:9

Meke re, an nen, “At Allah hinebe ilu welagarek,” iluk uem, “Hit yogotak nen Allah ebe hinilu agap,” iluk igi iti. Halok he, hit hinekaerek nen mokat obabut weak obatne dek meke, ikimo dek meke, iti oba yabokane suguluk hinapuke apma ukuogoluk hagakhe lagap iti, nenaluk.

Ibrani 5:10

Itithogon hagarogo 'bisikhesik, at nen, “At Melkisedek hagakhe lageikhe iti hak, hat hebe an iteerek kok dogono,” iluk meldisikhe iti.

Ibrani 5:6

Nen, ageikhe re, Allah ane holal waganek ageikhe baga yigithogon isikhemo weregat, “Ap Melkisedek an Allah iteerek kok welageikhe iti hak, hat an iteerek kok motok-motok dogonogoluk meldagagi o,” iluk yogokhikhemo holal waganek werek.

Ibrani 6:20

At Yesus nit ninobasik holak yarik, o etoma ukisikhesik, ap Melkisedek Allah iteerek dogolik hagakhe lageikhe iti hak, motok-motok hagakhe dogogin meke Allah iteerek kok ageikhesik welagarek iti.

Ibrani 7:12

It ap Allah iteerek alep meke here'isalok, ket ninat meke meldisagaluk halok he, wene Allah nen ninasuk wakhikhe wene iti obolukmo wene ilugun ninat meke iluk nen meldisausak o.

Ibrani 7:13

Wene yi ninoe Etagapogot Yesus ukuloak etaga Yehuda meke hasigat o. At ukuloak etaga Yehuda meke iluk akhuni tha'bokhogonat inilu meke re, at Musa nen it ap Allah iteerek hasik ekhe dogolik, it ap Yehuda meke inabok ekhe lageikhe motok dek. Iti nen he, it ap inukuloak etaga Yehuda meke ageikhe Allah iteerek dogolik Allah ako warekhe dogoagaluk meldisekhe lagoukha motok degat o.

Ibrani 7:15

Ap Allah iteerek at Melkisedek hakene ageikhe winam ageikhesik werek iti hasik, wene thelekma motok werek o.

Ibrani 7:21

at Yesus anek he, Allah nen etaga hupuk palogo meldekhe dogolik, men yogokhikhe, “An Netagapogot nen, hat an iteerek motok-motok dogonogoluk netaga hupuk palogo meldagagi iti, yabokane nane dagakhogon wene ninat meke ageikhe nekalat igin dek o,” iluk yogokhikhe.

Ibrani 8:7

Wene alep Allah nen, “Hano hagathinabigin,” iluk wene warogo wokninakhikhe iti baga erlok dek ageidek hano hagatninabilepma, wene iti obolukmo, “Hanothinabigin,” iluk yabokane ilep degat o.

Ibrani 9:6

Yi meke ti meke tha'bokhogonat iti obolukmo tomok karelek werekma, it ap Allah iteerek meke inebe tha'bokhogonat hibiku-yogoku Allah akla hanorogo hagasuogoluk o kakok palek thukhamke iti ukekhe lagoukha.