Ibrani 6:19 - ALLAH ANE WENW KET MEKE WAROGO WOKNINAKHIKHE WENE

¹⁹ At nen he, “Hanothinabigin,” iluk isikhe iti dek asigin dek o. “Ebeat asigin,” iluk apekhe lago meke iti, ku thoat agatma a'bethogon usa'iluk welageikharek iti hak, ninetaiken pogot oba o akla itikmoke kakok palek Allah werekma etoma hunetdiluk hapukhogon dogouok o.

Ibrani 6:19 ပူးပေါင်းရင်းမြစ်များ

Matius 27:51

Watlagunem Allah ai halekma su kain meke itikmoke hurli palek welageikhe meke upu eloma nen turlem heisogonat kagoukhogon usa'ageik, dugul aborlok luk-lagathigik, helekit pak igik, hagatlageikhemo nen,

La'isasikhe 23:6

Yabokane at Paulus nen, it ap Allah hasik wene erlo pilinekhe lagoukha meke emenogo inebe ebetlake Saduki meke inane waganhe lagoukha meke, nen, ebetlake Farisi meke inane waganhe lagoukha meke, werekma ileken ekagat hugdisalok nen, ane kokhogonat men yogeisasikhe, “Ap yirani. Nougi nagarumi. An nebe Farisi meke. Nopase lak Farisi meke nenat itago meke welagei. Dogolik akhuni watlageikharek meke yabokane Allah nen eberogonat inilugurinabigin iluk hutdekhe lagei iti nen ukum noba 'begama yi,” iluk yogeisasikhe.

La'isasikhe 27:29

Itithogon welageikhe iti nen, it nen, “Ku helekit oba dikhogon hagatlasinogo,” iluk, hol kilogo dogoagaluk, ku hago akin meke 4 oba ku agamake nen herle kilogo i akla i al oba tunhogo usa'isukha. Usa'iluk nen, “O ibat wi atnek e,” iluk ekhe lagoukha.

La'isasikhe 27:40

Itithogon isukhasik, ku ebe eta huk dogoagaluk ku akin meke usakhukha meke etnogo kupi tirliphogon ima usa'isukha. Usa'isukhasik ku thoat ageikhe, ku ukul hebelhe lagoukha meke iti kupi hisalogo nen, hisakne nen ku ukulmoke mothogon i aik obake wolok loagaluk, su ku ukulmoke meke lia'isukha.

Roma 4:16

Halok he, Allah obabut hano nen werlegat woknisekherek, iluk uagaluk nen, ninetaiken at oba hakotdisinem abok isikhe meke iti, woknisekherek iti. Nit at nen itago meke wene Allah nen ninasuk wakhikhe wene iti hologo mothogon hagakhe dogolik, ninetaiken Allah oba hakotdogorek meke anek woknisekherek 'buk. Abraham it aperek ninom tha'bokhogonat ninopasema re, it iti at Abraham etaiken Allah oba hakotdisikhe iti hak, inetaiken Allah oba hakotdegarek meke wogeisegaregat o.

Roma 4:18

At Abraham nen, “An nen itago meke itithogon hagatlasugun,” iluk akla apausak motok dekmaat nen, “Eberogonat hagatlasigin,” iluk etaiken Allah oba hakotdiluk motok hagakhe lageikhe iti baga, Allah nen, “Hat nen itago meke motok doalegat yigithogon asugun o,” iluk abok yogokhikhe tak-tagat, yi akhuni ti akhuni inukuloak etaga doalegat inopase Abraham at ageikhe iti.

Roma 5:4

Ninetaiken horle agarethek nen ilugun oba, Allah nen ninobabut palogo nen, hano ekherek. Itithogon ekherek oba, yabokane eberogonat hano asigin, iluk ninakla arleken akhekhe lago.

1 Korintus 13:13

Motok dogogin he, ninetaiken Allah oba hakotdiluk welagorek iti inom, hano asigin iluk ninakla arleken akhogorek iti inom, akhuni inebe ninakmurogon welagorek iti inom, wene ebe henagan etaat motok dogogin. Meke re, ebe kogat hakene re, akhuni inebe ninakmurogon dogosak itiat o.

1 Korintus 15:58

Iti nenat, nagarlak lak nerugi. Hinebe nakmu lak. Hinetaiken horlerogon, hapukhogon dogono. Ninoe Etagapogot ninom hunik dogolik, at hasik yi meke ti meke hagakhunem alomatlasigin dek o, iluk kokhogon hagakho motok dogono o.

Efesus 2:6

Ninilugutdinanhikhemo, nit Kristus Yesus ninom hunik werekma, yabokane at ninom pogot oba kok dogolik it aperek ninapma hagasik dogoagaluk ninom meldinanhikhe iti.

Kolose 1:27

At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

Kolose 3:1

At Allah nen he, Kristus ilugutdekhe dogolik, hit hinomat hiniluguthinakhikhemo welagap iti nen, yi meke ti meke Kristus ebe pogot oba Allah alilu iki ebeke kogat welagarek oba etoma meke horla luok nen, hinobatnerogo hagakhe dogono o.

2 Timotius 2:19

Meke re, Allah nen o herlaga negen 'bisikhe meke obatneak motogat dogogin iti baga holal men iluk waganek werek iti o, “Ninoe Etagapogot ekaerek a'buri wenageinakhikhe meke iti inebe ilu o,” iluk isikhe. Nen, wene ageikhe, “It aperek nen, An nebe ninoe Etagapogot a'burat o, iluk, iliogei meke, Weak hagasusak nina'it o, iluk here'isalok mirlokhogon lo laga dogoak o,” iluk, isikhemo holal waganek werek iti o.

Ibrani 4:16

Iti nen he, nit weak asusak werekma, hano asuagaluk, ninopase Allah obabut hano nen akmutninakhik, yomaknisigik, hagasuagaluk, at Allah kok welagarekma dogolik obabut hano enagorogon hagakherek iti nen, ninayuk dekhogonat horokhogon ukuok o.

Ibrani 9:3

Nen, o kakok palek itikmoke su baga hurli palek iti etaga, o kakok palek motok ebe usama u hak, Allah ekaerek ai ekhe lagoukha.

Ibrani 9:7

Itithogon ukekhe lagoukha mekeat he, o kakok palek itikmoke meke iti anek, ap Allah iteerek inoe kok meke iti anek ekaerek weak hagakhe lageikhe meke hasik inom, a'buri akhuni Israel meke inobabut hebelek dek nil-hilhek oba weak hagakhe lagoukha meke hasik inom, inako warogo amep wolok, Allah wogosigiluk tahun ebe wago tomok iki opaki hasik ukekhe lageikhe.

1 Petrus 1:3

Ninoe Etagapogot Yesus Kristus opase Allah etnogoat hogorakhe dogouok. At Allah ninebe akmu motok nen, Yesus Kristus watlageikhesikmo nen ilugutdisikhe iti baga nit ninilugutninakhikhe iti. Ninilugutninakhikhemo dogolik, ninakla nen he, “At nen, yabokane hanothinabigin, isikhe iti tagan-hagan asigin dek,” iluk ninakla arleken akhekhe lago.