Ibrani 6:18 - ALLAH ANE WENW KET MEKE WAROGO WOKNINAKHIKHE WENE

¹⁸ Wene hupuk palogo yogeisasikhe iti, nit Allah apma uki ago meke ninakla nen, “Hanotninabigin,” iluk eberek welago meke ninetaiken hapukhogon dogoagaluk nirat abok yoknisasikhe. Abok yoknisigik, hupuk palhik, wene pere isikhe iti, nit nen, Allah ekalat ekherek motok dek, iluk ninetaiken hapukhogon dogoagaluk yoknisasikhe iti.

Ibrani 6:18 ပူးပေါင်းရင်းမြစ်များ

Matius 24:35

Pogot inom, agat inom, iti dek asigin mekeat he, an nane iti dek asigin motok dek o,” iluk yogeisasikhe.

Matius 3:7

Itithogon, hagakho werekma, it ap Farisi meke aperek inom, ap Saduki meke aperek inom, inebe doalegat nen, “Nit ninomat ima usa'inanuak,” iluk oba wagunem yigithogon yogeisekhe lageikhe, “Hit warlo pelal nen itago meke yomarani! Hit nen Allah akla aga apik dageigin etnogo hinoba 'bisinem lo erlok lugun iluk tha nen husupi yokhisekhemo? Erlok dek o.

Lukas 2:25

Etanem ap o Yerusalem meke ageikhe etaga Simeon welageikhe. At obabut hano, Allah ayukhogon dogolik, motok mothogon hagakhe lageikhe. Itithogon hagakhe dogolik, akhuni Israel meke inakla hanorinabi wisigin meke iti therogo werekma, Allah Agoreke oba duk isikhemo welageikhe.

Roma 15:5

Hit hinetaiken, hinane, opakiat dogolik, ninoe Etagapogot Yesus Kristus opase Allah itiat hogorakhe dogobageik nen, at Allah akhuni inobabut inobakhanini hapugutdiluk dogoagaluk hagarinakhik, inakla hanorinakhik, hagakherek meke iti nenat, hit tha'bokhogonat hinetaiken opakiat, at Kristus Yesus obabut hakene hagathinabuak o.

Roma 3:25

Alebageik, at Allah nen, nit akhuni weak hagakho korlek, ninakhidek obakhanini hapugutdiluk welageikhesik nen, yogotak at obabut mothogon hagakherek etnogo ekagat hagatlasuagaluk, Yesus la'i ageikhe. Wageikhemo ebe wakhunem amep usageikhe iti baga, nit akhuni ninetaiken at oba hakotdogo meke, at ninom ninapuke hunogo 'binanuagaluk la'i ageikhe. Allah nen nit akhuni ninetaiken Yesus oba hakotdogo meke, wene ninoba meke korogo wokhalok at ninom ninapuke hunogo 'binanhe dogolik, at mothogonat hagakherek iluk yogotak obabut ekagat hagatlaga iti.

Roma 3:4

Motok dek o. Akhuni inebe dopok inane inekalat isi halok he, Allah ane eberogonat anek ekherek, iluk wene holal waganogo 'bekhe dogolik, men isukha, “Hat Allah hane eberogonat anek isinem eberogonat anek agarek. Akhuni nen erlok degetdagouogoluk hagakhunem, hat erlok dek agatek dek o. Hobatne anek agatek,” iluk holal waganogo 'bisukha iti.

Roma 5:5

Hano asigin iluk ninakla arleken akhekhe lago iti baga, Allah nen Agoreke woknisasikhemo ninakla dogolik, i henakharek hak, Allah nen akmutninakherek meke iti ninakla kokhogon 'binanherek iti baga ninayuk dek welago.

Filipi 2:1

Nit Kristus ninom hunik dogolik, at nen ninetaiken ago watdinanhik, ninebe akmurogon ninetaiken thebelhik, Agoreke ninom hunik dogolik, yomaknisigik, hagakhe korlek nit-nit hanorogon nakmu-hakmurogon hagakhorek iti nen,

Kolose 1:23

Halok he, hano wene hinasuk holhigisip hinakla nen, “Yabokane hano asigin,” iluk, apasigip meke iti, hinetaiken aborlok iluk kolelogo here'igidek hinobatnerogonat hago dogono. Hano wene iti, at nen yi ai ti ai akhuni inebe tha'bokhogonat yogeisasikhe wene iti yogeisilik nekhe dogoagaluk, an Paulus nayoko 'bisikhe iti.

Kolose 1:27

At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

1 Timotius 1:1

Timotius na'but o. Hetaiken Kristus oba hakotdisigin iti nen, an na'but eberogonat agaginmo, wene yi an Paulus nen holal waganogo hoba la'i agei iti o. At Allah tilninakherek meke inom, Kristus Yesus nen hanotninabigin iluk ninakla apekhe lago meke etnogo inom, ipisak nenat nayoko 'biluk, at Kristus Yesus hasik hagakhe dogoagaluk la'ani agoukhama wagagi iti o. Ninopase Allah inom, ninoe Etagapogot Kristus Yesus inom, ipisak inobabut hano etnogo nen, hano meke wokhikhik, inakmuthakhik, hetaiken hapugutdageigik, hagakhe dogoak o.

1 Timotius 6:12

Akhuni inae walhauwogoluk tha ae 'busuk tha ae 'busuk walhegarek hak, niniluk motok dogogun iti meke horla lagaluk, hetaiken Allah oba hakotdiluk dogolik, at hasik hobatnerogon hagakhe dogono. Itithogon hagakhe dogoluk, iti meke horla lanogoluk, Allah nen hayoko 'bisikhemo, hat nen he, “Netaiken Kristus oba hakotdiluk itithogon hagakhe dogogin,” iluk akhuni doalegat inil oba pakhogon isigin iti tak-tagat hobatnerogon hagakhe dogono.

2 Timotius 2:13

Meke re, at ekaerek nen, “An nobabut alep welagei meke iti dek o, iluk ninat hagatlagarek dek iti nen, nit at oba dopokhogon dogogun dek halok, at nen nit ninoba dopokhogon motogat welagarek o,” iluk, egarek iti eberogonat o.

Titus 1:2

At Allah nen, yi meke ti meke aban winametdigidek dogolik, nit akhuni ninobasik men isikhe, “Akhuni an nen winametdisalok nen, inebe iniluk motok dogoagaluk, hano hagarinabigin,” iluk abok isikhe iti, “Ekalat ekherek dek o,” iluk ninakla eberek dogolik, ebe wene yakulisekhe lago iti o.

Ibrani 11:7

At ap Nuh meneke, etaiken Allah oba hakotdiluk, yi wene ti wene yabokane hagatlasigin meke Allah nen husupi yogokhikhemo ebe ileken higidek mekeat he, “Eberogonat hagatlasigin meke yoknekhe higi,” iluk Allah ane holek dogolik, ku ageikhe at a'buri inom tilinabusak meke halhikhe. Itithogon halhikhemo, Allah nen akhuni ukum inoba 'biluk inebe inakhikhe mekeat he, at Nuh arligat anek he, etaiken Allah oba hakotdisikhe iti baga, Allah nen, “At hano,” iluk tilhikhe.

Ibrani 3:11

an nakla aga dageiluk hupuk palogo wenageisekhe dogolik, An nen, Hit thet walagun, iluk abok yokhisasigi hak, hit thet walagun motok dek o, iluk yogeisasigi,” iluk isikhemo Allah Agoreke nen yogeisasikhemo holal waganogo 'bisukha.

Ibrani 3:6

Mekeat he, at Yesus anek he, Allah ebe a'but nogo nen, at iteerek nenat hagakherek. Nit hanotninabigin wene iti hasik ninetaiken ninobatnerogon oba hakotdiluk motok dogogun halok he, Allah ai halek iti, nit ninebeat o.

Ibrani 6:17

Itithogon hagatlagarek iti hak, Allah nen, “Akhuni an nakla apalok abok yogeisegerek meke, nane dagakhogon yabokane ninat meke ageikhe yogeisegerek dek o,” iluk, it wene abok yogeisasikhe meke eberogonat apoagaluk, hupuk palogo yogeisasikhe iti.

Ibrani 7:21

at Yesus anek he, Allah nen etaga hupuk palogo meldekhe dogolik, men yogokhikhe, “An Netagapogot nen, hat an iteerek motok-motok dogonogoluk netaga hupuk palogo meldagagi iti, yabokane nane dagakhogon wene ninat meke ageikhe nekalat igin dek o,” iluk yogokhikhe.

1 Yohanes 1:10

Itithogonat meke re, nit nen he, “Weak ageikhe hagakhidek welago,” iluk ogorek halok he, nit nen, “Allah ekalat ekherek,” iluk u hagat ogorek iti nen, Allah ane nit ninakla motok dek o.

1 Yohanes 5:10

Akhuni inetaiken Allah a'but oba hakotdiliogei meke nen he, “Wene iti eberogonat o,” iluk inakla nen hutdiliogei. Itithogon mekeat he, akhuni aperek inetaiken Allah oba hakotdigidek meke nen he, “Wene Allah ekaerek nen a'but hasik abok isikhe wene iti eberogonat,” iluk apigidek dogolik, Allah ekalat ekherek meke negen hagarogo 'biliogei o.