Ibrani 6:10 - ALLAH ANE WENW KET MEKE WAROGO WOKNINAKHIKHE WENE

¹⁰ At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

Ibrani 6:10 ပူးပေါင်းရင်းမြစ်များ

Matius 10:42

Nen, tha nen, Yekerek 'bugurlagat meke yi Yesus ane waganherek meke, iluk i aigekeak meke anek ageikhe wogokhe halok he, Allah nen oko wogosusak meke horligidek nuk asigin degat, oko horlageinat o, iluk eberogonat yokhisigi o,” iluk yogeisasikhe.

Matius 20:7

it ap emenogo nen, Yabu ageikhe waganuagaluk ninayoko 'bigidek iti nen welago o, iluk yogokhukha. Itithogon yogokhukhama, at ap ayabu iteerek etnogo nen, Halok he, hit hinomat an nayabumo anggur yabumo etoma wagani lani o, iluk inayoko 'bisikhe.

Matius 25:17

Nen, at ageikhe 2.000 waganhikhe meke etnogo itithogonat yabokane 2.000 ageikhe inom lapelago 'bisikhe.

Markus 9:41

“An nane eberogonat yokhisak. At tha nen, It Kristus agarumi meke, iluk, i henago wokhisagein halok he, Allah nen oko wogosusak meke iti, horligidek nuk asigin degat, oko horlageinat o,” iluk yogeisasikhe.

Yohanes 13:20

“At tha nen, akhuni an nen la'isagein meke woginakhe halok, anat woknabigin o. Nen, at tha nen an woknakhe halok he, at an la'ani ageikhe meke etnogoat waganigin o, iluk eberogonat yokhisigi o,” iluk yogeisasikhe.

La'isasikhe 10:31

Sembayan itithogon isinem, ap ageikhe asu a'bi'bal weak ugu meke an nilhanemat melasi usa'aga. Melasi usa'agasik nen, Kornelius. Hat sembayan egetek iti, Allah asuk holhemo. Nen, akhuni inameke dek meke yomageisekhethek iti, Allah nen hoba eberek weregat o.

La'isasikhe 10:4

Ane hakhasinem, at Kornelius ileken at oba tek-tek 'birogo dogolik, ayuk ageikhesik nen, “I, noe. Nenaluk,” iluk isikhemo, at nen he, “Dek o. Hat sembayan igik, akhuni inameke dek meke yomageisigik, hagakhe lagan iti nen, Allah ilu agasik hoba eberek werek o.

La'isasikhe 11:29

Iti hipiri no ebe aban hagatlageidek werek korlek, it akhuni Yesus ane waganhukha meke emenogo nen he, “Halok he, nit ninebe tomok uang ninikimo aga meke tak-tagat Allah a'buri ninagarlak lak ninerugi o propinsi Yudea etoma natogokharek meke yomageisauwok nen natogorlogo la'uok o,” iluk wene palhukhasik uang natogokhukha.

Roma 12:13

Allah a'buri meke yi meke ti meke dekma werek halok supurisigik, ap huso inebe hinokodek meke wagunem hinaila hanorogon woginakhik, hagakhe dogono o.

2 Korintus 9:1

An nen he, hit nen it Allah a'buri o Yudea meke yomageisauwogoluk natogokhe lagap meke iti hasik, wene holal waganogo hinoba la'isusak dek meke la'i agei iti.

Galatia 5:13

Nagarlak lak nerugi. Hit hinasokneat dogoagaluk Allah nen hinayoko 'bisikhemo welagap. Itithogon mekeat, hinakla nen, “An nasokneat welagei,” iluk, akhuni inobabut inikhogat dogolik hagakharek meke inobabut waganogo yugunat hagakhe dogogup. At he, wene Allah nen ninasuk wakhikhe wene etnogo tha'bokhogonat dapukhogon wene opakiat yi anek kok hakene isikhe iti, “Hit hinekaerek hinebe hinetaiken hunik welagathep iti hak, it akhuni aperek hinom welagathep meke hinetaiken hunik dogono o,” iluk isikhemo holal waganogo 'bisukha iti nen, akhuni aperek inebe hinakmurogo dogolik hit-hit yomak-yomak hagakhe dogono o.

Galatia 5:6

Iti nen, nit Kristus Yesus ninom hunik dogolik, ninoado aperlagap palek meke dek, it aperek palek dek meke dek, ipisak tak-tak welago. Halok he, iti hasik penasusak dek. Kok he, ninetaiken Kristus oba hakotdiluk dogolik, akhuni ninakmurinakhorek iti baga ekagat ariogo.

Galatia 6:10

Halok he, nit o yogotak hano meke hagasusak erlok welago ya baga, akhuni inebe tha'bokhogonat yomageisekhe dogoligat, kok hakene, ninagarlak lak ninerugi inetaiken Kristus oba hakokthek werek meke hanorogo yomageisekhe dogouok o.

Kolose 3:17

“Ninopase Allah nen woknisekherek iti, ebe Yesus nenat woknisekherek o,” iluk, Allah heagei wakhe dogolik, “Ninoe Etagapogot Yesus apma dogolik, hagakhe lago,” iluk, yi meke ti meke tha'bokhogonat hagasuogoluk, hinane yi meke ti meke hasik uogoluk, at Yesus etaga palogo hagakhe dogono o.

1 Tesalonika 1:3

Ninopase Allah il oba sembayan itithogon ekhe dogolik, hit hinetaiken Allah oba hakotdiluk dogolik hagakhe lagap meke inom, akhuni aperek hinakmurogo dogolik, hinobatnerogo yomageisekhe lagap meke inom, hinakla nen, “Ninoe Etagapogot Yesus Kristus nen hano hagatninabigin,” iluk hinebe hinobakhanini hapugutdiluk welagap meke inom, nit nen hit hagakhe lagap meke iti hasik obarlikmatdigidek, eberek motok welago.

1 Timotius 6:18

It iti hanorogon hagakhe dogolik, inameke doalegat dogou hak, akhuni aperek hanorogon yomageisekhe dogolik, inameke dek meke wogeisigik, supurisigik, hagakhe dogoagaluk inasuk wakhe dogono.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

Ibrani 10:32

Nagarlak lak nerugi. Hit alep Allah nen hinebe liatdinageikhemo werekma yi aik ti aik wiik-weakhogon hagathinakho korlek, hinaik hundiluk hinobakhanini hapugutdiluk hinobatnerogon welagagip iti hinakla ebetni o.

Ibrani 13:16

Itithogon ekhe dogolik, akhuni aperek hano hagarinakhik, yomageisigik, hagakhe dogouok. Itithogon hagakhe dogosak iti, Allah akla hanorogo kambing sapi warekhe dogou hagatma, obarlikmatdusak motok dek o.

1 Yohanes 1:9

Meke re, nit weak hagakho meke thelekma 'bualogon ugun halok, at Allah obabut mothogon motok dogolik, wene abok yoknisekherek hagat, hagakherethekma, nit weak hagakhorek meke thagalogo here'isalok, weak hagasuogoluk ninakla ebekhorek meke thobalninakherek.