Ibrani 5:9 - ALLAH ANE WENW KET MEKE WAROGO WOKNINAKHIKHE WENE

⁹ Itithogon yakulhe dogolik, ilugun arat kobokhogon hagakhikhemo, nit at ane hologo dogogun meke ninebe tha'bokhogonat niniluk motok-motok dogoagaluk at ebe tilninakhikhe meke erlo arat hagarogo 'bisikhe iti.

Ibrani 5:9 ပူးပေါင်းရင်းမြစ်များ

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Lukas 13:32

at Yesus nen, men yogeisasikhe, “Ap yeke helo yeke obabut hakene iti, wene yi ibat yogosi lani o. An he, o yogotak men, hubuluk men, mokat obabut weak meke akhuni inakla ukiluk werekma mukhogo ula'isigiku, u warek meke halok, hano hagarinakhik, hagakhe dogoluk nen, aheke halok, an yabu hagasigiluk wagagi meke ilugun arat tirliphogonat hagasigin o.

Yohanes 19:30

Itithogon wogokhukhama, ituk walhasikhesik nen, men isikhe, “Arat hagakhi o!” iluk isikhesik nen, uroak konokhogon ebe arat watlageikhe.

La'isasikhe 3:15

Ninilugutninakherek meke erlo ebe at mekeat he, hit nen wakhepma Allah nen, ebe warek meke ilugutdekhemo, nit ninileken eberogonat hogosik nen yokhisekhe lago.

La'isasikhe 4:12

At Allah nen, nit akhuni agat oba yoma meke at ageikhe nen tilninabuagaluk etaga yakulnisigidek iti nen, ap werlek meke nen tilninabusak erlok dek o. At Yesus nen tilninabuagaluk, at arligat etaga yakulnisasikhe iti,” iluk yogeisasikhe.

La'isasikhe 5:32

Itithogon hagakhe iluk nit ninileken hutukhogon hogosik nen, Eberogonat, iluk pakhogon yokhisekhe lago. Akhuni Allah ane hologo hagakhorek meke, at Agoreke woknisekherek iti ninom nenat wene iti yokhisekhe lago,” iluk yogeisasikhe.

Roma 1:5

At watlageikhesikmo nen Allah Agoreke nen ilugutdisikhe iti baga, an nen yi akhuni ti akhuni inukuloak etaga tomok inetaiken at Yesus oba hakotdiluk ane hologo hagakhe dogosak meke yakulisugunem, at etaga kok asuagaluk Allah obabut hano nen nayoko 'biluk la'ani ageikhe o.

Roma 10:16

Meke re, akhuni inebe tha'bokhogonat hano wene itiat waganusak meke re, it aperek waganhidek werek o. At Yesaya nen, Allah men yogokhikhe, “Ninopase. Nit wene yogeisugunem nen, tha nen wene iti hutdekhe. Hutdigidek anek werek o,” iluk yogokhikhe.

Roma 15:18

An nen wene ninat wene u nayuk. It akhuni itikmanke meke Allah nen apma 'bisoagaluk, at Kristus nen nayoko 'biluk wene igik, iki nen hagakhik, hagarik wageikhe iti nayuk degat igin.

Roma 2:8

Itithogon mekeat, it akhuni aperek nen inekaerek hasik anek hagakhe dogolik, ebe wene isinem inasuk hologo hagakhidek here'isalok, weak wene anek inasuk hologo hagakharek meke iti, Allah akla aga hetpet dageilik wene kokhogon inoba 'bigin o.

Roma 6:17

Hit alebageik nen, weak hagakharek iti apma ukiluk werekma, yabokane, wene yakulhisugunem, wene iti hinetaikenma waganhigip iti nen, Allah heagei wasuok o.

2 Korintus 10:5

It akhuni aperek inakla nen, “Allah iti ebe nina'it o. It akhuni aperek at ebe inilu asusak degat o,” iluk inekaerek nen hogorakhegarek meke iti, nit nen sikhe thege iti baga erlok thebeldisausagat o. Nen, akhuni inetaiken weat meke baga eberiogei meke iti, nit nen sikhe thege iti baga Kristus ane hologo hagasuagaluk apma erlok 'bisasusagat o.

Filipi 2:12

Nagarlak lak nerugi. Hinebe nakmu o. An ninom dogolik, nane hibiku-yogoku isinem hologo hagakhe lagagip iti hagat, an yogotak nebe walegat werek korlek, nane itiat kogotdiluk nen, hologo motok hagakhe dogono. At Allah nen, hit nen hagakhe dogobageik iluk, hinakla kagalogo hagathinakhunem, hit hinakla nen, “I, nit itithogon hagakhe dogou warlok,” iluk apalok, Allah akla warlok meke hagakhe lagap iti nen, at ebe hinayukhogon hinoageleke dik-dik hagakhe dogolik, “At nen tilninabigin,” iluk iti hasigat hagakho motok dogono.

2 Tesalonika 2:16

At ninoe Etagapogot Yesus Kristus, ninopase Allah ipisak inobabut hano etnogo nen, inakmutninakhukhasik, ninetaiken aborlok dek motok dogoagaluk ago watdinanhik, hano asigin iluk oba eberek dogoagaluk ninakla kagalhik, hagakharek o.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

Ibrani 1:14

Allah agarumi malaikat iti inebe, nikithogon hagakharek meke nogo? It inebe, nit Allah nen tilninabigin meke yomaknisekhe dogoagaluk, at nen inayoko 'biluk la'isa agarek mekeat o.

Ibrani 11:8

Ap Abraham meneke, Allah nen ayoko 'biluk, “Hat o ageikhe ite dogonogoluk wokhisik nen, lano,” iluk abok yogokhikhemo, at nen he, “Wene iti eberogonat,” iluk etaiken Allah oba hakotdiluk o koma ligin heat okodek dogoligat wageikhe.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 2:10

At Allah iti, yi meke ti meke at ekaerek hasik, ekaerek nenat walhasikhe meke nen, akhuni at a'buri doalegat hogorinakhe dogogunmo wogosik loagaluk, holak waganherek meke Yesus at o. At nenat akhuni erlok inebe tilinabiluk wogosik laga dogoagaluk, yi aik ti aik hilik hilik watlasuagaluk apasikhe iti, erlok apausak meke iti tak-tagat apasikhe.

Ibrani 2:3

Iti hak, nit yogotak tilninabusak wene kok iti ninobakhanini here'isagun halok, weagatninabiginat o. Ebekeram he, wene at ninoe Etagapogot ebe nenat akhuni aperek yogeisasikhemo inasuk hokhukha meke nen hutukhogon yoknisasukha meke eberogonat hagatlageikhe.

Ibrani 9:15

Iti halok he, wene warogo alebageik wokninakhikhe meke iti baga dogolik, nit ninasuk warek dek weak hagakhe lagagu iti baga ninebe herle warek hakene welagagu meke. Itithogon werekma, at Allah nen Kristus watlageikhe iti baga herle hialninakhikhesik, nit at nen wanisasikhe meke ninom hundiluk, hano ikhok motok dogogin meke woknisagaluk, wene ket meke warogo wokninabiluk, Kristus ebe turlem heisogo meldisikhe.

Ibrani 9:28

at Kristus meneke nit akhuni weak hagakhorek meke degetdisagaluk iki opaki hasigat kambing sapi Allah warekhe lagoukha iti hak, at ebe watlageikhesik, yabokane wisigin iti, nit weak hagakhorek meke degetdisagaluk wisigin 'buk. Dek o. Nit akhuni, at wagunem elokhoma therogo welagorek meke hanotninabigiluk wisigin o.

1 Petrus 1:22

Ebe wene iti hinasuk holhe dogolik, hinakla nen weak meke horogo la'isalok, hinagarlak lak hinerugi Allah a'buri meke aperek eberogonat hinakmurogon hagakhe lagap iti, hinom hunik motok dogolik nakmu-hakmurogon hagakhe dogono.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

Yudas 1:21

Itithogon ekhe dogolik, hinakla nen, “Ninoe Etagapogot Yesus Kristus ninebe akmu nen, nit yabokane naburlal-haburlal hagatninabigin,” iluk, therogo dogolik, at Allah nen ninebe akmu iti, hit nen at hinom hunigat dogono o.