Ibrani 5:13 - ALLAH ANE WENW KET MEKE WAROGO WOKNINAKHIKHE WENE

¹³ Yekerugi inagosa lak irlak apusu anek nekarek iti, inebe yekerugiatma, wene yi hano, yi weak, iluk penasusak inokodek welageikharek iti.

Ibrani 5:13 ပူးပေါင်းရင်းမြစ်များ

Matius 11:25

Itithogon yogeisasikhesik, o itinem, at Yesus nen Allah ebe yogokhe dogolik, “Allah nopase! Pogot agat iteerek harat o! Wene tha'bokhogonat iti, it akhuni inakla kagalek meke men, yi wene ti wene inilu meke men, inilu asunogo iluk lima'iluk nen, it inobabut yekerugi ket itago meke hakene anek, pakhogon yogeisegen iti hakla warlok apegetik nenat yogeisegen iti nen heagei wathakhe lagei, nopase,” iluk yogokhikhe.

Markus 10:15

Tha nen, yekerugi 'bugurlaktek meke Allah nen apma 'bisekherek wene iti waganiluk ukegarek iti hak ukigidek halok he, ukigin motok dek o, iluk eberogonat yokhisigi,” iluk yogeisasikhe.

Roma 2:20

Nen, wene Allah nen ninasuk wakhikhe wene etnogo nit nen hago welagorethekma re, yi wene ti wene ninilu dogolik wene eberogonat meke anek yakulisogorek iti nen, akhuni inetaiken abit meke yakulisigik, yekerugi meke wene yakulisigik, erlok usak o,” iluk ekhe lagap iti.

1 Korintus 13:11

An nebe yekerek oba, nane yekerugi inane meke igik, netaiken yekerugi inetaiken meke welageik, nakla yekerugi inakla ebekharek meke ebekhik, hagakhe lagagi mekeat he, yogotak nebe narlue agagisik nen, nobabut yekerugi inobabut meke iti arat here'isasigi o.

1 Korintus 14:20

Nagarlak lak nerugi. Wene hinakla ebekhe lagap iti, yekerugi inakla ebekharek hak ebekhe dogogup. Keritago meke nen weak hagakho inokodek welageikharek hak dogolik, hinetaiken inarlue inetaiken hakene horlerogon dogono.

1 Korintus 3:1

Nagarlak lak nerugi. An nen alebageigat, wene akhuni Allah Agoreke inakla werek meke yogeisegarek hak, yokhisigidek o. Itithogon yokhisasigi dek iti, hit Kristus hinom hunekhigisibat, hinobabut hinikhogat dogolik, elege ket itago meke hakene welagagip iti nen, akhuni inobabut itithogon werekma yogeisegarek hak yokhisasigi iti o.

2 Korintus 3:9

Wene holal wganek iti tak-tagat hagakhidek oba nen wene ninoba 'bakhasugu iti. Meke re, wene iti wogeisugunem hogorakhukha mekeat he, iti herlekha'bugat o. At Yesus nen wene ninoba meke korogo wokhalok nen Allah baga ninapuke hunogo 'binanhikhe iti wene woknisasikhe iti hasik anek, ebeluk motok kogat hogorasusak o.

Efesus 4:14

Itithogon hagakhe dogolik, ninobabut yekerugi inobabut hisakne nen i hoklabu sabulogo lageik-wageik hagakherek iti hagat, nit itithogon hagakhe dogoak nen iluk, it akhuni aperek inobabut mirlok-marlokthek meke nen inekalat mekeat he, eberogonat thalek nukhetdinanuogoluk, wene ninat wene eran-alep yoknisariogei iti inane holusak dek o.

2 Timotius 3:16

Allah ane holal waganek iti tha'bokhogonat, at nenat inakla kagalhikhemo, holal waganogo 'bisukha meke iti baga, akhuni aperek wene ebe wene yakulisigik, korlo hagakhunem inasuk wakhik, inobabut hebelinakhik, Allah akla warlok apekherek meke mothogon hagakhe dogoagaluk inasuk wakhik, hagakhe dogosagat o.

1 Petrus 2:2

Yi meke ti meke ituk walhalok, hano egarek iti hak, ninoe Etagapogot obabut hano hegep iti nen, elege ket itago meke irlak abu nen nasi motok welageikharek iti hak, wene hano wene hinetaiken iti baga horle asumo hanothinabuagaluk, wene itiat hit warlokhogon waganho motok dogono o.