Ibrani 5:1 - ALLAH ANE WENW KET MEKE WAROGO WOKNINAKHIKHE WENE

¹ It ap Allah iteerek inougi koktek inebe tomok iti, akhuni Allah a'buri nen, ap it meke ageikhe Allah hasik hagakhe dogolik, it meke yi meke ti meke 'bisinem, Allah wogokhik, weak hagakharek meke hasik inako wolok wagunem, warikhik, hagakhe dogoagaluk wenago meldisegarek.

Ibrani 5:1 ပူးပေါင်းရင်းမြစ်များ

Roma 15:17

Kristus Yesus nipisak hunik dogolik, Allah hasik hano hagakhe lagei o, iluk hogorakhausak erlok o.

1 Korintus 15:3

Wene alebageik an yakulnikhukhama, waganhidi mekeat hit yabokane yakulhisasigi iti, ebe men apigi. Nit weak hagakhe lagagu meke hasik, at Kristus niniki ukum oba wasugun iluk holal waganogo 'bisukha tak-tagat ebe wakhukha iti o.

Ibrani 10:11

It ap Allah iteerek inebe tomok nen akhuni inobasik hagakhe dogolik, hibiku-yogoku eran-alep kambing sapi warekhe lagoukha meke iti meke anek warogo Allah wogokhe lagoukha iti nen, Allah nen it weak hagakhe lagoukha meke korogo wokhausak, motok erlok dek ageikhe iti o.

Ibrani 10:12

Itithogon mekeat he, at Kristus anek he, nit akhuni nen weak hagakhorek meke hasik iki opaki hasigat watlaga dogolik, ebe motok-motok Allah wogokhikhesik, alilu iki ebeke asi lageikhesik kok werek iti.

Ibrani 11:4

At ap etaga Kain nen, motok erlok dek meke Allah wogokhikhe mekeat he, at Habel iti anek he, etaiken Allah oba hakotdiluk hano meke Allah wogokhikhemo, at Allah nen, “Habel anek, obabut mot hano higi,” iluk isikhe. Itthogon isikhesikmo nen, at Habel ebe watlageikhe mekeat he, etaiken Allah oba hakotdiluk dogolik hagakhikhe iti baga, at nen, “An itithogon hagakhi,” iluk yoknisekho negen motok werek o.

Ibrani 2:17

Itithogon hagakhikhe iti, yigithogon iluk. Nit akhuni weak hagakhorek meke, at nen degetdisagaluk, at ebe Allah iteerek kok dogolik, obabut Allah hasik hupukhogon hagakhik, nit akhuni akmutninakhik, erlogat hagakhe dogeigiluk, at ebe nit akhuni agarlak lak erugi hakeneat atluk, nit hagakhorek meke tha'bokhogonat ninobabut waganusak mekeat waganhikhe iti.

Ibrani 7:27

It ap Allah iteerek koktek iti hibiku-yogoku inekaerek weak hagakharek meke hasik tak, inako Allah warekharethek nen yabokane akhuni aperek weak hagakharek hasik inako Allah warogo wogokharek mekeat he, at Yesus anek he, nit weak hagakhorek meke hasik ninako Allah waresu hak, at ebe opaki hasik watlaga dogolik, ebe Allah wogokhikhe iti.

Ibrani 8:3

It ap Allah iteerek inougi koktek inebe tomok meldisegarek iti, yi meke ti meke Allah wogokhik, inako warikhik, hagakhe dogoagaluk meldisegarek iti hak, nit ninoe Allah iteerek kok iti, yi meke ti meke aperek nit ninobasik Allah wogosusak werek o.

Ibrani 8:4

Wene Allah nen ninasuk wakhikhe meke iti tak-tagat, yi meke ti meke Allah hasik wogokhe dogosak meke, it ap Allah iteerek meke inebe werek iti nen he, at Yesus ebe agat oba yoma dogolepma, Allah iteerek dogolep dek o.

Ibrani 9:9

Wene iti, ebe o yogotak hagatlariogo meke hasik alino hagarek welageikhe. Wene alino hagarek meke iti tak-tagat hagakhe dogoagaluk, hipiri inom, i inom, yigithogon neke dogolik, yi meke ti meke oba yigithogon horekhe dogosak, iluk Allah nen yakulisasikhe meke tak-tagat hagakhe dogolik, inako Allah warekhe lagoukha iti, Allah nen wene ket ebe meke aban hagakhidek werek korlek, agat oba yoma elanma hasik dogolik, alino waganogo hagakhe lagoukha iti nen, wene inoba dek iluk inakla 'bogokhogon thelegetdusak erlok dek welageikhe.