Ibrani 4:6 - ALLAH ANE WENW KET MEKE WAROGO WOKNINAKHIKHE WENE

⁶ Ebekeram, it nen hano wene iti inasuk holhukhasik nenat, inasuk hologo mothogon hagakhidek iti nen, at Allah nen, “It thet walagun,” iluk abok isikhe etnogo, thet ebe waligidek. Iti halok he, it akhuni ninat meke aperek erlok thet walagun, iluk hutdusak o.

Ibrani 4:6 ပူးပေါင်းရင်းမြစ်များ

Matius 21:43

Hit he, Allah nen apma 'binagousak welagagip mekeat he, apma 'binagagin dek o. Hit hinobolukmo, o eken hano meke isu hak, it akhuni inukuloak etaga ninat meke nen, Allah akla apekherek meke mothogon hagakhe dogogun meke halok 'bisagein o. [

La'isasikhe 28:28

Itithogon yogeisasikhesik, wene ilokon warogo men yogeisasikhe, “Itithogon isikhe iti nen, wene yi hinilu asubageik iluk yokhisak, Allah nen akhuni aperek nen, at nen tilinakherek wene iti, it akhuni itikmanke meke yogeisa loagaluk inayoko 'bekhemo yogeisiliogei. It itithogon yogeisugunem, inasuk hologo hagasugun o, iluk hinilu asubageik iluk yokhisigi iti o,” iluk Paulus nen yogeisasikhe. [

1 Korintus 7:29

Nagarlak lak nerugi. Yogotakne, o ilugun oba asi lagosik welago ya baga dogolik ap inagugi waganek meke iti, waganek dek meke negen dogoak, iluk apigirik nen yokhisigi o.

Galatia 3:8

Haganeat wene ebe itithogon aban hagatlageidek werek korlegat, it akhuni itikmanke meke inetaiken Allah oba hakotdisinem, at nen, “Wene hinoba meke korogo wokhalok ninom yabokane hinapuke hunogo 'binagagin o,” iluk, wene hano wene aban yogeisigidek dogolik, Abraham tak wene abok men iluk yogokhikhe, “Yi akhuni ti akhuni tha'bokhogonat an nen hanorinabigin iti, erlo harat o,” iluk isikhemo, holal waganogo 'bisukha.

Ibrani 4:11

It ale Allah ane hologo mothogon hagakhidek nen, thet waligidek iti hak, nit aperek it inomanem thet waligidek hagasunogo iluk, ninobatnerogon hagakhe dogouok o.

Ibrani 4:2

Wene hano wene iti it alep yogeisasikhe iti hagat, nit itithogonat yoknisasikheat. Meke re, wene yogeisasikhe meke iti, it inasuk holhukhasik nenat, inetaiken oba hakotdigidek hagakhe lagoukha iti baga, wene iti it inobasik erlok dek ageikhe iti.

Ibrani 4:9

Allah nen yi meke ti meke walhekhe lageikhesik nen, yabokane ilugun kobokhogon iki 7 baga thet walasikhe iti hak, nit at a'buri thet walagun meke iluk abok isikhe meke etnogo ukugun halok, ninebe dopok yi meke ti meke yabu ninekaerek hasik hagakhe lago meke ilugun kobokhogon thet walagun meke weregat o.