Ibrani 4:16 - ALLAH ANE WENW KET MEKE WAROGO WOKNINAKHIKHE WENE

¹⁶ Iti nen he, nit weak asusak werekma, hano asuagaluk, ninopase Allah obabut hano nen akmutninakhik, yomaknisigik, hagasuagaluk, at Allah kok welagarekma dogolik obabut hano enagorogon hagakherek iti nen, ninayuk dekhogonat horokhogon ukuok o.

Ibrani 4:16 ပူးပေါင်းရင်းမြစ်များ

Efesus 3:12

Nit ninetaiken at oba hakotdiluk, at ninom hunik dogolik, ninayuk dekhogon ninetaiken hapukhogon Allah oba ukusak iti o.

Ibrani 13:6

Itithogon apekhe dogolik, hinakla nen, Allah nen, “Niki hetokhogon here'agagin dek o,” isikhe iti nen, ninetaiken hapukhogon dogolik men ekhe dogosak, “Nopase Etagapogot, an yomaknekherek meke. Halok he, akhuni nen an nikithogon hagatnabusak. An nayuk dek o,” iluk ekhe dogosak iti.

Ibrani 3:6

Mekeat he, at Yesus anek he, Allah ebe a'but nogo nen, at iteerek nenat hagakherek. Nit hanotninabigin wene iti hasik ninetaiken ninobatnerogon oba hakotdiluk motok dogogun halok he, Allah ai halek iti, nit ninebeat o.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

Ibrani 9:5

Peti iti apot oba it malaikat hakene inebe pere, ina'bikha werek meme Allah ebe werek iluk alino hagarogo 'bisukha meke welagoukha. It iti, akhuni weak hagakharek meke Allah nen thagalogo degetdisalok, at inom hano dapulogo 'bisekhe lageikhe baga, ina'bikha nen thebelogo 'biluk welagoukha. Itithogon welagoukha mekeat he, wene iti tha'bokhogonat hasik yogotak ya opakitek-opakitek pilin-palinhogon usak erlok dek o.

1 Petrus 2:10

Hit alebat, Allah hinom huni welageidek mekeat he, yogotak hinebe Allah a'buri agap o. Nen alebat, hit nen, “Allah ninebe akmu werek,” iluk hinokodek welagagip mekeat he, yogotak, “Ninebe Allah akmu nen wokninakhikhemo welago,” iluk hinilu agap o.