Ibrani 4:15 - ALLAH ANE WENW KET MEKE WAROGO WOKNINAKHIKHE WENE

¹⁵ Nit ninoe kok Allah iteerek welagarek iti, nit ninobatne dek erlok dek iti, at okodek 'buk. At nit ninobabut waganhikhesik werekma, nit weak hagasuagaluk weak meke etnogo nen ninakla kagalherek hak, at itithogonat yi meke ti meke hasik akla kagali aga lageikhe mekeat he, at weak ageikhe hagakhidek dogolik ninobabut ilu o.

Ibrani 4:15 ပူးပေါင်းရင်းမြစ်များ

Matius 12:20

O ilugun hurli baga at nen wene akhuni inoba 'bigik, kokhik, mothogonat hagakhe dogolik, at obatne asigin iti aban werek korlek, hite oak sigilik meke, at nen hukaligin dek o. Nen, isagal amulok dageigidek thode anek dageikhe halok he, at nen naguldisagein degat o.

Matius 4:1

Ima usa'isikhemo, Yesus Iblis nen akla kagaluagaluk, Allah Agoreke nen wolok o limo akhuni dekma etoma lageikhe.

Lukas 22:28

Weak kogat hagatnakhe korlegat, hit yi anek, an here'anhidek ninom motok welago iti nen,

Lukas 4:2

Lageikhesik etoma werekma iki 40 hari Iblis nen akla kagaligiluk oba waga lageikhe. Wago werek korlek, iki 40 hari eta hipiri motok nikidek welageikhesikmo nogo nen, hipiri motok abu ageikhe.

Yohanes 8:46

An nen weak hagakhunem, hit aperek nen hinileken neegep halok he, yoknitni ta. Dek o. An nen wene ebe weneat yakulhisekhe korlek, hutdekhe lagap dek iti nenaluk.

Roma 8:3

Alep he, wene Allah nen ninasuk wakhikhe wene etnogo, nit akhuni ninobabut ninobatne dek iti nen, hano hagatninabusak erlok dek ageikhe. Erlok dek ageikhemo, nit akhuni ninobabut weak hagakho werekma, Allah ekaerek a'but nit hakene hagatlatluk, nit weak hagakhorek meke iti wene oba 'biluk obatne degetdisoagaluk la'i ageikhemo obatne degetdisikhe iti.

2 Korintus 5:21

Nit Kristus ninom hunekho halok, at Allah nen ekaerek ninom hano ninapuke dapukhogon 'binanigiluk, nit ninobasigat nit ninobabut weak hagakhorek meke iti, at Kristus weak hagakhidek meke oba 'bisikhe iti o.

Ibrani 4:14

Nit ninoe kok Allah iteerek Allah a'but Yesus etnogo pogot abel upuke Allah werekma dageisikhesik nit ninobasik werek iti nen he, nit ninetaiken at oba hakotdiluk ninane pakhogon ekhe lago meke iti, niniki a'bethogon hago dogouok o.

Ibrani 5:2

Itithogon meldisugunem, it inobatne dek erlok dek mekeat emenogo nen, it akhuni aperek itithogonat wene inokodek dogolik nil-hilhogon hagakharek iti, hutdiluk nen, inebe inakmurinabiluk it inobasik inoba enagorogon erlogat hagakharek iti.

Ibrani 7:26

Nit ninakla nen, “Ap ageikhe Allah iteerek nit ninobasik hano 'bogokhogon yigithogon kok dogolik hagakhe dogolep e,” iluk apogorek mekeat he, Allah nen ninoe Yesus itiat meldisikhemo werek o. At obabut weak korlo ageikhe hagakhidek, hano karelek motok werekma, akhuni weak hagakharek meke inakla nen karelogo pogot abel upuke upu eloma lia'isikhemo nit ninobasik werek o.

Ibrani 9:28

at Kristus meneke nit akhuni weak hagakhorek meke degetdisagaluk iki opaki hasigat kambing sapi Allah warekhe lagoukha iti hak, at ebe watlageikhesik, yabokane wisigin iti, nit weak hagakhorek meke degetdisagaluk wisigin 'buk. Dek o. Nit akhuni, at wagunem elokhoma therogo welagorek meke hanotninabigiluk wisigin o.

1 Petrus 2:22

At nen, “Weak ageikhe hagakhidegat. Nen, ekalat isinem, akhuni aperek inasuk holhidegat o.”

1 Yohanes 3:5

At Kristus ekaerek weak hagakhidek dogolik, nit weak hagakhorek meke thagalogo degetdisagaluk ebe thelekmaat wageikhe iti hinilu o.