Ibrani 4:12 - ALLAH ANE WENW KET MEKE WAROGO WOKNINAKHIKHE WENE

¹² At Allah ane ekherek iti, karok elak abel ebelak-ebelak motok mago iti hakene dek o. Meke re, at ane iti, iluk meke obatneak elaklak weak motok dogolik, inoak elekenma ukigik, inamukok elola ukigik, hagasu hak, inakla inetaiken oba hakha lagarethek nen, inakla apegarek meke inom, inetaiken nen warlok apegarek meke inom, ileken erlok penakherek.

Ibrani 4:12 ပူးပေါင်းရင်းမြစ်များ

Lukas 8:11

Itithogon yogeisasikhesik, yabokane ageikhe men yogeisasikhe, “Wene oba lisogon yokhisigi etnogo ebe yi. Ai hilogo la'ilik lageikhe igi etnogo, ebe Allah ane itiat o.

Yohanes 12:48

At he, at iti an nebe woknabu a'irat, nen nane hanorogon waganusak a'irat, iti nen, at iti wene oba 'bigin meke werek o. Wene oba 'bigin iti, o ilugun hurli baga karelinabigin iti nen, an nen wene yokhisekhe lagei iti bagaat wene oba asigin o, iluk itithogon yokhisekhe lagei iti,

Yohanes 6:51

Hipiri inilugurinakherek meke pogot oba nen usa'ageikhe iti re, an nebeat o. Hipiri an nen wogeisagein meke iti, tha nen nasi halok, at ebe iluk motok dogogin o. Akhuni agat oba meke iniluk dogoagaluk an nebe it inobasik watlasigin iti, an nebeat wogeisagein o,” iluk yogeisasikhe.

La'isasikhe 2:37

Itithogon yogeisasikhemo, inasuk holhukhasik, wene iti baga inetaiken warekhe dogolik,it nen Petrus men, it aperek Yesus nen inayoko 'biluk la'isasikhe meke emenogo men, yogeisekhe dogolik, “Nagarlak lak. Nit ninobabut nikithogon hagasu heat,” iluk yogeisasukha.

La'isasikhe 4:31

Itithogon Allah ayoko 'bekhe lagoukhama, o it natogorlek welagoukhama iti aborlok isikhe. Aborlok isinem, Allah Agoreke inebe tha'bokhogonat inakla kerlekhogon ukisikhemo, wene Allah nen isikhe meke akhuni inayuk degat yogeisekhe laogukha.

La'isasikhe 5:33

Itithogon yogeisasikhemo, it inakla aga dageiluk ap Yesus nen inayoko 'biluk la'isasikhe meke emenogo inasuogoluk hagakhukha.

La'isasikhe 7:38

Nen, ninopa lak inom o limo akhuni dekma etoma natogorlek werekma, tom Sinai iti apma malaikat Allah nen yoko usa'isa agarek meke emenogo ageikhe oba usa'ageikhesik nen, ipisak wenekak isukha iti, at Musa at o. Ninopa lak emenogo inomat werekma, at Allah nen, wene niniluk dogogun wene iti, nit yoknisoagaluk yogokhikhe iti, at Musa at o.

Roma 1:16

Hano wene iti Allah obatneatma, ebekeram akhuni Yahudi meke, nen yabokane, akhuni itikmanke meke, inetaiken Yesus Kristus oba hakotdegarek meke tha'bokhogonat tilinakherek iti nen, an nekarli degat hano wene iti yogeisilik nekherek iti.

1 Korintus 1:24

Itithogon mekeat he, it akhuni Yahudi meke dek, Yunani meke dek, Allah nen inayoko 'bisikhe meke nen, “Allah obatne Kristus ebe itiat o. Nen, Allah awene kagalek wene, Kristus ebe itiat o,” iluk hutdiliogei.

2 Korintus 2:17

It akhuni aperek inebe doalegat nen, yi meke ti meke oko hau wolok lageikharek hak, Allah ane itithogonat wolok lageikharek. Meke re, nit anek he, itithogon dek. Allah nen, at ane wolok loagaluk ninayoko 'bisikhe iti nen, at il obaat ninetaiken opakiat Kristus ninom hunigat dogolik, yogeisilik laga lago o.

2 Korintus 4:2

Nit he, akhuni nen yi meke ti meke limago weak hagakharethek inekarli agarek iti meke here'isasugu. Itithogon here'isalok, akhuni nukhetdisigik, Allah ane wene ageikhe meke oba lapelogo yogeisigik, hagakhorek dek. Akhuni yoma inakla tomok nen hutdinoagaluk, wene ebe wene Allah iloba thelekmaat yogeisilik nekhe lago.

Efesus 5:13

Yi meke ti meke 'bualogo o lia baga 'bisinem, ekagat agarek iti o.

Efesus 5:26

At Kristus nen itithogon hagakhikhe iti, nit Allah a'buri tha'bokhogonat ninebe ninoba nino'ban dek, ninoado hurarlo dek, hano dogou hak, at il oba ukum ninoba dek, hano motok karelek dogoagaluk, ninebe ima usa'inanhunem, at ane etnogo baga, thobalogo 'binaniluk, at ekaerek hasik bakhagaluk ebe watlageikhe iti o.

Efesus 6:17

Inukuloakma inasunogo iluk, inukulasu a'bet meke thalharek hak, Allah nen tilninakherek iti mekeat waganiluk thalino. Itithogon thaldiluk nen, wim yabuogoluk karok inikimo wolok lageiharek hak, Allah ane, Agoreke nen woknisekherek iti meke wolok laga dogono o.

1 Tesalonika 2:13

Nit nen wene Allah ane etnogo yokhisasugumo, hit nen, “Wene iti akhuni inane meke dek o. Allah aneat o,” iluk waganhigip iti, eberogonat Allah aneat waganhigip o. Iti nen nit huk ageidek Allah heagei wakho motok welago. At Allah nen hit hinetaiken Kristus oba hakotdisigip meke hinakla kagalho motok welagarek o.

1 Tesalonika 5:23

Itithogon werekma, at Alah ninetaiken hapugutdinanherek meke etnogo nen, hinebe abisakeat ekaerek hasik 'bakhalok dogoak o. Werekma, ninoe Etagapogot ebe wagunem, hinetaiken inom, hinebe inom, hinobabut inom, wene hinoba 'busak motok dek karelek werekma wisuak nen, at nenat hakhisik dogoak o.

Ibrani 13:7

Hinougi alebat thethisik welagoukha meke nen, Allah ane yokhisasukha meke iti, inoba eberek dogono o. It inetaiken Allah oba hakotdiluk, inebe iniluk dogolik inom, watlasuogoluk inom, hagakhe lagoukha meke hutdiluk, hit it inobabut waganogo hinetaiken Allah oba hakotdiluk dogono o.

Yakobus 1:18

Yi meke ti meke winametdisikhe meke tha'bokhogonat makusanegen nirat dogoagaluk, at ekaerek akla apalok ane ebe wene iti bagaat itakninakhikhemo welago.

1 Petrus 1:23

Allah nen yabokane itakhinakhikhe iti, akhuni watlageikharek meke nen itaginakharek iti hak itakhinakhikhe 'buk. Allah iluk ikhok motok dogolik ane dek asigin dek motok dogogin meke baga itakhinakhikhe o.

A'bikaka 1:16

Nen, iki ebeke, husagal ebe 7 meke hago welaga. Nen, apema nen karok elak ebelak-ebelak mago meke dukhi aga laga. Elokhoken a'bi'bal he, o dikene eketurlem mo tirlelek-werlelekhogon yakherek iti hakene werekma nileken higi o.

A'bikaka 19:15

At itithogon laga dogolik, akhuni inukuloak etaga tomok tha'bokhogonat inobatne degetdisagein meke, karok elaklak weak meke apema nen dukhi aga laga higi o. Itithogon inobatne degetdisilik thegerluk pisue omaken obatneak iti hak, at ane obatne baga akhuni ha'isalokma nen, opase Allah obatne motok horleakma, yi meke ti meke hagasusak anek iti nen akla aga dageiluk, ukum inoba 'bisinem anggur eken apusu keleluogoluk obolukmo thagalharek iti hak, at isok nen al debelinabigin meke higi.

A'bikaka 19:21

Itithogon la'isekhe dogolik, akhuni it inagarumi tha'bokhogonat here'isalok lageikha meke, at kuda apot oba yasukhogon nekhe laga etnogo apema nen karok dukhi aga dogolik inakhe laga. Itithogon inebe warogo 'bisekhemo yi thue ti thue tha'bokhogonat wageikhasik, it akhuni inino inelabut urogonat neke lageikha hisigi.

A'bikaka 2:16

Na'it apekhe lagei iti nen, hit weak hagakhe lagap meke iti here'isalok hinobabut hebelatni o. Itithogon hinobabut hebelageidek halok he, hit an karok napema meke baga hinasigiluk ibat-ibat wisigin o.

A'bikaka 2:23

Itithogon hagakhunem, it Allah a'buri o yi ai ti ai natogokharek meke tha'bokhogonat inileken halok nen, it nen, At Allah akhuni inakla ebekharek meke iti inom, inetaiken nen kagalharek meke iti inom, ilumo, akhuni ninebe tomok ninobabut hagakhorek meke tak-tagat wene ninoba 'bigik, oko woknisigik, hagasigin o, iluk, an hutdanuagaluk, it akhuni at he iti ane waganharek meke inebe inasiginat o.

A'bikaka 20:4

Itithogon higirik oba nen yabokane, ap koktek inobolukmo doalegat werekma etoma inebe doalegat kok dogolik, akhuni aperek inapma 'bisalok hagasik dogolik ukum inoba 'bigik, kokhik, hagakhe dogoagaluk iteerek 'bisegama hisigi. Nen, ageikhe higiat. It akhuni helo yeke hakene kok meke etnogo inom, akaneke at ebe hakene alino hagarek etnogo inom, hogorinakhidek etaga thalek holal waganek etnogo inetai ekerlogo inilhaoak oba a? Iniki baga a, waganhidek here'isalok, Yesus hagakhe lageikhe meke yogeisilik nekharek hasik inom, Allah ane hasik inom, inarlokop ade 'bogokhogon palogo inakhukha meke emenogo arat inapuke inilugurinabiluk, meldisekhesik nen welageikha hisigi. Nen, it at Kristus inom akhuni aperek inapma 'bisalok hagasik, mulikin dageigik usigik hagakhe korlek, 1.000 tahun welageikha hisigi.