Ibrani 3:6 - ALLAH ANE WENW KET MEKE WAROGO WOKNINAKHIKHE WENE

⁶ Mekeat he, at Yesus anek he, Allah ebe a'but nogo nen, at iteerek nenat hagakherek. Nit hanotninabigin wene iti hasik ninetaiken ninobatnerogon oba hakotdiluk motok dogogun halok he, Allah ai halek iti, nit ninebeat o.

Ibrani 3:6 ပူးပေါင်းရင်းမြစ်များ

Matius 10:22

Nen, akhuni tha'bokhogonat nen an netaga ilik, Hit at agarumi, iluk ina'it motok hisagun o. Mekeat he, tha nen etaiken thebekhogon obakhanini hapugutdiluk dogogin halok he, o ilugun hurli baga, Allah nen tiligin o.

Matius 16:18

Nen, ageikhe inom yokhesik. Hat hetaga helekit u hak, Petrus o. Nen, helekit isa yi baga hipikhogon, an nagarumi natogorlogo 'bisalok o negen halogo 'bisigi halok he, at wema baga iteerek etnogo nen obatnerogo erlok degetdisagein dek o.

Matius 24:13

Mekeat he, tha nen etaiken thebekhogon obakhanini hapugutdiluk motok dogogin halok he, o ilugun hurli baga Allah nen tiligin o.

Roma 11:22

Allah obabut he, obabut enago inom, anini weak inom, welagarek iti 'bikhani! It alomatlagoukha meke hasik, obabut anini weak iti. Nen, hit at oba enago meke hinom hunik dogogun halok he, oba enago iti. Meke re, itithogon hunik dogogun dek halok he, hit itithogonat palogo la'inagagin o.

Roma 12:12

Hit nen, “Yabokane at Allah nen hano hagasigin werek o,” iluk, hinakla arleken akhalok, yi aik ti aik hekhe dogolik, hinobakhanini hapugutdiluk sembayan thogotdigidek isi motok dogono o.

Roma 15:13

“Yabokane hano asigin,” iluk ninakla arleken akhogorek iti, erlo at Allah nenat hagatninakherek. Hit itithogon hinakla arleken kokhogon akhekhe dogoagaluk Allah Agoreke obatne baga hagathinabuak. Itithogon hagathinabuak nen, hinetaiken at oba hakotdisigip iti baga hakotdiluk werekma, at nen hinakla arleken motok akhekhe dogoagaluk hagathinakhik, hinetaikek hapugutdinagagik, hagasuak o.

Roma 5:2

Nit ninetaiken Yesus oba hakotdisugu iti bagaat, at nen Allah obabut hano nen hanotninakherek iti apma 'binanhikhemo iti baga hakotdiluk welago. Dogolik, Allah hogorakho motok welageikharek iti hak, nit itithogonat hogotninabigin o, iluk ninakla arleken akhekhe lago.

1 Korintus 3:16

Nit ninebe Allah ai halegat, iluk hinokodek nogo a? Allah Agoreke ninakla ai halogo welagarek, iluk hinokodek nogo a?

1 Korintus 6:19

Hit nen he, “Allah nen Agoreke woknisasikhemo, ninebe at ai halek welago,” iluk hinokodek nogo a? Hinebe hinekaerek iteerek 'buk. At iteerek o.

2 Korintus 6:16

At Allah ai halek iti inom, kaneke iti inom, opakimo dapulusak nogo a? At Allah iluk motok welagarek meke ai halek he, nit ninebe yiat o. At nen he, men isikhe, “It inakla an nai halogo dogogin o. Inaklake etoma nekhe dogogin o. It inopase Allah anat dogogin o. Nen, an na'buri irat dogogun,” iluk isikhe iti nen,

Galatia 6:10

Halok he, nit o yogotak hano meke hagasusak erlok welago ya baga, akhuni inebe tha'bokhogonat yomageisekhe dogoligat, kok hakene, ninagarlak lak ninerugi inetaiken Kristus oba hakokthek werek meke hanorogo yomageisekhe dogouok o.

Galatia 6:9

Halok he, ninobatne dek ageidek hano meke hagakhe dogogun halok he, yi meke ti meke ya'iluk morat asi lagunem, ebe palharek hak, yabokane ilugun oba ebe hano meke horlagun iti nen, nina'it ageidegat hagakhe dogouok o.

Efesus 3:12

Nit ninetaiken at oba hakotdiluk, at ninom hunik dogolik, ninayuk dekhogon ninetaiken hapukhogon Allah oba ukusak iti o.

Kolose 1:23

Halok he, hano wene hinasuk holhigisip hinakla nen, “Yabokane hano asigin,” iluk, apasigip meke iti, hinetaiken aborlok iluk kolelogo here'igidek hinobatnerogonat hago dogono. Hano wene iti, at nen yi ai ti ai akhuni inebe tha'bokhogonat yogeisasikhe wene iti yogeisilik nekhe dogoagaluk, an Paulus nayoko 'bisikhe iti.

1 Tesalonika 5:16

Hinakla arleken akhasi motok dogono.

2 Tesalonika 2:16

At ninoe Etagapogot Yesus Kristus, ninopase Allah ipisak inobabut hano etnogo nen, inakmutninakhukhasik, ninetaiken aborlok dek motok dogoagaluk ago watdinanhik, hano asigin iluk oba eberek dogoagaluk ninakla kagalhik, hagakharek o.

Ibrani 1:2

Meke re, o ilugun oba, nit yogotak welago ya baga, Allah nen a'but yogokhikhemo, at nen nit yakulnisa ageikhe. At a'but iti, erloma Allah nen yi meke ti meke tha'bokhogonat winametdisikhe iti, ebe at a'but nenat winametdisikhemo, iteerek dogoagaluk meldisikhemo dogogin iti o.

Ibrani 10:19

Nagarlak lak nerugi. At yesus amep ulabogo watlageikhe iti baga, nit o kakok palekma Allah ekaerek aila etoma ninayuk dekhogonat ukuok o.

Ibrani 10:21

Ya'inanhikhesik, at ebe Allah aila etomaat iteerek nit ninobasik kok welagarek o.

Ibrani 10:23

At obabut he, “Wokhisagein,” iluk abok yoknisekherethek, ebe woknisekherek iti, nit nen, “Eberogonat hutukhogon woknisagein,” iluk akhuni inil oba ninane pakhogon ogorek meke iti isi motok dogolik, a'bethogon hago dogouok o.

Ibrani 10:35

Halok he, alep weak hagathinakho korlek hinakla pugat welagagip meke iti kobokhogon thogotdigidek, yogotak ya itithogonat dogogun halok, oko kok meke wokhisagein iti nen, hinobatnerogon hago dogono o.

Ibrani 11:1

Inetaiken Allah oba hakotdiluk welageikharek iti ebe yigithogon. “Hano asigin,” iluk eberogonat apigik, “Yi meke ti meke ninileken nen higidek mekeat he, eberogonat weregat o,” iluk hutdigik, hagakharek itiat o.

Ibrani 3:14

Itithogon hagakhe dogolik, ebekeram ninetaiken at oba hakotdisugu meke itiat, niniki nomokhogon herogo werekma, hurli ilugun oba hago dogogun halok he, nit Kristus agarlak lak erugi agosik welago o.

Ibrani 4:11

It ale Allah ane hologo mothogon hagakhidek nen, thet waligidek iti hak, nit aperek it inomanem thet waligidek hagasunogo iluk, ninobatnerogon hagakhe dogouok o.

Ibrani 4:14

Nit ninoe kok Allah iteerek Allah a'but Yesus etnogo pogot abel upuke Allah werekma dageisikhesik nit ninobasik werek iti nen he, nit ninetaiken at oba hakotdiluk ninane pakhogon ekhe lago meke iti, niniki a'bethogon hago dogouok o.

Ibrani 4:16

Iti nen he, nit weak asusak werekma, hano asuagaluk, ninopase Allah obabut hano nen akmutninakhik, yomaknisigik, hagasuagaluk, at Allah kok welagarekma dogolik obabut hano enagorogon hagakherek iti nen, ninayuk dekhogonat horokhogon ukuok o.

Ibrani 6:11

Nagarlak lak nerugi. Nit ninakla warlok he, hit hinakla nen, “Allah nen nit hanotninabigin,” iluk hinakla arleken akhekhe lagap meke itiat akhekhe dogoluk, hurli ilugun oba iteerek asubageik nen, hagakhe lagap iti hagat, hinebe tomok hinobatnerogon hagakho motok dogosak warlok apekhe lago o.

Ibrani 6:18

Wene hupuk palogo yogeisasikhe iti, nit Allah apma uki ago meke ninakla nen, “Hanotninabigin,” iluk eberek welago meke ninetaiken hapukhogon dogoagaluk nirat abok yoknisasikhe. Abok yoknisigik, hupuk palhik, wene pere isikhe iti, nit nen, Allah ekalat ekherek motok dek, iluk ninetaiken hapukhogon dogoagaluk yoknisasikhe iti.

1 Petrus 1:8

Hit nen alebat, at ebe hinileken higidek mekeat he, ebe hinakmu welagap iti o. Itithogon dogolik, yogotak ya hinileken higidek mekeat he, hinakla nen, “Yabokane hano motok hagatninabigin,” iluk hinane baga nikithogon pilinogo usak heat dogolik, hinakla arleken motok akhekhe lagap iti o.

1 Petrus 2:5

Itithogon 'bisikhemo, hit hinebe helekit iluk welagarek iti meke hakene dogolik, at oba wetno o. At oba wagunem, Allah nen at ekaerek ai halogo 'binaguak. At ai halekma, hinebe Allah iteerek Yesus Kristus hinom hunik dogolik, Allah akla hanorogo ako warekhe dogou hak, hinetaiken wogokhe dogono o.

1 Petrus 4:17

Allah nen ninitema waganogo wene ninoba 'bigik, kokhik, hagasigin iti arat horogat asi aga. Itithogon hagakhe dogolik, nit Allah a'buri meke tak ninitema waganogo wene ninoba 'bigik, kokhik, hagasigin halok, yabokane it akhuni aperek Allah ane hano wene waganhidek meke nitithogon hagarinabigin apegep?

A'bikaka 2:18

Itithogon yoknekhesik nen, yabokane men yoknekhe, “An Allah a'but nileken hetu amulok hakene, nen, nisok tembaga hetu weraklatluk a'bi'bal here-here hagakherek iti hak etnogo nen wene yi yokhisik, At malaikat Allah a'buri o Tiatira natogokharek meke therisik welagarek etnogo, wene an nen yogosigin meke yi, hat holal waganogo oba la'in o,

A'bikaka 2:25

Meke re, an wisigin iti aban wageidek werek korlek, wene waganhigip meke itiat hiniki a'bethogon hago dogono o, iluk yokhisigi iti o.

A'bikaka 2:26

Tha nen an warlok meke hagakho motogat hurli o ilugun oba obatne asi ligin halok he, an nopase nen akhuni inukuloak etaga dopok, an nen hagasik dogoagaluk meldaniluk ite danhikhe iti hak, at obatne asi ligin meke iti itithogonat hagasik dogoagaluk meldiluk iteerek 'bumo, akhuni nen thegerluk pisue omaken meke baga isoak agat a'bet weak meke tamuk-tamakhogon hagakharek iti hak, at ane obatne baga yogeisekhe dogolik, hagasik dogogin o.

A'bikaka 3:11

An ibat-ibarat wisigin o. Itithogon witluk nen, tha ae a'busuk tha ae a'busuk lagunem, inobatne asugun meke oko kare-kare mitago i'bisegarek iti hak, oko hit wokhisausak meke, it akhuni aperek nen tilogo horlaunogo iluk, hit ebe waganhigip meke iti, hiniki a'bethogon hago dogono o.