Ibrani 3:12 - ALLAH ANE WENW KET MEKE WAROGO WOKNINAKHIKHE WENE12 Halok he, nagarlak lak nerugi. Hit aperek hinobabut weak atluk, hinetaiken Allah iluk motok welagarek meke oba hakotdigidek dogolik, at ebe here'isalok hinapuke dukhi launogo iluk, hinobabut hebelogo dogono o. အခန်းကိုကြည့်ပါ။ |
Ibrani 3:12
37 ပူးပေါင်းရင်းမြစ်များ
Itithogon hekhe dogolik, hit he, hinobabut hebelogo dogono. Akhuni aperek nen, hiniki herle warogo ap koktek nen hinitema waganuagaluk inoba wokhisik lageik, o akhuni Yahudi meke sembayan egarekma nen tugi hinakhik, hagasugun o. Itithogon hagakhe dogolik, It yi Yesus agarumi, iluk, it ap pemerintah meke koktek inom, inetagapogot inom, ukum hinoba 'buagaluk inelokhoma meldinagumo, itinem hano iluk, an hagakhunem hinileken neekhe lagap meke pakhogon yogeisagun.
at Yesus nen, men yogeisasikhe, “Akhuni nen nukhetdinageinogo nen, hinobabut hebelogo dogono o. It akhuni inebe doalegat nen, inetaga an netaga meke thalogo nen men ilik wisugun, At wisigin isukha etnogo an nebe wagei yiat o, igik, Hagatlasigin etnogo arat hakok i aga, igik, ilik wisugun etnaga, it iti inane hinasuk holiluk inoporlik lagup o.
Itithogon isi werekma, akhuni aperek inakla kagalek meke thalek, wene we meke inekalat yokhisekhe dogolik, nukhetdinaginogo iluk, hinobabut hebelogo dogono. Wene iti, Kristus nen isikhe meke tak-tak iliogei 'buk. Weat, akhuni itaklarik waga korlek, inopa lak nen, “O yoma yi meke ti meke herlaga, mokat inobabut weak meke itiat o,” iluk ekhe lagoukha meke tak-tagat nukhetdinagaliogei iti.
It nen wene men iliogeiat, “It akhuni o Tesalonika meke nen, Paulus lak inebe woginabiluk nen, Eberogonat, Allah iluk motok welagarek meke itiat o, iluk apma dogolik, at hasik hagakhik, at a'but pogot oba nen usasigin iti ebe therogo welageik, hagasuogoluk kaneke here'isalok, inelokhe dagakhogon Allah wogokhukhasik werek o. Allah nen a'but watlageikhesikmo ilugutdisikhe meke, ebe Yesus itiat o. Nen, Allah akla aga dageiluk ukum akhuni inoba 'bekhe dogolik, nit Yesus iti nenat tilninabigin o,” iluk, hinabok hano iliogeiat o.
At wisigin iti, aban wageidek werek korlek, it an na'buri wene inoba korogo an ninom hunogo 'bisigi meke inebe tomok, inetaiken noba hakotdiluk dogogun oba iniluk dogogun. Meke re, akhuni aperek inapuke dukhugun meke inebe tomok, it an noba hotokthek dek. Na'irat o,” iluk isikhemo holal waganogo 'bisukha.
It akhuni Allah ane agat oba yogeisugunem inasuk holusak ina'it welagoukha meke, inebe iniluk here'isigidek inakhe lageikhe iti. Halok he, nit yigithogon, wene pogot oba nen yoknisugunem ninasuk holusak nina'it dogogun halok he, ninakhidek here'inanigin apegep a? Dek o. Motok ninasigin iti nen, at ane isi korlek hinasuk holhidek, “Nina'it,” iluk here'isaunogo iluk, hinobabut hebelogo dogono o.
Iti nen, Allah a'buri ekaerek hasik wenago 'binageikhemo welagap meke nagarlak lak nerugi. At Allah pogot oba nenat hit ninomat ninayoko 'bisikhemo wene waganhugusik pakhogon ekhe lago iti hasik, at Yesus ebe Allah iteerek ninoe kok dogoagaluk, Allah nenat la'i ageikhemo werek iti halok, hit hinetaiken oba nenat hutdekhe dogono o.
It inoado itikmanke meke hasik sapi amep erlok dek meke baga erlok hano horinakhe lagoukha. Halok he, nit Kristus amep kok meke baga, “Wene hinoba dek,” iluk ninakla thelekhogon erlok motok 'binanherek o. Nit Allah iluk welagarek meke akla hanorogo hagakhe dogoagaluk, domba isi hano meke Allah warekhe lagoukha iti hak, at Kristus Allah Agoreke ikhok motok welagarek meke obatne baga, watlaga dogolik, ebe Allah wogokhikhe iti baga, nit alebat dek asigin meke we yugunat hagakhe lagagu meke, at nen, “Wene hinoba dek,” iluk, at amep oba ninakla thelekhogon 'binanhikhemo welago.
ကြော်ငြာတွေ