Ibrani 2:9 - ALLAH ANE WENW KET MEKE WAROGO WOKNINAKHIKHE WENE

⁹ Mekeat he, at Yesus anek he, arat kok meldisikhemo werek hekhe lago. Allah obabut hano nen, Yesus akhuni tha'bokhogonat inobasik watlasuagaluk malaikat inetagawerek kok negen werek korlek, at etaga dek erlok dek negen hagarogo 'bisikhemo, ebe yi aik ti aik hilik hilik watlageikhe iti baga, Allah nen at etagawerek kok meldisikhemo werek iti.

Ibrani 2:9 ပူးပေါင်းရင်းမြစ်များ

Matius 16:28

Nen, hit metek welagap yoma meke hinebe aperek watlageidek dogolik, an abat itaklasi agagi etnogo kok Netagapogot dogeigiluk akhuni tha'bokhogonat napma 'bisa agunem hinileken neagunat o, iluk eberogonat yokhisigi,” iluk yogeisasikhe.

Matius 6:28

Hit nen, su hinoado baga isusak iti hasigat nenaluk hinelabut hikhe lagap. O eken mirliken morlaken okake ikherek etnogo hutdini. O eken iti aban isigiluk, yabu dikhak yugulogo waganhik, yo dalogo su negen ikhik, hagakherek motok dek o.

Markus 9:1

Itithogon yogeisasikhesik wene ageikhe men yogeisasikhe, “Hit ninom metek welagap yoma meke aperek watlageidek dogolik, Allah obatnerogo apma 'bisugunem hinileken arat hugun o, iluk eberogonat yokhisigi,” iluk yogeisasikhe.

Lukas 9:27

Nen, hit metek welagap yoma meke aperek he, watlageidek dogolik, Allah apma 'bisagein meke etnogo 'bisinem hinileken hugun o, iluk eberogonat yokhisigi o,” iluk yogeisasikhe.

Yohanes 1:29

Wene itithogon isukhasik nen, noge iluk, hubuluke, at Yesus Yohanes oba wagunem ileken lakhalok nen, wene men yogeisasikhe, “Allah adomba eak meke nit akhuni agat oba yoma weak hagakhorek meke korogo thogotdisagein meke etnogo waga ili hinileken lakhani o.

Yohanes 10:17

An watlatluk nen napuke niluk asigiluk nebe watlasigin apegerek iti nen, nopase nen an etaiken hunik welagarek o.

Yohanes 12:32

An nebe agat oba yoma meldanumo, an nen akhuni tha'bokhogonat lit-lit wogosik nekaerek noba 'bisasigin o,” iluk yogeisasikhe.

Yohanes 3:16

Yi akhuni ti akhuni Allah akmu motok nen, inebe inetaiken an noba hakotdugun meke inebe tomok watlatluk nen, nuk ageidek iniluk motok dogoagaluk, a'but an nebe irlagapi itago meke wogeisasikhe.

Yohanes 8:51

Nen, tha nen an nane hologo hagakhe dogogin halok he, watlageidek iluk motok dogogin o, iluk eberogonat yokhisigi o,” iluk yogeisekhe lageikhemo,

Yohanes 8:52

it ap Yahudi meke emenogo nen, men yogokhukha, “Ap Abraham men, ap Allah ane yogeisekhe lagoukha meke emenogo men, arat watlarik lagoukha mekeat, hat nen ekhe dogolik, Tha nen an nane hologo hagakhe dogogin halok, watlageidek iluk motok dogogin o, iluk egen iti nen, mokat obabut weak meke eberogonat hakla ukekhesik werek, iluk, hutdagago o.

La'isasikhe 2:33

At ebe Allah nen ilugutdekhesik, alilu kok dogoagaluk meldekhemo werek o. Dogolik, Allah nen, Nagoreke wokhisagein, iluk abok yoknisasikhe hagat Yesus wogokhemo, at nen kokhogonat nit ninoba usa'i agama nen, nti hagakhunem hinileken nisigik, hinasuk holhik, hagakhe lagap iti.

La'isasikhe 3:13

Ninopase Allah iti, Abraham nen hogorakhik, Ishak nen hogorakhik, Yakub nen hogorakhik, ninopa lak aperek nen hogorakhik, hagakhe lagoukha meke etnogo nenat, a'but Yesus kogotdekhe iti. Meke re, hit nen, it aperek nen wasuagaluk inikimo 'begepma re, at Pilatus nen iki herle hisalogo ula'igiluk hagakhe mekeat he, hit nen, Ap iti nina'it o, iluk egep etnogo.

Roma 5:18

Wene igi iti, men igi apigi. Ap ageikhe nen Allah ane thagalogo weak opaki hasik hagakhikhe baga, ilugun oba akhuni tha'bokhogonat wene inoba 'biluk weagatdisasikhe iti hak, ap ageikhe nen Allah ane hologo mot opaki hasik hagakhikhe baga, wene akhuni tha'bokhogonat inoba meke korogo wokhigik, inilugurinakhik, hagakhikhe.

Roma 5:8

Itithogon mekeat he, at Allah ninebe akmu nen hagakherek iti ekagat asuagaluk, nit weak hagakho werekma, Kristus ebe woknisasikhemo ninobolukmo watlageikhe iti.

Roma 8:3

Alep he, wene Allah nen ninasuk wakhikhe wene etnogo, nit akhuni ninobabut ninobatne dek iti nen, hano hagatninabusak erlok dek ageikhe. Erlok dek ageikhemo, nit akhuni ninobabut weak hagakho werekma, Allah ekaerek a'but nit hakene hagatlatluk, nit weak hagakhorek meke iti wene oba 'biluk obatne degetdisoagaluk la'i ageikhemo obatne degetdisikhe iti.

Roma 8:32

At ekaerek a'but akmu nen hakhigidek nit tha'bokhogonat hasik watlasuagaluk la'i ageikhe. At obabut hano nen itithogon woknisasikhesik nen, yi meke ti meke oba duk-duk woknisagein dek nogo? Woknisageinat o.

2 Korintus 5:15

Nit tha'bokhogonat hasik watlageikhe iti nit ninebe ninekaerek hasik niniluk dogoagaluk watlageikhe 'buk. Nit ninebe at hasik dogoagaluk, at ebe nit ninobasik watlageikhesik nen apuke iluk ageikhe iti o.

2 Korintus 5:21

Nit Kristus ninom hunekho halok, at Allah nen ekaerek ninom hano ninapuke dapukhogon 'binanigiluk, nit ninobasigat nit ninobabut weak hagakhorek meke iti, at Kristus weak hagakhidek meke oba 'bisikhe iti o.

Galatia 4:4

Werekma, at Allah nen a'but ayoko 'biluk agat oba la'isusak arat asi ageikhemo, la'i ageikhemo, he agat oba meke nenat itakhikhe. Itithogon itakhikhemo, wene Allah nen ninasuk wakhikhe wene etnogo apma dogolik asuk hologo hagakhe lageikhe.

1 Timotius 2:6

At Kristus akhuni tha'bokhogonat weak hagakhorek iti baga herle warogo haknisik werekma herle hisalogo tilninabigiluk ekaerek eram nen, “Nebe nasuak,” iluk wageikhe iti baga, Allah akla nen, “Akhuni tha'bokhogonat tilinabusak,” iluk apekherek meke iti, ekagat asusak tak-tagat ekagat ageikhe iti o.

Ibrani 1:9

Nen, hat hobabut, mothogon anek hagakhetek iti meke hagakhe dogolik, korlo hagakhe dogosak ha'it motok iti nen, hagarlak lak hinom welagathep meke inapma negen werek korlek, hat anek, hukuloak oba apusu tialogo an hopase nen meldagasigi iti nen, hakla arleken motok akhekhe dogono o,” iluk yogokhikhesik

Ibrani 10:5

Itithogon hagakhe lagoukha iti nen, at Kristus agat oba usa'aga dogolik, Allah men yogokhikhe, “Hat he, akhuni nen kambing sapi wathikhik, yi meke ti meke wokhikhik, hagakharek iti meke wokhekhe dogosak, ha'it iti nen, an nebe akhuni hakene hagarogo 'banhigin yi o.

Ibrani 11:5

At ap Henokh etaiken Allah oba hakotdiluk welageikhe iti baga, ebe watlageidek. Allah nen ilugat waganhikhemo, it akhuni aperek nen ebe herakhukha mekeat he, at ebe inileken higidek. At ebe Allah nen aban waganhidek werek korlek, “At Henokh Allah akla hanorogon anek hagakhe lageikhe,” iluk Allah ane baga holal waganek werek o.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 2:7

Iniki pererlagat oba elanma hasik it malaikat meke inetagawerek koktek hakene werek korlek, nit ninetaga dek erlok dek negen hagarogo 'binanhigin mekeat he,

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

Ibrani 8:3

It ap Allah iteerek inougi koktek inebe tomok meldisegarek iti, yi meke ti meke Allah wogokhik, inako warikhik, hagakhe dogoagaluk meldisegarek iti hak, nit ninoe Allah iteerek kok iti, yi meke ti meke aperek nit ninobasik Allah wogosusak werek o.

1 Petrus 1:21

Ebe watlageikhesikmo Allah nen ilugutdiluk hogorakhe dogoagaluk meldisikhemo, hinetaiken Allah oba hakotdiluk, “Yabokane at nen hanotninabigin,” iluk oba eberek welagap iti.

1 Yohanes 2:2

At ebe itithogon turlem heisogo dogolik, nit yi weak ti weak hagakhorek meke thagalogo degetdisalok hotninakherek. Itithogon hotninakherek iti nit weak hagakhorek meke ninobasik anek 'buk. At he, yi akhuni ti akhuni agat oba meke tha'bokhogonat weak hagakharek meke inobasik ninomat hotninakherek o.

A'bikaka 19:12

Ap iti ileken hetu amulok hakene, nen ukuloak oba, kare-kare doalegat ap koktek inetagapogot i'bisegarek iti hak ugu. Nen, at etaga thalek ageikhe ninat meke ebe at obake holal waganek werekma akhuni tha'bokhogonat inokodek, at ekaerek anek ilu meke holal waganek welaga higi.

A'bikaka 5:9

Itithogon etai ket meke yakulogo wakhe dogolik, “Hat anek he, arat hakhukhama watlagagitik, u a e, Akhuni tha'bokhogonat inukuloak etaga tomok, inane tomok, u a e, Inoado tomok, inaila tomok, u a e, Hat hamep oba Allah hasik oko palogo 'bisalok, u a e, Iteerek agatik, u a e, Thuesika uanat meke baga holal waganek dikilik iti, u a e, Waganiluk nen, sirlo 'begarek iti hak, u a e, Iki apusu tetnekhogon 'bisukha meke iti, u a e, Erlogat 'bukalusak, u a e. It iti inoko palogo 'bisasigitik, u a e, Ninopase Allah hasik hagakhe dogoagaluk, u a e, Inukuloak etaga, Allah iteerek, thaligin, u a e, Inebe kogat meldisasiginmo, u a e, It nen akhuni agat oba meke, u a e, Inapma 'bisalok hagasik dogogun, u a e,” iluk etai wakhunem hisigi.