Ibrani 2:18 - ALLAH ANE WENW KET MEKE WAROGO WOKNINAKHIKHE WENE

¹⁸ Itithogon waganhikhesikmo, at weak hagasuagaluk akla kagalhunem, yi aik ti aik arat hasikhesikmo nogo nen, nit akhuni weak hagasuagaluk ninakla kagaligiluk wagunem, at nen erlogat yomaknisausak werek o.

Ibrani 2:18 ပူးပေါင်းရင်းမြစ်များ

Lukas 22:28

Weak kogat hagatnakhe korlegat, hit yi anek, an here'anhidek ninom motok welago iti nen,

Lukas 22:53

Hibiku-yogokuat Allah ai halekma an hit ninom dogolik haknakhidek welagasip meke re, yogotak yi anek, o mum ite welagarek meke etnogo obatne agama nen, hit nen haknabusak tak-tak oba arat wagap yi o,” iluk yogeisasikhe.

Yohanes 10:29

Ap aperek erlok dek mekeat he, an nopase nen nadomba woknikhikhe meke iti anek he, ebe obatne werek o. It an nopase nen woknikhikhe meke iti, at iki baga werekma, it ap aperek nen tilogo woginabusak erlok dek o.

1 Korintus 10:13

Hit weak hagasuagaluk hinakla kagaligiluk wagunem hegethep iti, nit akhuni tha'bokhogonat ninakla kagaligiluk wagunem obabut hogorek hagat, hekhe lagap o. Mekeat he, Allah nen abok yoknisasikhe tak-tagat hagakherethekma, weak hagasuagaluk hinakla kagaligiluk wagunem, hit nen hinetaiken thebelusak erlok dek meke, Allah nen here'inagagidek hakhisik dogogin o. Hinakla itithogon kagalhe korlek, hinetaiken thebelogo hinobatne asubageik nen iluk, Allah nen wene, “Holak yike lani o,” iluk u hak mothogon yakulhisagein werek o.

Filipi 3:21

At ebe witluk nen, ninebe ninekarli negen welago yi, at obatne baga yi meke ti meke tha'bokhogonat, at apma 'bisagein iti nen, at ebe hogorakharek hagat, nit ninebe hogotninabusak mekeat hagarogo 'binanigin o.

2 Timotius 1:12

Itithogon la'ani ageikhemo nekhe lagei iti nen, it akhuni nen yi aik ti aik hagatnakho korlegat, netaiken ebe nilu meke oba hakokthek welagei, iluk nekarli ageidek, nakla pugat welagei. At nen he, “An meke yi haknarik dogono. Haknarik werekma, hurli an nebeat wisigin o,” iluk, noba 'biluk nayoko 'bisikhe meke iti, ekaerek obatne baga erlok haknarik dogogin o, iluk nakla nen hutdekhe lagei.

Ibrani 5:2

Itithogon meldisugunem, it inobatne dek erlok dek mekeat emenogo nen, it akhuni aperek itithogonat wene inokodek dogolik nil-hilhogon hagakharek iti, hutdiluk nen, inebe inakmurinabiluk it inobasik inoba enagorogon erlogat hagakharek iti.

2 Petrus 2:9

Itithogonat, akhuni aperek Allah warlok meke hagakhunem inakla kagaligiluk wagunem, ninopase Allah Etagapogot nen tilinakhik, nen it aperek weak hagariogei meke halok, ukum yabokane inoba 'bigiluk, hagasik welageik, itithogon hagasusak ilu dogoligat erlok hagasigin o.

Yudas 1:24

Hit ninopase Allah obatne werek erlok hakhisik dogosak meke oba lagunem, hinisok a'bit dikhogon warigidek hanorogo hakhisik dogoluk nen, at ebe hogorariogeima etoma, wene hinoba 'bigidegat, hinakla arleken akhekhe korlek menogo erlok 'binagei ligin meke iti, heagei wakhe dogouok o.

A'bikaka 3:10

Itithogon 'bisasigin iti, an nen, Hinobakhanini hapugutdiluk dogono, iluk yokhisasigi meke iti, nane hologo mothogon hagakhe lagap iti nen, o yabokane akhuni agat oba yoma welageikharek meke tha'bokhogonat inabut paligiluk, yi aik ti aik inoba 'bisagein iti hekhe korlek, hit anek he, an nen napma hano hakhisik dogogin o.