Ibrani 2:10 - ALLAH ANE WENW KET MEKE WAROGO WOKNINAKHIKHE WENE

¹⁰ At Allah iti, yi meke ti meke at ekaerek hasik, ekaerek nenat walhasikhe meke nen, akhuni at a'buri doalegat hogorinakhe dogogunmo wogosik loagaluk, holak waganherek meke Yesus at o. At nenat akhuni erlok inebe tilinabiluk wogosik laga dogoagaluk, yi aik ti aik hilik hilik watlasuagaluk apasikhe iti, erlok apausak meke iti tak-tagat apasikhe.

Ibrani 2:10 ပူးပေါင်းရင်းမြစ်များ

Lukas 13:32

at Yesus nen, men yogeisasikhe, “Ap yeke helo yeke obabut hakene iti, wene yi ibat yogosi lani o. An he, o yogotak men, hubuluk men, mokat obabut weak meke akhuni inakla ukiluk werekma mukhogo ula'isigiku, u warek meke halok, hano hagarinakhik, hagakhe dogoluk nen, aheke halok, an yabu hagasigiluk wagagi meke ilugun arat tirliphogonat hagasigin o.

Lukas 2:14

“It pogot oba upuke welageikharek meke nen, ninopase Allah itiat hogorakhe dogoak o. Nen, it akhuni agat oba yoma inebe Alla oba hotok ekherek meke inetaiken hapukhogon dogoak o,” iluk isukha.

Lukas 24:26

At Kristus Allah nen ayoko 'bisikhe etnogo, yi aik ti aik higidek hogorasusak a? Dek o. Hugunem nen hogorasusak o. Hit nen egep iti hagasusak tak-tagat hagakha o,” iluk yogeisasikhe.

Lukas 24:46

Itithogon inetaiken kagalogo yogeisekhe dogolik, “Allah nen Kristus ayoko 'biluk la'isigin isikhe meke holal men iluk waganek werek, Yi aik ti aik hilik-hilik watlatluk nen, iki pere warek dogoluk iki ageikhe baga yi nen, watlatluk lageikharekma nen iluk asigin o, iluk holal waganek werek.

Yohanes 11:52

Meke re, it akhuni Yahudi meke inobasik anek isikhe 'buk. Akhuni tha'bokhogonat Allah a'buri meke o yi ai ti ai lo lagoukhasik welageikharek meke inom dapukhogon 'bisagaluk, Yesus watlasigin meke hasik isikhe.

Yohanes 19:30

Itithogon wogokhukhama, ituk walhasikhesik nen, men isikhe, “Arat hagakhi o!” iluk isikhesik nen, uroak konokhogon ebe arat watlageikhe.

La'isasikhe 3:15

Ninilugutninakherek meke erlo ebe at mekeat he, hit nen wakhepma Allah nen, ebe warek meke ilugutdekhemo, nit ninileken eberogonat hogosik nen yokhisekhe lago.

La'isasikhe 5:31

Ilugutdekhemo werek iti, akhuni Israel meke weak hagariogei meke iti here'isalok inobabut hebelasumo, Allah nen it weak hagakharek meke iti thagalogo degetdisagaluk, Yesus ebe ilugutdekhesik nen, at ebe ninoe Etagapogot dogolik tilninakhe dogoagaluk alilu meldisikhemo werek iti.

Roma 11:36

Erlo baga, yi meke ti meke tha'bokhogonat, at Allah nenat walhasikhemo, at iki baga welagarek. Dogoluk nen, ilugun oba, at nenat hagasigin. Halok he, at anek hogorakho motok dogouok o, iluk igi iti, ebeat asuak u hak, Amin, igi iti.

Roma 9:23

It iti hasik itithogon obakhanini hapugutdiluk dogolik, nit ninobasik men apiliogo, “It nakmu meke hanorinabigiluk ebekeram walinakhigi iti, hano motok hagarinabigin meke inilu asuak o,” iluk apekherek.

1 Korintus 2:7

Wene iti Allah akla kagalek wene limago welageikhe meke pakhogon yogeisogorek. Wene iti akhuni agat oba meke inokodek mekeat he, ebekeram Allah nen yi meke ti meke winametdigidek dogolik, at nenat nit hanotninakhunem ninakla arleken akoagaluk akla apasikhe meke limagoat welageikhe.

1 Korintus 8:6

Itithogon mekeat, nit ninopase Allah ebe opakiat. Ageikhe dek. Yi meke ti meke tha'bokhogonat at nen walhasikhemo ninebe at hasigat welago. Itithogonat, ninoe Etagapogot Yesus Kristus ebe opakiat o. Yi meke ti meke tha'bokhogonat Allah nen walhasikhe iti, ebe at Yesus nen walhasikhesik, ninebe at oba nenat niniluk welago.

2 Korintus 3:18

Inileken inamukhak oba it akhuni aperek inebe ekagat lageisegarek iti hak, nit tha'bokhogonat ninelokhoken sapumeke laberek dekma, akhuni nen ninoe Etagapogot hogorakharek meke iti amukhak negen inileken laknisiliogei. Nit ninebe at ninoe hakene asuagaluk, eran-alep hagatninakho motok werekma, hogotninabusak negen aga lago. At Allah Agoreke iti ebe Etagapogot atma, at nenat hagatninabiogo.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

2 Korintus 5:18

Meke re, yi meke ti meke iti tha'bokhogonat at Allah nenat hagakherek o. At nenat Kristus hagakhikhe iti baga, Allah ekaerek ninom dapukhogon 'binanhikhe. Itithogon 'binanhikhesik nen, akhuni aperek at inom inapuke dapukhogon 'bisagaluk wene iti nit nen yogeisilik nekhe dogoagaluk nit ninoba 'bisikhe.

2 Korintus 6:18

An hit hinopaseat dogogin o. Nen, hit an na'buriat dogogun o, iluk ninopase Etagapogot yi meke ti meke hagasusak anek etnogo nen isikhemo,” iluk holal waganogo 'bisukha.

Galatia 3:26

Hit hinetaiken Kristus Yesus oba hakotdiluk welagap iti nen hinebe tha'bokhogonat Allah a'buri welagap iti.

Efesus 2:7

At Allah itithogon hagakhikhe iti, o yabokane dogogun iti baga dogolik akhuni nen, “Allah obabut hano motok nen akmutninakhikhe,” iluk ekagat hutdekhe dogoagaluk tilninakhikhe iti, ebe Kristus Yesus oba nenat tilninakhikhe.

Kolose 3:4

Ebekho werekma, at Kristus ninebe yabokane niniluk motok dogoagaluk hagatninakherek meke etnogo thelegat wagunem, hit at hinomat thelekma atlukmo hogothinabugun iti o.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 6:20

At Yesus nit ninobasik holak yarik, o etoma ukisikhesik, ap Melkisedek Allah iteerek dogolik hagakhe lageikhe iti hak, motok-motok hagakhe dogogin meke Allah iteerek kok ageikhesik welagarek iti.

Ibrani 7:26

Nit ninakla nen, “Ap ageikhe Allah iteerek nit ninobasik hano 'bogokhogon yigithogon kok dogolik hagakhe dogolep e,” iluk apogorek mekeat he, Allah nen ninoe Yesus itiat meldisikhemo werek o. At obabut weak korlo ageikhe hagakhidek, hano karelek motok werekma, akhuni weak hagakharek meke inakla nen karelogo pogot abel upuke upu eloma lia'isikhemo nit ninobasik werek o.

Ibrani 7:28

Alep wene Allah nen ninasuk wakhikhe meke iti baga, ap erlok dek meke, Allah iteerek meldisekhe lagoukha mekeat he, yabokane Allah nen etaga hupuk palhikhe iti baga, at ebe a'but nit tilninakherek meke hano 'bogokhogon meldisikhemo at iteerek kok motok werek iti o.

1 Petrus 1:12

Hinok waganhunem, at Allah nen he, “Wene iti, hit hinekaerek hasik, dek o. It yabokane aban meke inobasik hagakhe lagap o,” iluk hit hinobasigat isikhe. Itithogon yogeisasikhesik welageikhesik nen, yabokane Allah Agoreke pogot oba nen usa'i ageikhemo, it ap hano wene Yesus Kristus hagakhikhe wene etnogo yokhisoagaluk inakla dogolik yogotak pakhogon yokhisiliogei ebe iti hasik ekhe lagoukha iti. Wene iti, it malaikat Allah nen yoko usa'isa agarek meke emenogo nen, “Eiye. Nit wene iti hutukhogon ninilu atlo e,” iluk apegarek.

1 Petrus 5:1

Hit Allah a'buri therisik welagathep iti hak, an itithogonat therisik welagarek meke nen hinasuk ageikhe wasik. At Kristus oba yi aik ti aik hilik hilik watlageikhe iti, an nileken hasigi. Nen, yabokane Allah nen ebe winamhogo la'isigin iti wagunem, akhuni nen hogorasugun iti, an ninom hogotninabugunat o. An nane liokhogon hinasuk wasik.

1 Petrus 5:10

Werekma, at Allah ebe hogorakho motok dogogun iti hak, hit Kristus hinom hunik werekma hinomat hogothinakho dogoagaluk hinayoko 'bisikhemo, yogotak ya herlekha'bugat anek hinoba yi aik ti aik hekhe dogoluk, yabokane, at obabut hano motok etnogo nen, hinetaiken aban meke thirliphogon hagathinakhik, hinetaiken horlethinakhik, hinobatnethinakhik, hapuguthinakhik, hagasigin o.

A'bikaka 7:9

Itithogon higirik oba nen, oporlik nileken hisigirik nen, yi akhuni ti akhuni inukuloak etaga tomok, inoado tomok, inai tomok, inane tomok, inasu kut uatek ugu meke, akhuni nen etai wakhe dogolik, ya'beka thoporlogo inikimoke waganharek iti hak, oka meke inikimoke wolok, Allah kok welagarekma obolukmo etoma Domba Eak ipisak welageikharekma iniloba natogorlek inebe hurli yi baga iluk, iniki wenasusak motok erlok dek dogolik, inane kokhogon men ekhe lageikha, “Ninopase Allah kok hobolukmo welagatek meke, u a e, Eak hipisak, u a e, Tilninakherek erlo, u a e, Hirat welagathep, u a e,” iluk etai wakhe lageikha hisigi o.