Ibrani 13:6 - ALLAH ANE WENW KET MEKE WAROGO WOKNINAKHIKHE WENE

⁶ Itithogon apekhe dogolik, hinakla nen, Allah nen, “Niki hetokhogon here'agagin dek o,” isikhe iti nen, ninetaiken hapukhogon dogolik men ekhe dogosak, “Nopase Etagapogot, an yomaknekherek meke. Halok he, akhuni nen an nikithogon hagatnabusak. An nayuk dek o,” iluk ekhe dogosak iti.

Ibrani 13:6 ပူးပေါင်းရင်းမြစ်များ

Matius 10:28

Akhuni nen hinagoreke hinasusak erlok dek. Hinoado itikmanke anek hinasugun iti nen, hinayukhogon dogogup o. Meke re, at Allah anek, hinagoreke inom, hinoado itikmanke inom, erlok motok warogo hetu aikmo la'inagusak werek iti nen, at Allah at hinayukhogo dogono.

Roma 8:31

Wene tha'bokhogonat iti hasik, nit nen nikithogon ugun. Allah nit werekmake aga halok, tha nen erlok degetdinanusak nogo. Erlok dek o.

Efesus 3:12

Nit ninetaiken at oba hakotdiluk, at ninom hunik dogolik, ninayuk dekhogon ninetaiken hapukhogon Allah oba ukusak iti o.

Ibrani 10:19

Nagarlak lak nerugi. At yesus amep ulabogo watlageikhe iti baga, nit o kakok palekma Allah ekaerek aila etoma ninayuk dekhogonat ukuok o.

Ibrani 4:16

Iti nen he, nit weak asusak werekma, hano asuagaluk, ninopase Allah obabut hano nen akmutninakhik, yomaknisigik, hagasuagaluk, at Allah kok welagarekma dogolik obabut hano enagorogon hagakherek iti nen, ninayuk dekhogonat horokhogon ukuok o.