Ibrani 13:21 - ALLAH ANE WENW KET MEKE WAROGO WOKNINAKHIKHE WENE

²¹ Hit Allah akla warlok apekherek meke anek hano hagasubageik nen, yi meke ti meke hano meke tha'bokhogonat wokhisoak. Itithogon wokhisugunem, nit ninom tha'bokhogonat nen Allah akla hanorogo hagakhe dogoagaluk, ninobabut at nen woknisagein iti, ebe, Yesus Kristus nen woknisoak o. At Kristus itiat hogorakho motok dogouok o. Ebeat asuak u hak, “Amin,” igi iti.

Ibrani 13:21 ပူးပေါင်းရင်းမြစ်များ

Matius 12:50

Tha nen an nopase pogot oba meke akla apekherek meke mothogon hagakherek halok, at iti an nagot, neru, nagosa werek o,” iluk yogokhikhe.

Matius 21:31

Halok he, hit hinakla nen he, it ap inebe pere eta tha hak nen inopase akla apasikhe tak-tagat hagakhikhe apegep,” iluk, yogeisasikhemo it nen he, “Iti a'but magea meke iti nen hagakhikhe,” iluk yogokhukhama, at Yesus nen, “Halok he, an nen wene ageikhe eberogonat yokhisak. Hit aban werek korlek, it ap uang pemerintah hasik kino iluk natogokharek meke inom, humi yugunat hagarik nekharek meke inom, it iti tak Allah apma 'bisekherekma etoma ukugun o.

Matius 6:13

Weak hagasuagaluk ninakla kagaliginmo etoma thogotdinanhidek piokthegat woknisik laga dogono. Obabut weak meke iti nen iki hakninakhunem, hat nen tilninakhe dogono. [Ninopase Hetagapogot harat dogolik, yi meke ti meke hagasusak anekma, harat hogothakho motok dogogun o. Ebeat asuak u hak, Amin,] iluk sembayan itithogon ekhe dogono.

Matius 7:21

Itithogon yogeisasikhesik men yogeisasikhe, “Hit akhuni nen, an yoknekhe dogolik, Ninoe, ninoe, iluk ekhe lagap iti baga hinebe tha'bokhogonat, an nopase pogot oba meke apma 'bisekherekma etoma ukilugun dek. Pogot oba ukilugun iti re, it an nopase pogot oba meke akla apekherek meke mothogon hagariogei meke anegat ukilugun o.

Yohanes 17:23

It eberogonat inebe opakiat dogoak nen, it nen an ninom hunik, nen hat nen an nipisak hunik dogouok o. Itithogon dogogun halok, it akhuni agat oba meke nen ekhe dogolik, At he, opase nen la'i ageikhesik ebe etaiken hunik welagarek iti hak, it inebe at wogokhikhe meke etaiken hunik welagarek o, iluk inilu atluk hutdugun.

Yohanes 7:17

Tha nen Allah akla apekherek meke mothogon hagasusak warlok halok, an nen wene yakulisekhe lagei iti, Allah nen yakulekhe korlek iliogo, igik, Ekaerek akla nen kagalogo iliogo, igik, ekagat halok ilu asiginat o.

Roma 11:36

Erlo baga, yi meke ti meke tha'bokhogonat, at Allah nenat walhasikhemo, at iki baga welagarek. Dogoluk nen, ilugun oba, at nenat hagasigin. Halok he, at anek hogorakho motok dogouok o, iluk igi iti, ebeat asuak u hak, Amin, igi iti.

Roma 16:27

At Allah arligat akla motok kagalek welagarek o. At Yesus Kristus hagakhikhe hasik Allah hogorakho motok dogouok o, iluk, “Ebeat asuak,” iluk u hak, “Amin,” igi iti.

2 Korintus 9:8

Akhuni inobabut hano hagakharek meke hasik, Allah ane baga holal men iluk waganek werek, “It nen hano meke akhuni ya wogeisigik, ta wogeisigik, supurisekhe dogolik, it aperek inerlageik meke supurisegarek. Inobabut hano nen wogeisegarek iti, Allah nen akla eberek motok dogogin o,” iluk holal waganogo 'bisukha hak, at Allah obabut hano nen, yi meke ti meke oba dukhogon wokhisugunem, hit nen hibiku-yogoku hinekaerek hasik erlogat dogolik, oba dukhogon it aperek hanorogon yomageisekhe dogobageik iluk, Allah nen erlogat wokhisausak werek o.

Galatia 1:5

Iti nen, at Allah at hogorakho motok dogouok. Itithogon igi iti, “Ebeat asuak,” u hak, “Amin,” igi iti.

Efesus 2:10

At nenat hano hagarogo 'binanhikhemo welago. Iti nit Kristus ninom hunik dogolik, yi meke ti meke hanorogon hagakhe dogoagaluk, ninobabut ket ninat winametdinanhikhe iti, ebe Kristus Yesus oba nenat winametdinanhikhemo welago.

Filipi 1:11

Yi meke ti meke ai yakhunem erlo kok atluk eken ikherek hak, at Yesus Kristus nen hagathinakhe dogogin oba, hinobabut mothogon hagakho motok aperek inomat obarluk hagakhe dogogun halok, at ebe wagunem, akhuni aperek nen Allah heagei wakhik, hogorakhik, hagasugun o.

Filipi 2:11

Itithogon ukiluk nen, inape baga tomok, ninopase Allah hogorakhe dogolik, “Ninoe Etagapogot Yesus Kristus itiat o,” iluk, pakhogon ugunat iti o.

Filipi 4:13

At Kristus nobatnetnakhe korlek nogo nen, yi meke ti meke weak agunem inom, hano agunem inom, erlok hagakhe dogosak anek.

Filipi 4:18

Yogotakne, hit nen yomakneegepma, horligirik, an tha'bokhogonat warlok apekhe lagei meke erlok agasik ato titu agaat. Ap Epafroditus oba 'begepma woknisi agama nen, nameke werek aga o. Hit nen an yomakneegep iti, domba Allah hasik warogo hetu hunekhe dogolik obasi hano meke liakhunem, at akla hano agarek hak, itithogon yomakneegepma, at Allah akla hano aga o.

Kolose 3:17

“Ninopase Allah nen woknisekherek iti, ebe Yesus nenat woknisekherek o,” iluk, Allah heagei wakhe dogolik, “Ninoe Etagapogot Yesus apma dogolik, hagakhe lago,” iluk, yi meke ti meke tha'bokhogonat hagasuogoluk, hinane yi meke ti meke hasik uogoluk, at Yesus etaga palogo hagakhe dogono o.

Kolose 3:20

Nen, hit yekerugi, nagarumi. Hinagosa, hinopase lak nen, yi meke ti meke hasik yokhisugunem, inane hologo hagakhe dogoumo, ninoe Etagapogot oba hotok igin iti nen, itithogonat hagakhe dogono o.

Kolose 4:12

At Epafras, Kristus Yesus atuaneke, ebe hit mekeat etnogo nen, heagei wathinakheat o. At nen he, hit hinakla nen, “Allah ane iti eberogonat,” iluk hutdiluk nen, hinetaiken horle atluk hinebe metegat dogolik, yi meke ti meke Allah akla apekherek hak hagakhe dogobageik iluk sembayan hit hinobasik obatnerogonat isi motogat welagarek.

1 Tesalonika 3:13

Itithogon hagathinakhe dogoluk nen, ninoe Etagapogot Yesus ekaerek agarumi inomat wagunem, hinebe ninopase Allah ekaerek hasik 'bisalok, at il oba wene hinoba dek hano karelek werekma 'bithisa isuak nen, hinetaiken horlethinakhe dogoak o.

1 Tesalonika 4:3

Allah akla nen he, men apekherek iti, “Hit hinebe an nobasik 'baniluk karelek motok dogolik, param ha'isegarek iti meke ha'isigidek motogat dogono.

1 Tesalonika 5:23

Itithogon werekma, at Alah ninetaiken hapugutdinanherek meke etnogo nen, hinebe abisakeat ekaerek hasik 'bakhalok dogoak o. Werekma, ninoe Etagapogot ebe wagunem, hinetaiken inom, hinebe inom, hinobabut inom, wene hinoba 'busak motok dek karelek werekma wisuak nen, at nenat hakhisik dogoak o.

2 Tesalonika 2:17

Itithogon hagakharek meke iti nenat, hit hiniki nen hano meke hagakhik, hinane baga hano meke yogeisigik, hagakhe dogobageik nen iluk, hinakla hanothinakhik, hinetaiken horlethinakhik, hagakhe dogoak o.

1 Timotius 1:17

Ninopase kok Etagapogot Allah iti arligat o. At ebe ninileken hogorek dek. Kok ikhok motok welagarek meke itiat o, iluk, hogorakhik, heagei wakhik, hagakho motok dogouok o, iluk, “Amin,” igi iti o.

1 Timotius 5:10

It akhuni aperek nen it humi thoge meke iti inabok ekhe dogolik, “It inobabut hano hagariogei,” iluk egarek meke halok, inetaga holal waganusak. Hano hagakharek iti, inekaerek ineagei hanorogon kogorinakhik, ap huso wagunem, inebe hanorogon woginakhik, Allah a'buri aperek inisok obake thobalinakhik, it aperek weak werekma yomageisigik, iniki ageikhe huk agedek yi meke ti meke hasik yomageisekho motok welageik, hagakharek meke halok, inetaga holal waganusak o.

1 Timotius 6:16

Nen, at ebe watlageidek ikhok motok welagarek he, at arligat o. At ebe o lia baga motok werekma, inileken sirluk-pabuk iluk, oba horokhogon lausak erlok dek o. At ebe akhuni ageikhe nen inileken higidegat. Itithogon hausak erlok dek. Obatne motok dogogin meke iti, hogorakho motok dogouok o, iluk, “Amin,” igi iti.

2 Timotius 3:17

Akhuni inebe tomok inebe Allah hasik 'bisalok dogolik, yi meke ti meke at obasik hano hagakharek meke iti erlokhogonat inetaiken horlerogon hagakhe dogoagaluk, Allah ane holal waganogo woknisasikhe iti o.

2 Timotius 4:18

Itithogon tilnakhesik nen, yabokane akhuni nen yi weak ti weak hagatnabuogoluk hagakhunem, at nenat tilnakhe dogoluk nen, karelogo woknarik pogot oba, at apma dogogunmo etoma ukigin iti hasik, at hogorakho motok dogouok, iluk, “Amin,” igi iti o.

Ibrani 10:36

Hit nen Allah akla warlok apekherek meke hagakhunem, at nen, “Hit wokhisagein,” iluk abok yokhisasikhe meke iti waganubageik nen, hinobakhanini hapugutdiluk hagakhe dogosak o.

Ibrani 12:23

Allah a'buri makusa meke inetagapogot oba holal waganek werek meke natogorlek inakla arleken akhekho werekma inom, it akhuni hano hagakhe lagoukhama Allah nen 'bogokhogon hanorinakhikhe meke inagoreke inom, Allah ebe, akhuni tha'bokhogonat wene inoba 'bigik, kokhik, hagakherek meke etnogo inom, inom werekma oba wagap o.

Ibrani 12:28

Itithogon aborlogothagein mekeat he, nit anek he, Allah apma 'binanherekma aborlok igin motok dek meke woknisasikhemo ite agosik welago iti nen, “Allah nopase,” iluk heagei wakhe dogouok o. Nen, at Allah ebe, yi meke ti meke hetu nen nekerek iti hagatma, nit itithogon weagatninabinogo iluk, at ebe ninayukhogon hagakhik, alon halogo hagakhik, hagakhe dogolik, at ane hologo akla warlok meke hagakhe dogolik, hogorakhe dogouok o.

Ibrani 13:16

Itithogon ekhe dogolik, akhuni aperek hano hagarinakhik, yomageisigik, hagakhe dogouok. Itithogon hagakhe dogosak iti, Allah akla hanorogo kambing sapi warekhe dogou hagatma, obarlikmatdusak motok dek o.

1 Petrus 2:5

Itithogon 'bisikhemo, hit hinebe helekit iluk welagarek iti meke hakene dogolik, at oba wetno o. At oba wagunem, Allah nen at ekaerek ai halogo 'binaguak. At ai halekma, hinebe Allah iteerek Yesus Kristus hinom hunik dogolik, Allah akla hanorogo ako warekhe dogou hak, hinetaiken wogokhe dogono o.

1 Petrus 4:2

Iti nen, hit nen akhuni yi meke ti meke warlok nen inetaiken nen nekerek iti meke here'isalok, hurli yogotak hurli nen, agat oba yoma hiniluk dogolik Allah akla warlok apekherek meke iti anek hagakhe dogono o.

2 Petrus 3:18

Ninoe Etagapogot tilninakherek meke obabut hano etnogo nen woknisekherek meke iti waganhik, ebe hinilu ageik, hagakhe dogolik, hinetaiken horle atluk dogono. Yogotak ya men, yabokane men, at Yesus Kristus arligat hogorakho motok dogouok o, iluk, “Amin,” igi iti.

1 Yohanes 2:17

Akhuni agat oba meke inobabut inikhok hagakharek iti inom, yi meke ti meke warlok iluk hagakharek iti inom, dek arik wiriogo mekeat he, akhuni Allah akla warlok apekherek meke hagakharek meke iti anek he, iniluk motok dogogun o.

1 Yohanes 3:22

at nen wene ninasuk wakhikhe wene mothogon hagakhik, at ilhanem akla hanorogon anek hagakhik, hagakhe lago iti nen, nit yi meke ti meke kino yogokhunem, at nen woknisiliogo.

Yudas 1:25

Ninopase Allah arligat nen ninoe Etagapogot Yesus Kristus hagakhikhe iti baga tilninakhikhe meke etnogo iteerek obatneak o, iluk, at hogorakhik, kogotdigik, hagakhe dogouok nen, erlo baga yi meke ti meke walhigidekma Allah arligat welageikhe iti baga nen, yogotak ya nen, yabokane motok dogolik nen, itithogon hogorakho motok dogoak, iluk, “Amin,” igi iti.

A'bikaka 4:6

Nen, at kok welagarekma obolukmo etnogo elokhoma, ageikhe inamukhak elokhoken mirliak i laut yekelek hakene welaga. Itithogon werekma, at kok welagarekma obolukmo turlem werekma, abel ebelak-ebelak, it Allah nen winametdisasikhemo iniluk welageikharek meke aperek inebe 4 oba inelokhomake inoporlike inileken doalegat meke welageikha.

A'bikaka 5:13

Iti hak, it Allah nen winametdisasikhe meke pogot oba meke inom, agat oba meke inom, wema baga meke inom, i laut yekelekma welagarek meke inom, tha'bokhogonat nen etai wakhe dogolik, “At kok welagarekma obolukmo werek iti, u a e, Eak etnogo ipisagat, u a e, Irat inobatne werek o, u a e, Iluk heagei warinakhik, inalon halinakhik, u a e, Hogorinakhik, hagakho motok dogouok, u a e,” iluk etai wakhunem holhi o.

A'bikaka 5:9

Itithogon etai ket meke yakulogo wakhe dogolik, “Hat anek he, arat hakhukhama watlagagitik, u a e, Akhuni tha'bokhogonat inukuloak etaga tomok, inane tomok, u a e, Inoado tomok, inaila tomok, u a e, Hat hamep oba Allah hasik oko palogo 'bisalok, u a e, Iteerek agatik, u a e, Thuesika uanat meke baga holal waganek dikilik iti, u a e, Waganiluk nen, sirlo 'begarek iti hak, u a e, Iki apusu tetnekhogon 'bisukha meke iti, u a e, Erlogat 'bukalusak, u a e. It iti inoko palogo 'bisasigitik, u a e, Ninopase Allah hasik hagakhe dogoagaluk, u a e, Inukuloak etaga, Allah iteerek, thaligin, u a e, Inebe kogat meldisasiginmo, u a e, It nen akhuni agat oba meke, u a e, Inapma 'bisalok hagasik dogogun, u a e,” iluk etai wakhunem hisigi.