Ibrani 13:16 - ALLAH ANE WENW KET MEKE WAROGO WOKNINAKHIKHE WENE

¹⁶ Itithogon ekhe dogolik, akhuni aperek hano hagarinakhik, yomageisigik, hagakhe dogouok. Itithogon hagakhe dogosak iti, Allah akla hanorogo kambing sapi warekhe dogou hagatma, obarlikmatdusak motok dek o.

Ibrani 13:16 ပူးပေါင်းရင်းမြစ်များ

Lukas 18:22

at Yesus asuk holhikhesik, men yogokhikhe, “Wene opakiat anek ageikhe hagasusak meke re, hagakhidek welagan o. Hat hameke etoma tha'bokhogon it ageikhe inoba oko pali lano. Paliluk oko wokhesugun meke uang iti it akhuni inameke dek inerlageik meke iti motok supurisa lan o. Itithogon arat hagakhen halok he, hat pogot oba meke kogat iteerek asigin o. Halok he, itithogon arat supurogo wogeisalok nen, an noporlik nekhe dogonok nen wetno,” iluk yogokhikhemo,

La'isasikhe 9:36

O Yope etoma, he ageikhe etaga Tabita welageikhe. (Akhuni Yunani inane baga etaga Dorkas u hak, wam rusa etaga meke thalhukha.) At he iti, ninoe Etagapogot Yesus ane waganhikhesik, yi meke ti meke hano hagakhe dogolik, akhuni inameke dek meke yomageisekho motok welageikhe.

Roma 12:13

Allah a'buri meke yi meke ti meke dekma werek halok supurisigik, ap huso inebe hinokodek meke wagunem hinaila hanorogon woginakhik, hagakhe dogono o.

Galatia 6:10

Halok he, nit o yogotak hano meke hagasusak erlok welago ya baga, akhuni inebe tha'bokhogonat yomageisekhe dogoligat, kok hakene, ninagarlak lak ninerugi inetaiken Kristus oba hakokthek werek meke hanorogo yomageisekhe dogouok o.

Galatia 6:6

Nen, at ageikhe nen hamo wene yakulhisugunem, hit hinasuk holhe lagap meke nen hinameke hano meke iti yomakhekhe dogono.

Efesus 4:28

Hit aperek nen hiniki abusak waganhe lagap meke halok, yabokane itithogon waganhidek dogolik, it inerlageik meke yomageisekhe dogouogoluk, hinekaerek nen yabu hano meke anek hiniki obatnerogon waganhe dogono o.

Filipi 4:14

Erlok hagakhe dogosak meke re, an nerlageik werekma, hit nen yomakneegethep iti hano motok o.

Filipi 4:18

Yogotakne, hit nen yomakneegepma, horligirik, an tha'bokhogonat warlok apekhe lagei meke erlok agasik ato titu agaat. Ap Epafroditus oba 'begepma woknisi agama nen, nameke werek aga o. Hit nen an yomakneegep iti, domba Allah hasik warogo hetu hunekhe dogolik obasi hano meke liakhunem, at akla hano agarek hak, itithogon yomakneegepma, at Allah akla hano aga o.

1 Tesalonika 5:15

Akhuni nen hit aperek weagathinakhunem, oko-oko weagarinakhidek dogolik, hit-hit hinobasik inom, akhuni tha'bokhogonat inobasik inom, inobabut hanorogo hagakharek iti mekeat kogotdekhe dogono.

2 Tesalonika 3:13

Nagarlak lak nerugi. Hano meke hagakhe dogolik, hina'it ageidek hagakhe dogono o.

1 Timotius 6:18

It iti hanorogon hagakhe dogolik, inameke doalegat dogou hak, akhuni aperek hanorogon yomageisekhe dogolik, inameke dek meke wogeisigik, supurisigik, hagakhe dogoagaluk inasuk wakhe dogono.

Filemon 1:6

Nit ninetaiken Allah oba hakotdiluk, ninagarlak lak ninerugi Allah a'buri aperek inom, Kristus ninom hunik werekma, at nen yi meke ti meke hano meke woknisugunem hutdogorek meke iti, yabokane kokhogon hutduogoluk Allah ayoko 'bekhe lagei.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

3 Yohanes 1:11

Nagarlak o. Hebe nakmu. Hat nen he, it akhuni inobabut weak hagakharek meke iti, inobabut waganhun o. It inobabut hano hagakharek meke halok, inobabut waganhe dogono o. Tha nen obabut hano anek hagakherek meke iti ebe Allah a'but mekeat he, tha nen obabut weak anek hagakherek meke halok, at nen Allah ebe ileken hekerek dek okodek o.