Ibrani 12:3 - ALLAH ANE WENW KET MEKE WAROGO WOKNINAKHIKHE WENE

³ Hit hinakla puk atluk hinobatne dek asunogo iluk, it akhuni weak hagakharek meke nen at Yesus inakla nen meanetdiluk, ebe weagatdisi korlek kamotdisalok obakhanini hapugutdiluk welageikhe iti, hit nen, “At nikithogon hagakhikhe nogo,” iluk hinakla nen hutdekhe dogono o.

Ibrani 12:3 ပူးပေါင်းရင်းမြစ်များ

Matius 11:19

Meke re, an abat itaklasi agagi etnogo, hipiri inom, anggur eken apusu inom, nilik wagagisikmo, akhuni nen nabok ekhe dogolik, Hipiri inom, anggur eken apusu inom, oba la'buk niliogo yi! It ap pemerintah hasik uang kino iluk waganharek meke inom, weak hagarik nekharek meke inom, inom hunetdakhalok werek yi 'bikhani! iluk iliogei iti, Allah akla motok kagalek dogolik hagakherek iti nen, hanorakhunem inileken halok, Morat, iluk hutdugunat o,” iluk yogeisasikhe.

Matius 12:24

Itithogon isinem, it ap Farisi meke emenogo inasuk holhukhasik, men isukha, “A! Ap yi mokat obabut weak meke inoe kok etaga Beelzebul etnogo at oba dukthek werekma nogo nen, mokat at agarumi negen inobabut weak meke akhuni inakla ukiluk werekma mukhogo ula'isiliogo,” iluk isinem,

Matius 15:2

“It ap hat hagarumi hane waganiogei meke yoma nen, ninopa lak hagakhe lagoukha tak-tagat hagakhidek thagalogo thogotdisalok iniki bagake hokhidek hipiri niliogei iti nenaluk,” iluk yogokhukha.

Matius 21:23

At Yesus nen wene itithogon yogeisasikhesik, at ebe Allah ai halekma ukisikhesik dogolik wene yakulisugunem, it ap Allah iteerek meke inougi koktek inom, it ap inarluetek inom, Yesus oba wagoukhasik nen, men yogokhukha, “Hat he, yi hagakhik, ti hagakhik, hagakhe lagan yoma nena meke iteerek agatik hagakhe lagan? Nen, ap tha nen iteerek dogoagaluk, meldageikhemo hagakhe lagan,” iluk yogokhukhama

Matius 21:46

Yesus ebe hakhauwogoluk hagakhukha mekeat, akhuni inebe doalegat nen, “At Yesus iti Allah ane yoknisekherek meke o,” iluk, ekhe lagoukhama nogo nen, it inayuk nen he, thogotdisukha.

Matius 22:15

Yabokane, it ap Farisi meke nen, “Nit Yesus ileken waganogo oba hinok waganhunem, ane igin oba wene oba 'buok,” iluk abok palhe lagoukha.

Lukas 14:1

Itithogon yogeisasikhesik, yabokane iniki 7 baga ageikhe, Allah hasik werlegat dogolik, Yesus ap Farisi meke inougi koktek meke opakiat ageikhe aila hipiri ipisak nuogoluk lageikhesik werekma, akhuni nen, at Yesus inileken hanorogon waganhe lagoukha.

Lukas 15:2

Itithogon wagoukha meke re, it ap Farisi meke men, it ap Allah ane holal waganek iteerek meke men, inileken 'birisalok inane kurlu-kurlu ekhe dogolik, men isukha, “Ap yi nen akhuni weak hagariogei meke woginakherethek hipiri inom opakimo nekharek iti, nayuk e!” iluk isukhama nen,

Lukas 16:14

Itithogon yogeisasikhemo it ap Farisi meke emenogo uang motok inetaiken hunik welagoukhasikmo etnogo nen, Yesus nen wene itithogon isinem inasuk holhukhasik nen, at obato agoukha.

Lukas 2:34

Nen, at Simeon etnogo nen, “Allah nen hanothinabuak o,” iluk, ane hanorogon yogeisalok, elege etnogo agosa Maria oba men yogokhikhe, “Allah nen he, elege yi baga, it ap Israel meke inebe doalegat, aperek usa'isigik, aperek meldisigik, hagasuagaluk meldisikhe o. At yi akhuni tha'bokhogonat hutduagaluk meldisikhe mekeat he, it akhuni tha'bokhogonat nen, Nina'it o, iluk iliogei etnogo,

Lukas 5:21

Itithogon yogokhikhemo, it ap Allah ane holal waganek iteerek meke inom, it ap Farisi meke inom, inakla nen, “Nit akhuni weak hagakhe lago meke iti, it akhuni aperek nen thagalogo degetdisausak nogo? At Allah arligat nen erlok thagalogo degetdisekherek mekeat he, at yi nen Allah akla meanetdiluk etaga weagatdiliogo yi tha apegep,” iluk inakla apasukha.

Yohanes 10:20

Itithogon mikikhukhasik it inebe doalekmake nen he, men isukha, “At yi mokat obabut weak meke akla ukekhesik ebe thinuknuk agasik wene isi korlegat, hit at ane holhe lagap iti nenaluk,” iluk isukha.

Yohanes 18:22

ap Allah ai halek therogo welageikharek emenogo meke ageikhe ebe eta metek dogolik, at Yesus iki agot tugi wakhe dogolik men yogokhikhe, “Ap Allah iteerek meke inoe kok yi nen yokhugunem, hat nen wene itithogon yogosusak a? Erlok dek o.” iluk yogokhe lageikhemo,

Yohanes 5:16

Itithogon yogeisasikhemo, it akhuni Yahudi meke Allah hasik iniki 7 baga werlegat werek korlek, Yesus nen ap etnogo u hano hagakhikhe iti nen, at Yesus ebe weagatduogoluk hagakhukha,

Yohanes 7:12

it akhuni doalegat emenogo inasuk holhukhasik nen, inane hok-hok ekhe dogolik, it aperek nen, “At hano,” ugunem, nen, it aperek nen, “Dek o. At weak. Akhuni nukhetdisiliogo,” iluk isukha.

Yohanes 8:13

it ap Farisi meke emenogo nen, “Hat he, habok inilu asuagaluk, hekaerek nenat yogeisekhe lagan iti hekalat ekhe lagan o,” iluk yogokhukhama,

Yohanes 8:52

it ap Yahudi meke emenogo nen, men yogokhukha, “Ap Abraham men, ap Allah ane yogeisekhe lagoukha meke emenogo men, arat watlarik lagoukha mekeat, hat nen ekhe dogolik, Tha nen an nane hologo hagakhe dogogin halok, watlageidek iluk motok dogogin o, iluk egen iti nen, mokat obabut weak meke eberogonat hakla ukekhesik werek, iluk, hutdagago o.

Yohanes 8:59

Itithogon yogeisekhe lageikhemo, it ap emenogo nen, at Yesus ebe helekit oba wasuogoluk inikimo waganhukha mekeat, Yesus ebe limak lageikhesik nen, o Allah ai halekma thogotdiluk werlekmake lageikhe.

Yohanes 9:40

it ap Farisi meke aperek etoma dogolik inasuk holhukhasik nen, men isukha, “Hat hakla nen, It inileken puk, iluk apekhe dogolik yoknisegen a? Dek o,” iluk yogokhukhama,

1 Korintus 15:58

Iti nenat, nagarlak lak nerugi. Hinebe nakmu lak. Hinetaiken horlerogon, hapukhogon dogono. Ninoe Etagapogot ninom hunik dogolik, at hasik yi meke ti meke hagakhunem alomatlasigin dek o, iluk kokhogon hagakho motok dogono o.

2 Korintus 4:1

At Allah ninebe akmu nen, at hasik yigithogon hagakhe dogoagaluk ninayoko 'bisikhe iti nen, ninakla puk atluk here'isigidek hagakhoat welago.

2 Korintus 4:16

Iti nenat, ninakla puk atluk here'isigidek ninobatnerogo hagakhe lago. Ninoado itikmanke yi re, weak aga korlegat, ninakla akmanke, hibiku-yogoku ket hagatninakho motok werek.

Galatia 6:9

Halok he, ninobatne dek ageidek hano meke hagakhe dogogun halok he, yi meke ti meke ya'iluk morat asi lagunem, ebe palharek hak, yabokane ilugun oba ebe hano meke horlagun iti nen, nina'it ageidegat hagakhe dogouok o.

2 Tesalonika 3:13

Nagarlak lak nerugi. Hano meke hagakhe dogolik, hina'it ageidek hagakhe dogono o.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 12:5

Inopase lak nen ina'buri yekerugi inasuk wakharek iti hak, hit Allah a'buri meke, at nen hinasuk wakherek meke iti obarlikmatdegesip oba welagap a? At nen ekhe dogolik, “Akhuni an netaiken hunik meke inebe tomok inasuk wakhik, it an na'buri meke iluk, pakhogon egerek meke inebe tomok tugi inakhik, an nen hagakherek iti nen, na'but o. Hat nen, Nopase nen nasuk wakhe, iluk hakla nen, An na'it, iluk here'isugun o. An nen, Weak hagakhen, iluk yokhekhe halok, hakla puk ageidek dogono,” iluk isikhemo holal waganogo 'bisukha.

Ibrani 3:1

Iti nen, Allah a'buri ekaerek hasik wenago 'binageikhemo welagap meke nagarlak lak nerugi. At Allah pogot oba nenat hit ninomat ninayoko 'bisikhemo wene waganhugusik pakhogon ekhe lago iti hasik, at Yesus ebe Allah iteerek ninoe kok dogoagaluk, Allah nenat la'i ageikhemo werek iti halok, hit hinetaiken oba nenat hutdekhe dogono o.

1 Petrus 2:23

Akhuni nen inane sagun weak yogokhe korlegat, at nen oko ane sagun yogeisigidegat. It nen yi aik ti aik hagakho korlegat, at nen, “An yabokane oko ageikhe hinasigin,” iluk yogeisekhe lageikhe degat. At he, “Allah nen wene inoba 'bigik, kokhik, mothogon hagasigin meke werek o,” iluk, at iki baga 'biluk, ane oko igidek huk aga lageikhe.

A'bikaka 2:3

Nen, akhuni nen an nobasik yi aik ti aik hagathinakho korlegat, hit nen, At nina'it, iluk, here'anhidek hinobakhanini hapugutdiluk hagakhethep iti an nilu o.