Ibrani 12:23 - ALLAH ANE WENW KET MEKE WAROGO WOKNINAKHIKHE WENE

²³ Allah a'buri makusa meke inetagapogot oba holal waganek werek meke natogorlek inakla arleken akhekho werekma inom, it akhuni hano hagakhe lagoukhama Allah nen 'bogokhogon hanorinakhikhe meke inagoreke inom, Allah ebe, akhuni tha'bokhogonat wene inoba 'bigik, kokhik, hagakherek meke etnogo inom, inom werekma oba wagap o.

Ibrani 12:23 ပူးပေါင်းရင်းမြစ်များ

Lukas 10:20

Itithogon meke re, it mokat inobabut weak meke nen hit hinane holharek iti baga, hinakla arleken akhugup o. At he, hinetaga pogot oba holal waganek werek iti hasik anek, hinakla arleken akhekhe dogoni o,” iluk yogeisasikhe.

Yohanes 5:27

An nebe abat itaklasi agagi iti nen, akhuni oak denogo wene inoba 'bigik, kokhik, hagasuagaluk, nopase nen anat niki baga 'banhikhe o.

La'isasikhe 20:28

Domba therisik welageikharek iti hak, hit nen Allah a'buri therisik dogoagaluk, at Agoreke nen hinayoko 'bisikhemo, therisik dogolik, hinekaerek hinobabut hebelogo dogono o. Itithogon hinobabut hebelogo dogolik nen, Allah a'buri yoma, at ekaerek a'but amep oba woginakhikhemo inebe at ekaerek a'buri werek, iluk hanorogo therisik dogono o.

1 Korintus 13:12

Yogotak ya, inamukhak ileken weak werek korlek inileken lakhegarek hak, ninamukhak weak meke lakhekhe lago. Meke re, yabokane ebeat meke hutukhogon lakhagun o. Yogotakne, wene ato aperek anek ninilu welago. Mekeat he, yabokane at Allah nen an nebe hutukhogon ilu iti hak, an nen at Ebe hutukhogon nilu asigin o.

1 Korintus 15:49

Nit yogotak at Allah nen Adam ebe agat abubuleke meke baga winametdisikhe meke iti ninom tak-tak welago hak, yabokane at pogot oba meke iti ninom tak-tagat dogogun o.

1 Korintus 15:54

Ninebe hirli agorek meke yi hirli asigin dek meke ikhik, nen watlagorek meke yi, watlasugun dek meke ikhik, hagasugun. Itithogon isugun iti baga, wene men iluk holal waganogo 'bisukha meke iti ebeat asigin, “Yi meke ti meke haumhogon nekarek hak, at Allah obatne atluk nen, watlageikharek erlo iti, degetdisagein o.”

2 Korintus 5:8

Iti nenat ninakla the welago. Ninoado yi nokorlogo here'isalok, ninoe Etagapogot werekma ukiluk ninom dogou warlok o, apekhe lago.

Efesus 1:22

Allah nen yi meke ti meke pogot oba agat oba welagarek meke tha'bokhogonat waganogo at Kristus arligat apma 'bisalok Allah a'buri natogokhe lago meke yi meke ti meke hasik kok he, Kristus at woknisasikhe iti.

Filipi 4:3

Nen, hat nagarlak ageikhe Allah ayabu nipisak hunik motok hagakhe lago etnogo, it humi inebe pere iti yomageisanogoluk yokhikhi iti o. It humi iti inom, ap Klemen etnogo inom, it ato an ninom Allah ayabu opakiat hagakhe lago meke emenogo inom, hano wene ninobatnerogon ninom yogeisilik nekhe lago meke ninetaga tomok, at Allah aruesika baga naburlal-haburlal hagarinabigin meke inetaga holal waganogo 'bekherek etnogo baga, waganek werek.

Kolose 1:12

ninopase Allah heagei wakhik, hagakhe dogosak iti. At ninopase nen, at a'buri aperek hinomat lia baga hinaierek erlok dogoagaluk hagathinakhikhemo welagap iti nen, arat heagei wakhe dogosak iti.

Kolose 1:24

An yogotak ya, at Kristus nen, “Allah a'buri tha'bokhogonat an nebeat o,” iluk nit ninobasik yi aik ti aik hekhe lageikhesik watlageikhe iti, ageikhe higidek meke obolukmo, an nebe hit hinobasik yi aik ti aik hagatnabiogei iti nen nakla arleken akhekhe lagei.

1 Timotius 3:5

At ap ageikhe nen ekaerek a'buri honorogon karelogo hagasik dogou okodek halok he, Allah a'buri nikithogon therisik dogosak apegep. Erlok dek o.

Ibrani 11:4

At ap etaga Kain nen, motok erlok dek meke Allah wogokhikhe mekeat he, at Habel iti anek he, etaiken Allah oba hakotdiluk hano meke Allah wogokhikhemo, at Allah nen, “Habel anek, obabut mot hano higi,” iluk isikhe. Itthogon isikhesikmo nen, at Habel ebe watlageikhe mekeat he, etaiken Allah oba hakotdiluk dogolik hagakhikhe iti baga, at nen, “An itithogon hagakhi,” iluk yoknisekho negen motok werek o.

Ibrani 2:12

At Yesus nen Allah yogokhe dogolik, “An nen, hat hebe nagarlak lak nerugi yakulisigik, ha'buri natogokharek meke emenogo inakla dogolik, hogothakhik, hagakhe dogogin o,” iluk yogokhikhesik nen,

Ibrani 9:27

Nit akhuni opaki hasigat watlatlukmo nen, yabokane wene ninoba 'bigik, kokhik, hagasigin iluk, at Allah nenat isikhe iti hak,

Yakobus 1:18

Yi meke ti meke winametdisikhe meke tha'bokhogonat makusanegen nirat dogoagaluk, at ekaerek akla apalok ane ebe wene iti bagaat itakninakhikhemo welago.

1 Petrus 2:23

Akhuni nen inane sagun weak yogokhe korlegat, at nen oko ane sagun yogeisigidegat. It nen yi aik ti aik hagakho korlegat, at nen, “An yabokane oko ageikhe hinasigin,” iluk yogeisekhe lageikhe degat. At he, “Allah nen wene inoba 'bigik, kokhik, mothogon hagasigin meke werek o,” iluk, at iki baga 'biluk, ane oko igidek huk aga lageikhe.

A'bikaka 13:8

At Allah nen pogot agat aban walhigidek dogolik, “It eta iniluk motok dogoagaluk hagarinabigin,” iluk inetaga at ADomba Eak, it inobasik wakhukha meke etnogo aruesika baga holal waganogo 'bisikhe. It inetaga itithogon holal waganogo 'bisikhe meke, helo yeke hakene kok etnogo hogorakhidek werek korlek, akhuni agat oba welageikharek meke aperek tha'bokhogonat helo yeke hakene kok etnogo inetaiken oba hakotdiluk hogorakhe lageikha hisigi.

A'bikaka 14:4

It akhuni iti inebe, karelek dogouogoluk, humi inom noge igidek dogolik, inape baga nen inekalat ageikhe egarek degat, nen, akhuni aperek nen, “It iti weak ageikhe hagakhama,” iluk wene inoba 'busak degat meke werekma, yi akhuni ti akhuni inakla nen kigilogo inoko palinakhikhemo, hipiri yukuk meke alebageik itakharek iti hak, it inebe Allah inom, Domba Eak inom, 'bisalok, Domba Eak etnogo holak komake laga halok oporlik lageikharek meke hisigi o.

A'bikaka 6:11

at nen he, “Hinagarlak lak hinerugi ebetlake hinom an nobasik hagakhe lagagip meke, hit hinakhukha iti hak, inasugun meke aban werek iti, it therisik thet walogo il opakiat dogono,” iluk yogeisasikhesik, inebe dopok inasu kut meke i'bisugunem lageisigi o.

A'bikaka 6:9

Itithogon hisigirik oba nen, oporlik sirlo 'begarek iti hak, thuesika uanat meke baga iki apusu baga tetnekhogon 'bisukha meke etnogo meke, Domba Eak etnogo nen 4 oba arat 'bukalhesik oba nen, ageikhe 'bukalhunem, akhuni Allah ane a'bethogon waganhukhasik, it aperek yogeisekhe lagoukha iti hasik inakhukha meke inagoreke Allah ako warogo hetu hunekharek oba apma werekma lageisigi o.