Ibrani 12:22 - ALLAH ANE WENW KET MEKE WAROGO WOKNINAKHIKHE WENE

²² It iti hakene meke baga wagoukha mekeat, hit anek he, tom Sion Allah iluk welagarek meke ai o kota yerusalem pogot oba meke baga wagap iti. Etoma malaikat motok doalegat inom

Ibrani 12:22 ပူးပေါင်းရင်းမြစ်များ

Matius 16:16

at Simon Petrus etnogo nen, “Hat hebe, Kristus Allah iluk motok welagarek meke a'but, nit tilninabuagaluk at nen la'isigin iluk abok yoknisasikhe etnogoat o,” iluk yogokhikhe.

Matius 5:35

Nen, agat iti ninopase Allah isok yago welagarek. Halok he, agat yi etaga hupuk palogo yogeisausak motok erlok dek o. Nen, o Yerusalem ukul kok iti an hinopase Netagapogot meke etoma welagarek. Halok he, o iti etaga hupuk palusak degat o.

Roma 11:26

Allah nen akhuni Israel meke tha'bokhogonat hanorinabigin o. Wene itithogon iluk nen, at Allah nen men isikhemo ane baga holal waganek werek, “Tilinakherek meke ebe re, o Sion nen wisigin o. Witluk nen, it Yakub nen itago meke nen an inayuk dek dogolik weak hagariogei meke iti, korogo degetdigin o.

Roma 9:26

An nen akhuni o ageikhe meke hasik, Hit he, an na'buri dek o, iluk isigi mekeat, yabokane it o etoma meke hasigat, O yoma an niluk welagarek meke na'buri o, iluk igin,” iluk isikhemo at Hosea nen holal waganogo 'bisikhe.

Galatia 4:26

Meke re, he ekaerek age ebe meke hakene, o Yerusalem pogot oba meke iti, nit ninagosaat o.

Efesus 2:19

Itithogon wageikhe iti baga, hit hinebe itikmanke ninat meke, ap huso meke hakene welagagip etnogo, yogotak itithogon dek ageikhemo, hinebe Allah a'buri agagisip, it hinom, at Allah aila etoma hinaieregat agagisip welagap o.

Filipi 3:20

Itithogon meke re, nit ninai erlo pogot oba werek o. Ninai erloma etoma nen, ninoe Etagapogot Yesus Kristus yabokane tilninabisigin iti therogo welago.

1 Tesalonika 1:9

It nen wene men iliogeiat, “It akhuni o Tesalonika meke nen, Paulus lak inebe woginabiluk nen, Eberogonat, Allah iluk motok welagarek meke itiat o, iluk apma dogolik, at hasik hagakhik, at a'but pogot oba nen usasigin iti ebe therogo welageik, hagasuogoluk kaneke here'isalok, inelokhe dagakhogon Allah wogokhukhasik werek o. Allah nen a'but watlageikhesikmo ilugutdisikhe meke, ebe Yesus itiat o. Nen, Allah akla aga dageiluk ukum akhuni inoba 'bekhe dogolik, nit Yesus iti nenat tilninabigin o,” iluk, hinabok hano iliogeiat o.

2 Timotius 4:18

Itithogon tilnakhesik nen, yabokane akhuni nen yi weak ti weak hagatnabuogoluk hagakhunem, at nenat tilnakhe dogoluk nen, karelogo woknarik pogot oba, at apma dogogunmo etoma ukigin iti hasik, at hogorakho motok dogouok, iluk, “Amin,” igi iti o.

Ibrani 10:31

Wene itithogon inoba 'bigin iti, nit weak hagakhunem ninebe Allah iluk motok welagarek meke ikimo 'binanhe halok, ninayuk motok asigin iti o.

Ibrani 11:16

It ebekhe lagoukha iti, inai ebe hano motok pogot oba meke hasik warlok apekhe lagoukha iti nen, Allah nen it inobasik inai arat karelogo 'bisasikhemo nogo nen he, at nen, “An it inopase,” iluk ekarli degat ekherek iti o.

Ibrani 3:12

Halok he, nagarlak lak nerugi. Hit aperek hinobabut weak atluk, hinetaiken Allah iluk motok welagarek meke oba hakotdigidek dogolik, at ebe here'isalok hinapuke dukhi launogo iluk, hinobabut hebelogo dogono o.

Ibrani 9:14

It inoado itikmanke meke hasik sapi amep erlok dek meke baga erlok hano horinakhe lagoukha. Halok he, nit Kristus amep kok meke baga, “Wene hinoba dek,” iluk ninakla thelekhogon erlok motok 'binanherek o. Nit Allah iluk welagarek meke akla hanorogo hagakhe dogoagaluk, domba isi hano meke Allah warekhe lagoukha iti hak, at Kristus Allah Agoreke ikhok motok welagarek meke obatne baga, watlaga dogolik, ebe Allah wogokhikhe iti baga, nit alebat dek asigin meke we yugunat hagakhe lagagu meke, at nen, “Wene hinoba dek,” iluk, at amep oba ninakla thelekhogon 'binanhikhemo welago.

Yudas 1:14

Alebat Adam nen itaklarik waga lagoukhasik, hurli 7 baga hurli, at Henokh itaklageikhe meke nen, it akhuni iti ukum inoba 'bisagein meke hasik men isikhe, “Lakhani. Ninoe Etagapogot etnogo nen agarumi at ekaerek nen yoko usa'isa agarek meke inebe motok doalegat wogosik usasigin o.

A'bikaka 14:1

Itithogon lakhigirik oba nen, yabokane lakhigi meke, at Domba Eak etnogo tom Sion oba metek werekma lakhigi. Iti re, at ebe men, it akhuni inebe 144.000 nen, at Domba Eak inom, opase inom, ipisak inetaga it iti inebe tomok inilhaoak oba holal waganek meke men, inom werekma lageisigi.

A'bikaka 21:10

Itithogon yoknekhe korlek, Allah Agoreke noba duk i agama, at malaikat etnogo nen woknarik tom kok uanat oba dageikhesik, at Allah ekaerek ai o kota ukul kok Yerusalem pogot oba Allah nen usa'i aga meke etnogo yakulnekhemo lakhigi.

A'bikaka 21:2

Itithogon hagarogo 'bekhesik, at Allah ekaerek ai o kota Yerusalem ket meke, humi inaguni horlauwogoluk inobake dik-duk waganharek iti hak, at werekma pogot oba nen usa'i agunem higi.

A'bikaka 22:19

Nen, tha nen yi wene ti wene yabokane hagatlasigin meke yoknekhe meke holal waganhi meke yi werek korlegat he, wene iti meke ageikhe thebelogo usakho halok he, o eken nukunem inilugurinakherek meke iti eken ageikhe at noagaluk werek mekeat he, Allah nen he, Hat nausak dek, iluk yogokhik, nen, o Allah ekaerek ai o kota etnogo at iti iteerek atluk dukhigik-ukigik, hagakhe dogoagaluk werek mekeat he, Allah nen, Hat ukusak dek, iluk yogokhik, igin,” iluk yokhisigi iti o.

A'bikaka 3:12

Nen, tha nen obatne asigin meke halok, o hiseke usakharek iti hak, at itithogonat Allah ekaerek ai halekma meldiluk, nopase Allah etaga inom, ai kota yerusalem ket meke at nenat pogot oba nen usa'isigin iti etaga inom, an netaga ket meke inom, an nen, at iti oba holal waganogo 'bumo, at ebe o etoma nen dukhisigin motok dek o,

A'bikaka 7:2

It itithogon werek korlek, malaikat ninat ageikhe o mulikin dagei agarekma eloma nen Allah iluk motok welagarek meke asirlo wolok dukhi agasik, Allah nen it malaikat inebe 4 oba agat inom, i laut yekelek inom, weagatduagaluk iteerek 'bisasikhe meke emenogo men yogeisugunem holhi,