Ibrani 12:15 - ALLAH ANE WENW KET MEKE WAROGO WOKNINAKHIKHE WENE

¹⁵ Akhuni hit meke aperek Allah obabut hano nen woknisekherek meke iti here'isalok dukhisinem, arle-arleka dabulatluk nen, hano meke arletdekherek hak, ap iti nen akhuni tha'bokhogonat weagarinabinogo iluk hinileken hanorogon dogono o.

Ibrani 12:15 ပူးပေါင်းရင်းမြစ်များ

Lukas 22:32

hat hetaiken noba hakotdiluk welagan meke iti obatne dek asinogo iluk, hat hobasik an Allah ayoko arat 'bigima. Hobabut hebelagan halok he, hagarlak lak yoma hat nen inetaiken ago watdisekhe dogono o,” iluk yogokhikhe.

1 Korintus 10:12

Iti nen, hat ageikhe hakla nen, “An netaiken horle, metek welagei o,” iluk apegen halok he, tunhogo launogo iluk hobabut hebelogo dogono.

1 Korintus 13:8

Itithogon hagakhe dogoluk nen, iniki ageikhe baga, Allah ane yogeisegarek iti meke yabokane yogeisausak dek ageik, akhuni inane inokodek meke elalinat egarek iti meke yabokane usak dek ageik, yi wene ti wene inilu welageikharek meke iti yabokane inilu asusak dek ageik, hagasugun mekeat he, akhuni inebe inakmurogon welageikahrek iti meke anek, dek ageidek motok dogogin o.

1 Korintus 15:33

Akhuni nen ekhe dogolik, “It aperek inobabut weak meke hinom hunisugun halok he, hit hinobabut hano meke weak asigin o,” iluk egarek iti eberogonat iluk hinekaerek nen hinebe dalugup o.

1 Korintus 5:6

Akhuni nen inane dagakhogon ekhe dogolik, “Hipiri roti meke hisuagaluk eken hikherek meke herlekha'bugat akla 'bilukmo nen, roti ebe tha'bokhogonat hikherek o,” iluk egarek etnogo hinokodek nogo a? Hinilu dogolik hogorakhekhe lagap iti hano 'buk. Weak o.

2 Korintus 13:5

Hit nen he, “Nit ninetaiken Kristus oba hakotdisugu etnogo hakokthegat welago a? Dek a,” iluk hinekaerek nen hinobabut hutukhogon palano. Itithogon palekhe dogolik, erlok hagatlageidek halok he, “Yesus Kristus ninakla werek,” iluk ekagat hugun o.

2 Korintus 6:1

At Allah nen, men isikhemo holal waganogo 'bisukhama werek, “An nen he, hit hinane nasuk holusak apigi bagaat holhi o. Hinebe tilhinabusak tak-tak obaat yomakhisa agei o,” iluk isikhe iti, Allah nen ninane asuk holusak he, o yogotak yaat o. Nen, ninebe tilninabusak he, o yogotak yaat o, iluk hinakla ebetni o. Halok he, nit Allah ninom at hasik hagakhe dogolik, at obabut hano nen akmuthinakhikhemo, at ebe waganhigip etnogo, we yugunat alomakhup o, iluk hinasuk wakhe lago iti o.

Galatia 2:13

At ane pere dogolik hekhogon dukhisikhe hak, it akhuni Yahudi meke aperek inebe tha'bokhogonat inom dukhekhe dogolik, at Barnabas etnogo akla kagalogo yabokane it inane pere meke iti lapeldiluk dukhisikheat.

Galatia 5:4

Hit aperek nen, “Wene Allah nen ninasuk wakhikhe wene iti baga hakotdiluk, at nen, wene ninoba meke korogo wokhalok, ninom yabokane ninapuke hunogo 'binanuak,” iluk hagakhe lagap halok he, Kristus hinom hek egesip nen, at Allah obabut hano nen woknisekherek meke etnogo here'isalok dukhegep iti.

Efesus 5:3

Hinebe Allah a'buri dogolik hinobabut hagakhe dogosak mekeat hagakhe dogosak. Halok he, param ha'isigik, inekarli dek weak hagakhik, “Yi meke ti meke an anek woknetlep,” iluk inakla nen apigik, hagakharek iti meke, akhuni aperek nen, “It aperek itithogon weak hagariogei,” iluk hinabok weak thakhogon asunogo iluk, weak ageikhe hagakhup o.

Kolose 3:5

Iti nen he, hinobabut hinikhogat dogolik, hinakla nen yi warlok ti warlok apegethep meke iti warogo here'isekhe dogono. Hinobabut iti, param ha'isegarek iti inom, inakla nen, warlok iluk wosi nekarek iti inom, inetaiken nen nekerethek inoba agaken dageikherek iti inom, inileken lageisalok inakla nen warlok apegarek iti inom, kaneke oba hakokthek dogou hak, inakla nen, “Yi meke ti meke, an meke anek dogolep,” iluk apegarek iti inom, hinobabut iti meke tha'bokhogonat warogo here'isekhe dogono.

Titus 1:15

Allah nen akhuni aperek at hasik 'bakhalok hanorinakhe meke halok, it inobasik yi meke ti meke hano anek 'bisalok werek o. Itithogonat meke re, it aperek inetaiken Allah oba hakotdigidek dogolik, inakla apiliogei meke inom, eberiogei meke inom, weagat werek iti nen, it inobasik yi meke ti meke hano dek. Weak anek werek o.

Ibrani 3:12

Halok he, nagarlak lak nerugi. Hit aperek hinobabut weak atluk, hinetaiken Allah iluk motok welagarek meke oba hakotdigidek dogolik, at ebe here'isalok hinapuke dukhi launogo iluk, hinobabut hebelogo dogono o.

Ibrani 4:1

Iti halok he, Allah ne a'buri thet waloagaluk abok yogeisasikhe meke iti dek ageidek werek meke iti, nit yabokane thet waloagaluk woknisageinmo etoma hit aperek ukigidek hagasunogo iluk hinayukhogon dogolik mothogon hagakhe dogono o.

Ibrani 4:11

It ale Allah ane hologo mothogon hagakhidek nen, thet waligidek iti hak, nit aperek it inomanem thet waligidek hagasunogo iluk, ninobatnerogon hagakhe dogouok o.

Ibrani 6:11

Nagarlak lak nerugi. Nit ninakla warlok he, hit hinakla nen, “Allah nen nit hanotninabigin,” iluk hinakla arleken akhekhe lagap meke itiat akhekhe dogoluk, hurli ilugun oba iteerek asubageik nen, hagakhe lagap iti hagat, hinebe tomok hinobatnerogon hagakho motok dogosak warlok apekhe lago o.

2 Petrus 1:10

Iti nen, nagarlak lak nerugi. Hinebe Allah nen wenakhinakhikhesik hinayoko 'bisikhe iti, eberogonat hagatlasuagaluk, hit nen hinobatnerogo hagakhe dogono. Itithogon hagakhe dogogun halok, hinetaiken Allah baga hakotdiluk welagap meke here'isalok dukhugun dek o.

2 Petrus 2:18

Akhuni aperek inagarlak lak inerugi korloat hagakho korlek nen, here'isalok dukhisuogoluk hagakhunem, inetaiken nen nukunem yabokane weak hagasuagaluk, it ap iti inekaerek hogorakhekhe dogolik we yugunat inekalat inakla kagalhe dogogun.

2 Petrus 3:11

Yi meke ti meke tha'bokhogonat itithogon dek asigin iti nen, hit hinobabut nikithogon hagakhe dogosak apegep. Allah nen hagasigin itinem pogot hetu 'bumo re, amulok nen tha'bokhogonat nikik, yi meke ti meke erlo inom herlenhogo nikik, hagasigin iti nen, weak hagakhidek hinobabut karelogo dogolik, hinebe Allah hasik 'bisalok, at ebe therogo dogolik, ebe ibat wisuagaluk hinobatnerogon hagakhe dogono.

2 Petrus 3:14

Nagarlak lak nerugi. Hinebe nakmu lak e. Itithogon wisigin iluk, therogo dogolik, wene hinoba 'bakhigidegat, weak ageidegat, Allah hinom hano werekma at ebe 'bithisasuak nen, at hasik obatnerogon hagakhe dogono.

2 Yohanes 1:8

Nen, nit nen hit hagatdinagakhe lagagu etnogo hasik, hit aperek oko waganhidek nuk asunogo iluk, tha'bokhogonat waganubageik nen he, hinobabut hebelogo dogono o. Dogolik Allah nen, “Hit oko wokhisagein,” iluk wene abok yoknisasikhe etnogo, hit aperek nuk ageidek tha'bokhogonat horlobageik nen, hinobatnerogon hagakhe dogono o.