Ibrani 12:11 - ALLAH ANE WENW KET MEKE WAROGO WOKNINAKHIKHE WENE

¹¹ Ninasuk wakhe korlek etaat ninakla hano agarek dek. Ninakla weak agarek mekeat he, yabokane ninasuk wakharek iti baga, ninasuk warek welagorek meke, yi meke ti meke eken ikherek iti hak, ninobabut hano enago dogolik mothogon anek hagakhe dogogun iti.

Ibrani 12:11 ပူးပေါင်းရင်းမြစ်များ

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

Ibrani 12:10

It nen he, “Hano hagasusak meke yi higi,” iluk elanma hasik we herlekha'bugat inasuk wakharek mekeat he, ninopase Allah anek he, at weak hagakhidek karelek welagarek iti hak, nit ninom itithogonat karelek dogoagaluk ninasuk wakherek.

Ibrani 5:14

Meke re, it inarluetek anek he, inetaiken horle atlukmo nogo nen, wene yi weak, yi hano, iluk penasusak inilu nogo nen, hipiri a'bet meke it inapiri o.

1 Petrus 1:6

Iti nenat, yogotak ya, Allah nen hinobabut paligiluk hagakhe korlek, hinoba akin-pakinhogon hekhe dogolik, elanma hasik hinakla weak ariogo mekeat he, hinakla arleken akhekhe dogono o.

2 Petrus 2:14

It ap iti inilekenma, humi param hagarinabusak iti anek wogosik ina'it ageidek weak hagakho motok dogogun iti. Itithogon hagakhe dogolik, akhuni inetaiken obatne dek werek meke nukherinakhe dogogun iti. Inobabut he, “Yi meke ti meke nit anek woknisanek,” iluk ekhe dogouogoluk haganeat nen yakulhukhasik nen, iti mekeat inilu dogolik hagakhe dogogun iti. Itithogon hagakhe dogogun iti nen, Allah nen homan 'bisalok weagarinabigin werek o!