Ibrani 11:35 - ALLAH ANE WENW KET MEKE WAROGO WOKNINAKHIKHE WENE

³⁵ it humi aperek ineagei warek meke yabokane inilugurinakhunem woginakhik, hagarik aga lagoukha. Itithogon hagarik laga korlek, it aperek, “Ninebe yabokane hano dogogun meke Allah nen ninilugutninabigin meke werek o,” iluk akhuni aperek nen inebe wiik-weakhogon hagarinakhe korlek, inoado inirlirli horligidek welagoukhaat.

Ibrani 11:35 ပူးပေါင်းရင်းမြစ်များ

Matius 22:30

Akhuni warek meke Allah nen inilugurinabigin itinem, humi woginakhik, iginakhik, hagakhe dogogun motok dek o. Mekeat he, it malaikat pogot oba meke welageikharek iti hakeneat dogogun o.

Markus 12:25

Akhuni warek meke Allah nen inilugurinabilukmo nen, humi waganhik, it aperek igisigik, hagakhe dogogun motok dek o. It malaikat pogot oba meke welageikharek iti hakeneat dogogun o.

Lukas 14:14

Itithogon inayoko 'bekhe dogoumo, it nen hat hayoko 'busak dek iti nenat, hat hakla arleken kogat akhagein o. It iti nen oko wokhesusak dekma iti, akhuni inetaiken mot meke watlatlukmo, Allah nen inilugurinabigin itinem, hat hagakhe dogogin meke oko, at Allah nenat wokhesigin o,” iluk yogeisasikhe.

Lukas 20:36

Akhuni watlatlukmo Allah nen inilugurinabigin iti nen, inebe Allah a'buriat, it malaikat pogot oba yoko nekharek meke inom tak-tak dogolik, yabokane watlaga dogogun motok dek o.

La'isasikhe 22:29

Itithogon yogokhikhemo it at tugi wasuogoluk hagakhukha meke emenogo nen ibat hekhogon here'isasukha. Itithogon here'isasukhama, ap kok etnogo akla nen, “Paulus ebe o Roma aierek meke werek korlegat, iki herle wakhima yi nayuk e,” iluk ayuk weak ageikhe.

La'isasikhe 23:6

Yabokane at Paulus nen, it ap Allah hasik wene erlo pilinekhe lagoukha meke emenogo inebe ebetlake Saduki meke inane waganhe lagoukha meke, nen, ebetlake Farisi meke inane waganhe lagoukha meke, werekma ileken ekagat hugdisalok nen, ane kokhogonat men yogeisasikhe, “Ap yirani. Nougi nagarumi. An nebe Farisi meke. Nopase lak Farisi meke nenat itago meke welagei. Dogolik akhuni watlageikharek meke yabokane Allah nen eberogonat inilugurinabigin iluk hutdekhe lagei iti nen ukum noba 'begama yi,” iluk yogeisasikhe.

La'isasikhe 24:15

It ap yi nen, Akhuni hano hagariogei meke men, weak hagariogei meke men, inebe watlatluk werekma eberogonat Allah nen inilugurinabigin, iluk, inetaiken Allah oba hakotdiluk werek iti hak, an itithogonat welagei o.

La'isasikhe 4:19

Itithogon yogeisasukhama, it Petrus Yohanes ipisak nen, “Allah il oba mothogon hagasusak he, ki. Hit nen, Itithogon hagasusak, iluk egep meke iti hologo hagasusak a? At he, Allah nen, Itithogon hagasusak, ekherek meke iti hologo hagasusak a. Hinakla ebetni. Nit nen, ninileken higik, ninasuk holhik, hagakho meke iti, akhuni aperek yogeisigidek huk asusak erlok dek iti nen yogeisekhe dogogunat o,” iluk yogeisasukha.

La'isasikhe 9:41

Hurek lageikhemo, at Petrus nen iki hago meldiluk nen, it Allah a'buri aperek men, humi thoge meke emenogo men, waisasikhemo ukisukhama, “At ebe iluk aga yi,” iluk wogeisasikhe.

1 Korintus 15:54

Ninebe hirli agorek meke yi hirli asigin dek meke ikhik, nen watlagorek meke yi, watlasugun dek meke ikhik, hagasugun. Itithogon isugun iti baga, wene men iluk holal waganogo 'bisukha meke iti ebeat asigin, “Yi meke ti meke haumhogon nekarek hak, at Allah obatne atluk nen, watlageikharek erlo iti, degetdisagein o.”