Ibrani 10:38 - ALLAH ANE WENW KET MEKE WAROGO WOKNINAKHIKHE WENE

³⁸ At wisigin iti, aban wageidek werek korlek, it an na'buri wene inoba korogo an ninom hunogo 'bisigi meke inebe tomok, inetaiken noba hakotdiluk dogogun oba iniluk dogogun. Meke re, akhuni aperek inapuke dukhugun meke inebe tomok, it an noba hotokthek dek. Na'irat o,” iluk isikhemo holal waganogo 'bisukha.

Ibrani 10:38 ပူးပေါင်းရင်းမြစ်များ

Matius 12:18

At Allah nen, “'Bikhani! At iti re, an natuaneke dogoagaluk nekaerek nen witaberogo meldigi. Netaiken hunik noba hotokthek meke, at itiat o. An Nagoreke at oba 'bumo, an nen akhuni wene inoba 'bigik, kokhik, mothogon 'bigin iti hasik, at nen it akhuni itikmanke meke wene pakhogon yogeisekhe dogoginat o.

Matius 13:21

wene iti inetaikenma omaken yakhidek nenat, iniki pererlagat welageikharethek nen, akhuni aperek nen Allah ane iti hasik yi aik ti aik inoba 'bigik, weagarinakhik, hagakhunem, inakla ibat puk ageikharethek nen, wene iti here'isalok dukhegarek itiat o.

Roma 1:17

Allah nen men isikhemo holal waganogo 'bekhe dogolik, “Akhuni inetaiken an noba hakotdisinem nen, an nen wene inoba meke korogo wokhalok yabokane inapuke an ninom hunetlatluk iniluk motok dogogun o,” iluk isikhemo holal waganogo 'bisukha hagat, Allah ninom yabokane ninapukhe itithogon hunetlasusak, iluk, hano wene iti baga thelekmatdisikhe. Allah ninom yabokane ninapuke hunetlasusak wene iti ebe re, ninat ageikhe hagasugun oba nen 'buk. Ninetaiken at oba hakotdiluk erlo baga nen piokhogon hurli ekapul oba dogogun iti baga, Allah ninom yabokane ninapuke hunetlatluk dogogun o.

Galatia 3:11

Allah nen, “Hinetaiken an noba hakotdiluk dogogun iti baga, an nen wene hinoba meke korogo wokhalok ninom yabokane hinapuke hunogo 'binagagin meke hiniluk motok dogogun o,” iluk isikhemo holal waganogo 'bisukha iti nen, wene Allah nen ninasuk wakhikhe wene iti baga nit tha'bokhogonat wene ninoba meke korogo wokhalok yabokane ninom hunogo 'binanusak degat o, iluk, ekagat ageikhe.

1 Tesalonika 2:15

It ap Yahudi meke nenat, it ap haganeat Allah ane yogeisekhe lagoukha meke inebe inakhik, ninoe Etagapogot Yesus ebe wakhik, hagakhukha hagat, nit yi aik ti aik hagatninabiogei iti, Allah nen hano iluk apekherek dek. Akhuni inom weak anek hagakhe dogolik,

Ibrani 10:39

Itithogonat meke re, nit he, it akhuni aperek alomatlasuogoluk inapuke dukhugun meke iti hakene welago 'buk. Dek o. Nit he, ninebe tilninabuagaluk ninetaiken at oba hakotdiluk welago meke welago o.

Yakobus 5:6

It aperek mothogon hagariogei meke iti, it nen oko hit hinasusak dekmaat wene inoba 'biluk inebe inakhe lagap iti re!

1 Yohanes 2:19

It akhuni iti inebe re, nit meke palek mekeat he, it inebe eberogonat nit werekmake meke dek o. It inebe eberogonat nit werekmake meke dogolepma re, inebe nit ninom motogat dogolo. Meke re, it iti inebe tha'bokhogonat nit meke dek, ninat meke ekagat hagatlasuagaluk dukhisukha iti o.