Ibrani 10:34 - ALLAH ANE WENW KET MEKE WAROGO WOKNINAKHIKHE WENE

³⁴ it aperek herle warogo kola'isugunem hinakmurinakhik, hagakhe lagagip iti o. Itithogon hagakhe dogolik hinakla nen, “Nit meke hano motok dogogin meke werek o,” iluk apekhe dogolik, hit meke yi meke ti meke horlugunem hinakla weak ageidek hinakla arleken akhekhe lagagip iti.

Ibrani 10:34 ပူးပေါင်းရင်းမြစ်များ

Matius 19:21

at Yesus nen, “Hat hebe hano motok asigiluk halok, yoma nen lalok hameke yi meke ti meke etoma tha'bokhogonat it aperek inoba oko pali lano. Oko palogo wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok, an noporlik nekhe dogonok nen, wetno,” iluk yogokhikhe.

Lukas 10:42

Meke re, wene opakiat meke anek hagasusak werek korlegat, hat nen yi meke ti meke hagakhe lagan. Hagot Maria yi, wene opakiat hano meke itiat wenago 'bakhekhesikmo, it akhuni aperek nen ikimo tilogo waganusak dek meke 'bakhekhesik werek o,” iluk yogokhikhe.

Lukas 12:33

Hit hinameke it oko palogo uang waganigin meke emenogo it akhuni inameke dek meke iti supurisani o. Supurisalok nen, uang ai motok weak agarek dek meke waganogo 'biluk, ukharlogo 'bekhe dogou hak, hinameke hano motok dek asigin dek meke, it ap inil agasabu weak meke nen iniki abusak himasi ukigik, warlo nen palhik, hagakherek motok dekma pogot oba etoma ukharlogo 'binaguagaluk la'akhekhe dogono o.

Lukas 9:25

Nen, tha nen, yi meke ti meke agat oba meke tha'bokhogonat ite asigin mekeat, ekaerek ebe hasik weak akhalok nuk asigin halok he, ageikhe thabusogo hano horlekhe usak a? Motok dek o.

La'isasikhe 21:33

Here'isukhama ap tentara inoe kok etnogo ebe Paulus oba horokhogon lageikhesik, ebe ha'iluk nen, agarumi nen pisue omaken pere baga iki herle wasuagaluk yogeisasikhe. Yogeisasikhesik nen, “Ap yi tha nogo. Nikithogon hagakhemo,” iluk hinok waganhikhe.

La'isasikhe 28:20

Nit akhuni Israel meke nen, Ap ageikhe wisigin o, iluk ninetaiken at oba welagorek etnogo hasigat, niki herle warogo 'banhukhama welagei yi. Iti nenat, hit hinebe noba wagunem wene yokhisagaluk hinayoko 'bigi iti o,” iluk yogeisasikhe.

La'isasikhe 5:41

Ula'isugunem, it ap wene erlo pilinekhe lagoukha meke emenogo here'isalok dukhisukhasik nen, Yesus agarumi emenogo it-it ekhe dogolik, “Allah nen, Hit Yesus etaga hasik akhuni nen, Hit weak, iluk wenakhisaumo erlok, iluk akla apekhe tak-tak wenaknisega iti hano,” iluk inakla arleken akhalok dukhisukha.

2 Korintus 5:1

Akhuni inai halek misalagunem yabokane ket halharek hak, nit ninoado agat oba elanma hasik welago yi, watlago halok he, pogot oba ninebe ninikhok motok dogogin meke akhuni nen agouwak hagakhidek meke Allah nen hagarogo 'binanigin meke werek o, iluk hutdekhe lago.

Efesus 3:1

Iti nen, an Paulus hit akhuni itikmanke meke Kristus Yesus nen tilhinabuagaluk, at hasik niki herle warogo 'banhama welagei o.

Efesus 4:1

An ninoe Etagapogot hasik niki herle warogo 'banhama dogolik, hit wene ageikhe hinasuk wasik. Nagarlak lak nerugi. Hit hinobabut he, at Allah nen hinayoko 'bisikhe tak-tagat hagakhe dogono o.

Efesus 6:20

Wene iti yogeisekhe dogoagaluk at Kristus nen nayoko 'biluk la'ani ageikhemo an witluk yogeisekhe lagei iti hasik niki herle warogo 'banhama welagei. Itithogon dogolik, an nayuk dekhogon hano wene iti yogeisekhe dogosak tak-tagat yogeisekhe dogeik nen, sembayan an nobasik ekhe dogonoat o.

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

1 Timotius 6:19

Itithogon hagakhe dogogun halok he, yi meke ti meke yabokane meke hasik natogorlogo 'begarek hak, hano hagakhe dogolik, yabokane motok dogogin meke hasigat 'bakhekhe dogoluk nen, ninebe eberogonat ninilugutninabumo dogogun iti mekeat horloagaluk inasuk wakhe dogono o.

2 Timotius 1:16

Itithogonat meke re, at Onesiforus a'buri inom anek he, hibiku-yogoku nakla hanorogo netaiken thebeli iriogei iti, ninoe Etagapogot nen akmurogon hagasik dogoak o. An niki herle warek werekma noba wisu ekarli degat,

2 Timotius 2:9

An hano wene itithogon yogeisilik nukhunem, it akhuni aperek nen, it aperek weak hagariogei meke hagarinabu hak, an yi aik ti aik hagatnakhik, niki herle wakhik, hagariogei mekeat he, Allah ane iti herle wasusak erlok dek o. Herle hisalegat werek o.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

Ibrani 11:16

It ebekhe lagoukha iti, inai ebe hano motok pogot oba meke hasik warlok apekhe lagoukha iti nen, Allah nen it inobasik inai arat karelogo 'bisasikhemo nogo nen he, at nen, “An it inopase,” iluk ekarli degat ekherek iti o.

Ibrani 13:3

It aperek herle warek werekma, hinakla nen, “Nit meneke, ninomat herle warek hakene welago,” iluk it inoba ebekhik, it aperek yi weak ti weak hagarinakhunem, hit hinakla nen, “Nit meneke, agat oba yoma aban werekma itithogonat hagatninabusagat o,” iluk, it inoba ebekhik, hagakhe dogono o.

Ibrani 9:15

Iti halok he, wene warogo alebageik wokninakhikhe meke iti baga dogolik, nit ninasuk warek dek weak hagakhe lagagu iti baga ninebe herle warek hakene welagagu meke. Itithogon werekma, at Allah nen Kristus watlageikhe iti baga herle hialninakhikhesik, nit at nen wanisasikhe meke ninom hundiluk, hano ikhok motok dogogin meke woknisagaluk, wene ket meke warogo wokninabiluk, Kristus ebe turlem heisogo meldisikhe.

Yakobus 1:2

Nagarlak lak nerugi. Yi akin ti akin hinoba agunem hinakla arleken akhekhe dogono o.

1 Petrus 1:4

Itithogon hanotninakhunem iteerek asugun meke iti, hirli ageidek weak ageidek, dek ageidek, ikhok motok dogogin meke pogot oba ageikhe hit 'binageikhemo werek o.

1 Yohanes 3:2

Nagarlak lak nerugi, nakmu lak o. Yogotak nit ninebe Allah a'buri welago meke re, yabokane ninebe dogogun meke thelekma ageidek aban limago werek o. Itithogonat meke re, nit ninilu re, Yesus ebe yogotak werek meke ninileken hutukhogon hugun iti nen, at wisigin itinem ebe wagunem, nit ninebe at ebe werek iti hagat, hagatlasugun o.