Ibrani 10:33 - ALLAH ANE WENW KET MEKE WAROGO WOKNINAKHIKHE WENE

³³ Itithogon hagakhe dogolik, hit aperek akhuni doalekma hinetaga wiik-weakhogon weak hagathinakhunem, hit aperek nen, “Nit ninomat weagatninabuak,” iluk inoba ukisinem hinomat weak hagathinakhik,

Ibrani 10:33 ပူးပေါင်းရင်းမြစ်များ

1 Korintus 4:9

Nit iti, akhuni motok ina'it meke thelekma akhuni inil oba thebeldisalok inekarli warogo inakharek iti hak, nit Allah nen ninayoko 'biluk la'inani ageikhemo wagagu meke iti akhuni inom, malaikat inom, inil oba itithogonat hagatninabiogei o.

2 Korintus 12:10

Iti nen, an Kristus hasik, nebe erlok dek agei halok, akhuni nen nabok weak palho halok, wiik-weakhogon hagatnakho halok, yi aik ti aik hagatnakho halok, wim yakhe dogolik inasuogoluk hoborisegarek hak hobotneekho halok, an erlok degat werekma, iti baga nen nobatne agarek iti nen nakla arleken akhegerek.

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

Filipi 4:14

Erlok hagakhe dogosak meke re, an nerlageik werekma, hit nen yomakneegethep iti hano motok o.

1 Tesalonika 2:14

Nagarlak lak nerugi. It Allah a'buri aperek Kristus Yesus inom hunik dogolik, o Yudea etoma natogorliogei meke, inekaerek inagarlak lak Yahudi meke nenat, yi aik ti aik hagarinakhe lagoukha hagat, hit hinagarlak lak meke nenat yi aik ti aik hagathinabiogei o.

2 Timotius 1:8

Itithogon wokhisekherek iti, ninoe Etagapogot abok akhuni aperek yogeisausak hekarli dekhogon pakhogonat yogeisigik, nen, an at hasigat niki herle warogo 'banhama welagei yi hasik, hekarli dek halonhogo welageik, hagakhe dogono. Itithogon hagakhe dogolik, akhuni aperek nen hano wene iti hasik, yi aik ti aik hagatninakho korlegat, an Allah obatne baga welagarek hagat, hobakhanini hapugutdiluk dogono.

Ibrani 11:26

“Yabokane Allah nen oko woknisigin meke werek o,” iluk apasikhesik nen, “Yi meke ti meke hano meke akhuni o Mesir inikimo meke yi kok dek o,” iluk, here'isalok nen, “Kristus hasik ninebe wiik-weakhogon hagatninakhe dogosak itiat kok o,” iluk apasikhe.

Ibrani 11:36

Nen, ageikhe, akhuni inane sagun yogeisigik, tugi inakhik, iniki herle warogo kola'isigik,

Ibrani 12:4

Hit anek he, weak hagasu hina'it nen, wim inobatnerogon yakharek iti hak hagakhunem, aban hinamep ulabogo hinakhidek meke welagap o.

Ibrani 13:13

Itithogon watlageikhe iti nen, nit agat oba yoma motok dogosak dek. Nit yabokane o motok dogogun meke herakhe lago iti nen he, at Yesus akhuni nen inane aik dagok paik dagok dalhe lagoukha hak, nit itithogonat yoknisekho korlek, at oba leget abel itikmanke dukhisi dogouok o.