Ibrani 10:31 - ALLAH ANE WENW KET MEKE WAROGO WOKNINAKHIKHE WENE

³¹ Wene itithogon inoba 'bigin iti, nit weak hagakhunem ninebe Allah iluk motok welagarek meke ikimo 'binanhe halok, ninayuk motok asigin iti o.

Ibrani 10:31 ပူးပေါင်းရင်းမြစ်များ

Matius 10:28

Akhuni nen hinagoreke hinasusak erlok dek. Hinoado itikmanke anek hinasugun iti nen, hinayukhogon dogogup o. Meke re, at Allah anek, hinagoreke inom, hinoado itikmanke inom, erlok motok warogo hetu aikmo la'inagusak werek iti nen, at Allah at hinayukhogo dogono.

Matius 16:16

at Simon Petrus etnogo nen, “Hat hebe, Kristus Allah iluk motok welagarek meke a'but, nit tilninabuagaluk at nen la'isigin iluk abok yoknisasikhe etnogoat o,” iluk yogokhikhe.

Lukas 12:5

Meke re, hit tha hinayukhogon dogosak nogo. An nen yokhisak. At Allah nen hinebe hinatluk, yabokane hetu aikmo erlok la'inagusak werek itiat hinayukhogon dogono, iluk yokhisekhe lagei iti.

Lukas 21:11

dugul kok inayuk meke luk-lagathigik, o yi ai ti ai hipiri motok no ageik, u obabut weak meke inoba ageik, yi meke ti meke inayuk meke hagatlageik, pogot oba nen hagasusak dek meke elalageik, hagasigin o.

La'isasikhe 13:11

Lakhan! Itithogon hagakhe lagan iti nen, ninoe Etagapogot nen ukum hoba 'bekhemo welagan o. Iti re, hat hebe yogotak elanma hasik ya hileken puk atluk nen, mo iti hileken lakhigidek dogogin o,” iluk yogokhe korlek eranogoat, ileken oisa hakene thebekhogon puk ageikhe. Puk ageikhesik nen, “Tha nen niki hak-hak woknarik ligin he,” iluk akhuni iki hak herageinabik lageikhe.

2 Korintus 5:11

Iti nen, ninoe Etagapogorat ninayukhogon dogosak iluk hutdekhe dogolik, akhuni nen wene iti hutduagaluk inakla kagalogo yogeisilik nekhe lago. Nit ninobabut hagakhe lago iti, at Allah il oba winam iti hak, hit hinakla nen nit hutdinanhe dogosak apekhe lago o.

Ibrani 10:27

Allah akla aga dageiluk o ilugun oba wene inoba 'bigik, kokhik, hagasigin iti baga, at athili meke inebe hetu aik oba inakhe dogolik, nit at ane here'isalok weak hagakhe dogogun halok, ninomat ninasinogo iluk, nit nen hutdiluk ninayukhogonat dogouok o.

Ibrani 3:12

Halok he, nagarlak lak nerugi. Hit aperek hinobabut weak atluk, hinetaiken Allah iluk motok welagarek meke oba hakotdigidek dogolik, at ebe here'isalok hinapuke dukhi launogo iluk, hinobabut hebelogo dogono o.