Ibrani 10:19 - ALLAH ANE WENW KET MEKE WAROGO WOKNINAKHIKHE WENE

¹⁹ Nagarlak lak nerugi. At yesus amep ulabogo watlageikhe iti baga, nit o kakok palekma Allah ekaerek aila etoma ninayuk dekhogonat ukuok o.

Ibrani 10:19 ပူးပေါင်းရင်းမြစ်များ

Roma 5:2

Nit ninetaiken Yesus oba hakotdisugu iti bagaat, at nen Allah obabut hano nen hanotninakherek iti apma 'binanhikhemo iti baga hakotdiluk welago. Dogolik, Allah hogorakho motok welageikharek iti hak, nit itithogonat hogotninabigin o, iluk ninakla arleken akhekhe lago.

Efesus 3:12

Nit ninetaiken at oba hakotdiluk, at ninom hunik dogolik, ninayuk dekhogon ninetaiken hapukhogon Allah oba ukusak iti o.

2 Timotius 1:7

Allah nen ninobabut woknisekherek iti, ninayuk werek dogoagaluk woknisekherek 'buk. Ninobatnerogon welageik, akhuni aperek ninakmurogon welageik, ninetaiken thebekhogon welageik, hagakhe dogoagaluk woknisekherek iti o.

Ibrani 10:18

Iti nen he, nit akhuni ninasuk warek dek ninobabut weak hagakhorek meke, at Allah nen arat thagalogo degetdisikhe iti nen, nit weak hagakhorek meke hotninabuagaluk yabokane Allah hasik ninako kambing sapi warogo 'bisausak motok dek o.

Ibrani 10:35

Halok he, alep weak hagathinakho korlek hinakla pugat welagagip meke iti kobokhogon thogotdigidek, yogotak ya itithogonat dogogun halok, oko kok meke wokhisagein iti nen, hinobatnerogon hago dogono o.

Ibrani 12:28

Itithogon aborlogothagein mekeat he, nit anek he, Allah apma 'binanherekma aborlok igin motok dek meke woknisasikhemo ite agosik welago iti nen, “Allah nopase,” iluk heagei wakhe dogouok o. Nen, at Allah ebe, yi meke ti meke hetu nen nekerek iti hagatma, nit itithogon weagatninabinogo iluk, at ebe ninayukhogon hagakhik, alon halogo hagakhik, hagakhe dogolik, at ane hologo akla warlok meke hagakhe dogolik, hogorakhe dogouok o.

Ibrani 3:1

Iti nen, Allah a'buri ekaerek hasik wenago 'binageikhemo welagap meke nagarlak lak nerugi. At Allah pogot oba nenat hit ninomat ninayoko 'bisikhemo wene waganhugusik pakhogon ekhe lago iti hasik, at Yesus ebe Allah iteerek ninoe kok dogoagaluk, Allah nenat la'i ageikhemo werek iti halok, hit hinetaiken oba nenat hutdekhe dogono o.

Ibrani 3:6

Mekeat he, at Yesus anek he, Allah ebe a'but nogo nen, at iteerek nenat hagakherek. Nit hanotninabigin wene iti hasik ninetaiken ninobatnerogon oba hakotdiluk motok dogogun halok he, Allah ai halek iti, nit ninebeat o.

Ibrani 4:16

Iti nen he, nit weak asusak werekma, hano asuagaluk, ninopase Allah obabut hano nen akmutninakhik, yomaknisigik, hagasuagaluk, at Allah kok welagarekma dogolik obabut hano enagorogon hagakherek iti nen, ninayuk dekhogonat horokhogon ukuok o.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

Ibrani 9:3

Nen, o kakok palek itikmoke su baga hurli palek iti etaga, o kakok palek motok ebe usama u hak, Allah ekaerek ai ekhe lagoukha.

1 Yohanes 4:17

At Kristus welagarek iti hak, nit agat oba itithogonat welago iti nen, yabokane Allah nen nit ninitema waganogo ukum ninoba 'bigik, kokhik, hagasigin itinem ninekarli dek dogogun. Ninekarli dekhogon dogoagaluk ebekeram Allah nen akmutninakhe dogolik, akla apasikhe iti hagat, yi meke ti meke hano 'bogokhogon hagakharek iti hak, nit-nit nakmu-hakmurogon dogoagaluk 'bogokhogon hagatninabiogo iti o.