Ibrani 10:15 - ALLAH ANE WENW KET MEKE WAROGO WOKNINAKHIKHE WENE

¹⁵ At Allah Agoreke nen, wene iti hasik abok yoknisekhe dogolik, wene alebageik men isikhe,

Ibrani 10:15 ပူးပေါင်းရင်းမြစ်များ

Yohanes 1:15

Wene at ebe hasik Yohanes nen men yogeisasikhe, “An noporlik yabokane ap ageikhe wisigin, iluk abok yokhisekhe lagei etnogo, ebe yiat o. At yi yabokane an noporlik waga meke re, ebe an aban itaklagidek werek korlek, at alebat welagaikhe iti nen, an nebe erlok dek o. Kok he, arat o,” iluk, ane kokhogon yogeisasikhe.

Yohanes 15:26

Hit yomakhisekhe dogoagaluk Allah Agoreke ebe wene yogeisoagaluk wagarek meke iti, an nen nopase werekma nen hit hinoba la'i agunem, at nen an nabok pakhogon yokhisekhe dogogin o.

La'isasikhe 28:25

Itithogon hagakhukhasik, it-it inane inasokhotek tomok thagalik-thagalik kikil wasuogoluk hagakhunem nen, at Paulus nen wene opakiat ageikhe yi yogeisasikhe, “Wene Allah Agoreke nen ninopa lak Yesaya nen yogeisoagaluk yogokhikhemo, yogeisekhe lageikhe iti, mothogon yogeisasikhemo higi.

Ibrani 3:7

Iti nen he, Allah Agoreke nen men yoknisekherek, “O yogotak ya baga Allah ane hinasuk holhep halok he,

Ibrani 9:8

Itithogon hagakhe dogosak iluk wene inasuk warek welageikhe iti oba lisogon, nit hutukhogon hutduagaluk Allah Agoreke nen, men yakulnisekherek, “O kakok thukhamke iti werek korlek, Allah ekaerek ai ebe meke thu hualhidek larek welageikhe,” iluk yakulnisiliogo.

A'bikaka 19:10

Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.

A'bikaka 2:11

Nen, wene yogeisigi iti Allah Agoreke ne, Allah a'buri o yi ai ti ai natogokharek meke yakulisiliogoat iti, hinasuk holusak halok he, hanorogo holino o. Tha nen obatne asigin meke halok he, it aperek watlatluk yabokane motok-motok watlasugun iti, inom weagarinabigin dek o, iluk wene tha'bokhogonat yogeisigi meke iti holal waganogo inoba la'ino,” iluk yoknekhe.

A'bikaka 2:17

Nen, wene yogeisigi iti, Allah Agoreke nen it Allah a'buri o yi ai ti ai natogokharek meke yogeisiliogo iti, hinasuk holusak halok he, hanorogon holino o. Tha nen obatne asigin meke halok he, hipri etaga manna aburarek meke melagakhik, etaga ket meke thalogo helekit kut meke baga holal waganogo wogokhik, hagasigin o. Etaga waganek iti it aperek inokodek. At etaga holal waganek horlagein meke iti anek ilu asigin meke wogosigin, iluk tha'bokhogonat yogeisigi meke iti, holal waganogo inoba la'ino,” iluk yoknekhe.

A'bikaka 2:29

Allah Agoreke nen it Allah a'buri o yi ai ti ai natogokharek meke yogeisiliogo meke iti, hinasuk holusak halok he, hanorogon holino o, iluk yogeisigi meke iti, holal waganogo inoba la'ino,” iluk yoknekhe.

A'bikaka 2:7

Nen, wene igi meke iti, at Allah Agoreke nen Allah a'buri o yi ai ti ai natogokharek meke yogeisiliogo iti, hinasuk holusak halok he, hanorogo holino o. At tha nen obatne asigin halok he, Allah ayabumo o eken inilugurinakherek meke iti noagaluk melageisigin o, iluk wene tha'bokhogonat yogeisigi meke iti, holal waganogo inoba la'ino,” iluk yoknekhe.

A'bikaka 3:13

iluk igi meke iti, Allah Agoreke nen Allah a'buri o yi ai ti ai natogokharek meke yogeisiliogo meke iti, hit hinasuk holusak halok he, hanorogon holino o, iluk yogeisigi meke iti, wene holal waganogo inoba la'ino,” iluk yoknekhe.

A'bikaka 3:22

iluk wene igi meke iti Allah Agoreke nen Allah a'buri o yi ai ti ai natogokharek meke yogeisiliogo meke iti, hinasuk holusak halok he, hanorogon holino o, iluk yogeisigi meke iti, wene holal waganogo inoba la'ino,” iluk yoknekhe.

A'bikaka 3:6

iluk, igi meke iti, Allah Agoreke nen Allah a'buri o yi ai ti ai natogokharek meke yogeisiliogo meke iti, hinasuk holusak halok, hanorogon holino o, iluk yogeisigi meke iti, wene holal waganogo inoba la'ino,” iluk yoknekhe.