Filipi 4:9 - ALLAH ANE WENW KET MEKE WAROGO WOKNINAKHIKHE WENE

⁹ Wene an nen yokhisugunem hinasuk holhik, an hagakhunem hinileken niigik, hagakhe dogolik, wene waganhigisip nen yakulhigip meke etnogo mothogonat hagakhe dogono. Itithogon hagakhunem, Allah ninetaiken hapugutdinanherek meke etnogo nen hakhisik dogogin o.

Filipi 4:9 ပူးပေါင်းရင်းမြစ်များ

Matius 1:23

At iti nen, “Horlak ageikhe eak akma atluk, eak abat itasigin o. Itaklaga halok, nit ninane baga, Allah ninom welago, u hak, etaga Imanuel ekhe dogogun,” iluk holal waganogo 'bisikhe meke tak-tagat hagatlageikhe iti.

Matius 7:21

Itithogon yogeisasikhesik men yogeisasikhe, “Hit akhuni nen, an yoknekhe dogolik, Ninoe, ninoe, iluk ekhe lagap iti baga hinebe tha'bokhogonat, an nopase pogot oba meke apma 'bisekherekma etoma ukilugun dek. Pogot oba ukilugun iti re, it an nopase pogot oba meke akla apekherek meke mothogon hagariogei meke anegat ukilugun o.

Lukas 6:46

Itithogon yogeisasikhesik nen, ageikhe men yogeisasikhe, “Hit an nen yokhisekhe lagei meke hagakhidek dogoligat, Noe, noe, iluk nenaluk yoknekhe lagap.

Lukas 8:21

at Yesus nen, men yogeisasikhe, “An nagosa nagarumi iti, akhuni Allah ane inasuk holharethek nen, mothogon hagakharek meke itiat o,” iluk yogeisasikhe.

Yohanes 13:17

An nen wene yokhisigi iti hinilu atluk hagakhe dogogun halok he, hinakla arleken akhekhe dogogun o.

Yohanes 15:14

Nen, an nen, hinasuk warogo, Yigithogon hagatno, tigithogon hagatno, iluk yokhisekhe lagei meke iti, nane hologo hagakhe dogogun halok he, hit an nagarlak lagat o.

Yohanes 2:5

Itithogon yogokhikhe meke re, at agosa nen, at iteerek inatuaneke emenogo men yogeisasikhe, “At nen, Yigithogon hagatni, ekhe halok he, at igin meke itiat hagatno, nerugi,” iluk yogeisasikhe.

La'isasikhe 9:6

Hebe melatluk nen, o kota ithi lalok ukino. Ukisinem ap ageikhe nen, Hat itithogon hagatno, iluk yokhesigin meke werek o,” iluk yogokhunem,

Roma 15:33

Allah nen akhuni inetaiken hapugutdekherek meke etnogo, hit tha'bokhogonat hakhisik dogoagaluk, hagakhe dogolik, “Ebeat asuak,” u hak, “Amin,” iluk igi iti.

Roma 16:20

At Allah akhuni inetaiken hapugutdekherek meke etnogo nen, at Iblis iti hinisok nen al debelogo here'isoagaluk ibat hinapma 'bisigin werek o. Ninoe Etagapogot Yesus obabut hano etnogo nen thethisik dogoak o.

1 Korintus 10:31

an men yokhisak. Hipiri inom, i inom, nikik, yi meke ti meke hagakhik, itithogon tah'bokhogonat hagakhe dogolik, akhuni nen Allah hogorasuagalugat hagakhe dogono o.

1 Korintus 4:16

Iti nenat, “An nobabut waganini o,” iluk nane obatnerogon hinasuk wakhe lagei o.

2 Korintus 13:11

Nagarlak lak nerugi. Wene ilugun oba arat men yokhisak. Hinakla arleken akhigik, hinetaiken 'bogokhogon horletdakhigik hagakhe dogono. Wene hinasuk warik wagei iti, hinasuk hanorogo holino. Hinetaiken opakiat dogolik, hinom dapukhogon dogono. Itithogon hagakhe dogogun halok, Allah akhuni akmurinakhik, inom dapukhogon hano 'bisigik, hagakherek meke etnogo thethisik dogogin o.

Filipi 3:17

Nagarlak lak nerugi. Hit hinobabut an hagakhe lagei hak, nobabut waganogo, itithogonat hagakhe dogolik, it akhuni aperek nen nit ninobabut waganogo hagariogei meke iti, hinileken woginakhe dogono.

Filipi 4:7

Itithogon yogokhe dogogun halok, Kristus Yesus hinom hunik welagathep iti nen, at Allah nen akhuni nen hutdusak dek meke elalinat hinetaiken hapugutdinagagik, wene munini ebekhe lagap meke iti, at nenat thebelogo hakhisik dogogin o.

1 Tesalonika 1:6

Hit yi aik ti aik hagathinakho korlegat, hinakla arleken akhekhe dogoagaluk Allah Agoreke nen hinakla kagalhikhemo, hinakla arleken akhekhe dogolik, hano wene waganhigisip nen, nit ninobabut waganhik, ninoe Etagapogot obabut waganhik, hagakhigip iti o.

1 Tesalonika 2:14

Nagarlak lak nerugi. It Allah a'buri aperek Kristus Yesus inom hunik dogolik, o Yudea etoma natogorliogei meke, inekaerek inagarlak lak Yahudi meke nenat, yi aik ti aik hagarinakhe lagoukha hagat, hit hinagarlak lak meke nenat yi aik ti aik hagathinabiogei o.

1 Tesalonika 5:23

Itithogon werekma, at Alah ninetaiken hapugutdinanherek meke etnogo nen, hinebe abisakeat ekaerek hasik 'bakhalok dogoak o. Werekma, ninoe Etagapogot ebe wagunem, hinetaiken inom, hinebe inom, hinobabut inom, wene hinoba 'busak motok dek karelek werekma wisuak nen, at nenat hakhisik dogoak o.

2 Tesalonika 3:4

Hakhisik werekma, nit ninakla nen he, “It nen, nit nen it inasuk wakhe lagagu meke etnogo, yogotak mothogon hagakhik, yabokane itithogon hagakhik, hagakhe dogogun o,” iluk ninoe Etagapogot ninom hunik dogolik eberogonat apekhe lago.

2 Timotius 4:22

Ninoe Etagapogot hetaikenma thekharik dogolik he, at obabut hano etnogo nen, hinebe tha'bokhogonat hakhisik dogoak o.

Yakobus 1:22

Wene Allah ane iti hinasuk anek holiluk huk asumo nen, hinekaerek nen nukhetdakhagun iti nen, hinasuk holiluk, hutukhogon hagakhe dogono o.

2 Petrus 1:10

Iti nen, nagarlak lak nerugi. Hinebe Allah nen wenakhinakhikhesik hinayoko 'bisikhe iti, eberogonat hagatlasuagaluk, hit nen hinobatnerogo hagakhe dogono. Itithogon hagakhe dogogun halok, hinetaiken Allah baga hakotdiluk welagap meke here'isalok dukhugun dek o.

1 Yohanes 3:22

at nen wene ninasuk wakhikhe wene mothogon hagakhik, at ilhanem akla hanorogon anek hagakhik, hagakhe lago iti nen, nit yi meke ti meke kino yogokhunem, at nen woknisiliogo.