Filipi 4:6 - ALLAH ANE WENW KET MEKE WAROGO WOKNINAKHIKHE WENE

⁶ Yi meke ti meke hasik wene munini uan 'bero ebekhidek, tha'bokhogonat hasik Allah ayoko 'bekhe dogolik heagei warogo kino yogokhe dogono.

Filipi 4:6 ပူးပေါင်းရင်းမြစ်များ

Matius 10:19

Itithogon hinitema waganuagaluk wokhisik lageikha halok he, hit nen oko yogeisagun meke itinem Allah Agoreke nenat hinakla kagalhe dogogin. Halok he, oko nikithogon yogeisagun iluk hinelabut hikhup o.

Matius 13:22

Nen, ai hilik ageikhe okama arlok weakma usa'isikhe meke iti ebe, it akhuni aperek Allah ane iti inasuk holharethek nenat he, inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat negen dogolep e, iluk inakla ebekhe dogolik, inekaerek nen nukhetdakhigik, hagakharek iti nen, wene iti erlo keken atluk nen, eken ikherek dek itiat o.

Matius 6:34

Halok he, hit nen, hubuluke hasik hinelabet hisogo wene munini uan 'bero ebekhup o. Yogotak weak ariogo meke werek korlegat he, hubuluke weak asigin meke ebesusak dek o,” iluk yogeisasikhe.

Matius 6:8

Hit nen, it inobabut waganhup o. Hinopase pogot oba meke iti aban kino yogokhidek werek korlek, hit warlok meke iti, at Allah haganeat ilu welagarek o.

Lukas 10:41

at Yesus nen, men yogokhikhe, “Marta, Marta. Hat nen, yi meke ti meke hasik helabut hisogo thet weak hagakhe lagan higi.

Lukas 12:22

Itithogon yogeisalok, at agarumi ane waganhe lagoukha meke emenogo men yogeisasikhe, “An nen itithogon yokhisigi iti nen, hit hinakla nen, Niniluk dogouogoluk he, ninapiri ki meke nugun. Ninasu ki meke ikhe dogogun, iluk, hinelabut hisikhogon wene munini uan 'bero ebekhe dogunogo iluk yokhisigi o.

Lukas 12:29

Hinakla nen he, Ninapiri men, ninagei men, ki meke nugun iluk, iti mekeat kogotdiluk hinelabut hisik dogogup o.

Lukas 18:1

Itithogon yogeisasikhesik nen, at Yesus agarumi ane waganhe lagoukha meke emenogo sembayan ekhe dogoluk nen inakla puk atluk here'igidek, hunik-hunigat ekhe dogoagaluk, wene ageikhe oba lisogon men yogeisasikhe,

Lukas 18:7

Iti hakene, at Allah nen a'buri wenago 'bisasikhe meke nen dikene hibako inane obatnerogon ayoko 'bisi halok, inirlirli woginabigin dek nogo? Inane konhe dogoluk nen, yabokane halok inirlirli woginabigin nogo?

1 Korintus 7:21

Hat ageikhe, akhuni inatuaneke werekma Allah nen hayoko bisikhe halok, “An itithogon welagei meke,” iluk, iti hasik wene munini ebekhun o. Yabokane, hasokne 'baguogoluk halok he, “Na'it,” ugun. “It hano,” iluk hasokneat atno.

1 Korintus 7:32

Hit he, humi hasik, ap hasik, hinakla wene munini ebekhidek dogobageik nen iluk yokhisigi o. Itithogon igi iti, ap inagugi dek meke nen, ninoe Etagapogot akla hano asuagaluk at kogotdiluk inakla ebekharek o.

Efesus 5:20

Hibiku-yogokuat yi meke ti meke tha'bokhogonat hasik, ninoe Etagapogot Yesus Kristus etaga palogo, ninopase Allah heagei wakhe dogono o.

Efesus 6:18

Itithogon tha'bokhogonat hagakhe dogolik, Allah nen yomakhisoagaluk sembayan ekhe dogono. At Agoreke hinakla dogolik hinakla kagaligin hagat, hibiku-yogoku sembayan Allah ayoko 'bigik, kino yogokhik, isi motogat dogono. Itithogon ekhe dogolik, hinakla puk ageidek, hinobabut hebelek motok dogono. Itithogon dogolik, Allah a'buri tha'bokhogonat inobasik sembayan Allah ayoko 'bekhe dogonoat o.

Kolose 3:15

At Allah nen Kristus ebe opakiat meke hinom dapukhogon hunik dogobageik iluk hinayoko 'bisikhe iti nen, yi meke ti meke hagasuogoluk, hinakla nen, “Kristus nen ninom dapukhogon 'binanhikhemo welago,” iluk, wene itiat kogotdekhe dogolik, mothogon hagakhe dogono. Itithogon hagakhe dogolik, Allah ebe heagei wakhe dogono.

Kolose 3:17

“Ninopase Allah nen woknisekherek iti, ebe Yesus nenat woknisekherek o,” iluk, Allah heagei wakhe dogolik, “Ninoe Etagapogot Yesus apma dogolik, hagakhe lago,” iluk, yi meke ti meke tha'bokhogonat hagasuogoluk, hinane yi meke ti meke hasik uogoluk, at Yesus etaga palogo hagakhe dogono o.

Kolose 4:2

Sembayan Allah heagei wakhe dogoligat, hina'it ageidek hunik-hunigat ekhe dogolik, hinobabut hebelogo dogono.

1 Timotius 2:1

An nen wene ageikhe kok meke yi Allah a'buri inasuk watnogoluk yokhisik o. Nit akhuni ninom hano liokhogon dogolik nen, Allah hogorakhe dogolik, akhuni inobasik mothogon hagakhe dogosak meke hagakhe dogouok nen he, akhuni tha'bokhogonat hasik inom, koktek inetagapogot inobasik inom, it aperek inetaga werek dogolik haknisik welageikharek meke iti, inebe tha'bokhogonat inobasik inom, sembayan ekhe dogolik, Allah ayoko 'bigik, kino yogokhik, heagei wakhik, hagakhe dogoagaluk inasuk wakhe dogono o.

1 Timotius 5:5

Meke re, humi thoge eberogonat akhuni erlo it meke dekma inarligat dogolik, “Allah nenat yomaknisagein,” iluk, inetaiken at oba hakotdiluk, dikene hibakone ayoko 'bigik, kino yogokhik, hagakho motok welageikharek.

1 Petrus 4:7

Yi meke ti meke tha'bokhogonat ilugun oba hagatlasigin meke horogat asi aga iluk, sembayan ekhe dogouogoluk, hinetaiken thebekhogon dogolik, hinobabut hebelogo dogono.

1 Petrus 5:7

Allah hinebe akmu iti nen, hit yi meke ti meke hasik hinakla wene munini uan 'bero ebekhe lagap iti here'isalok hinetaiken at oba hakotdiluk dogono o.