Filipi 4:20 - ALLAH ANE WENW KET MEKE WAROGO WOKNINAKHIKHE WENE

²⁰ Halok he, ninopase Allah hogorakho motok dogouok o, iluk “Amin,” igi iti.

Filipi 4:20 ပူးပေါင်းရင်းမြစ်များ

Matius 6:9

Halok he, sembayan ekhe dogolik, yigithogon ekhe dogono, Ninopase pogot oba meke hekaerek hetaga kogotdekhe dogoagaluk, hagatninabi me o. Ninebe hapma dogoagaluk 'binani me o. It pogot oba hat hakla apegetek meke hagakharek hak, nit agat oba itithogonat hagakhe dogoagaluk, hagatninabi me o.

Roma 11:36

Erlo baga, yi meke ti meke tha'bokhogonat, at Allah nenat walhasikhemo, at iki baga welagarek. Dogoluk nen, ilugun oba, at nenat hagasigin. Halok he, at anek hogorakho motok dogouok o, iluk igi iti, ebeat asuak u hak, Amin, igi iti.

Roma 16:27

At Allah arligat akla motok kagalek welagarek o. At Yesus Kristus hagakhikhe hasik Allah hogorakho motok dogouok o, iluk, “Ebeat asuak,” iluk u hak, “Amin,” igi iti.

Efesus 3:21

Nit Allah a'buri natogokhorek meke tha'bokhogonat Kristus Yesus ninom hunik dogolik inebe aperek yabokane meke ket itaklarik laga korlek, Allah eberogonat hogorakho motok dogouok, iluk, “Amin,” igi iti o.

Filipi 1:11

Yi meke ti meke ai yakhunem erlo kok atluk eken ikherek hak, at Yesus Kristus nen hagathinakhe dogogin oba, hinobabut mothogon hagakho motok aperek inomat obarluk hagakhe dogogun halok, at ebe wagunem, akhuni aperek nen Allah heagei wakhik, hogorakhik, hagasugun o.

Filipi 4:23

Halok he, nagarlak lak nerugi. Ninoe Etagapogot Yesus Kristus obabut hano meke etnogo nen hinetaikenma dogolik thethisik dogoak o.

1 Timotius 1:17

Ninopase kok Etagapogot Allah iti arligat o. At ebe ninileken hogorek dek. Kok ikhok motok welagarek meke itiat o, iluk, hogorakhik, heagei wakhik, hagakho motok dogouok o, iluk, “Amin,” igi iti o.

Yudas 1:25

Ninopase Allah arligat nen ninoe Etagapogot Yesus Kristus hagakhikhe iti baga tilninakhikhe meke etnogo iteerek obatneak o, iluk, at hogorakhik, kogotdigik, hagakhe dogouok nen, erlo baga yi meke ti meke walhigidekma Allah arligat welageikhe iti baga nen, yogotak ya nen, yabokane motok dogolik nen, itithogon hogorakho motok dogoak, iluk, “Amin,” igi iti.

A'bikaka 1:6

Itithogon hisalninakhikhesik nen, nit at opase hasik hagakhe dogoagaluk, ninebe koktek Allah iteerek meldinanhikhemo welago. Itithogon meldinanhikhemo dogolik, ninakla nen he, “At Yesus Kristus iti, obatne apik werek,” iluk nit at ebe hogorakho motok motok dogouok o, iluk, u hak, “Amin,” igi iti o.

A'bikaka 11:13

Etanem, dugul kok inayuk meke ageikhe luk-lagathekhe dogolik, o kota iti ebe 10 baga mikirlogo 'biluk, kokmake here'ekhe dogolik, opakiat ageikhe motok misak dapukhogon 'bekhe dogolik, akhuni inebe 7.000 baga inakhunem, it ebetlake inakhidek meke inayuk motok kogat atluk, it nen, “Allah pogot oba meke nayuk,” iluk hogorakhunem hisigi o.

A'bikaka 14:7

Itithogon hitluk nekhe dogolik, ane kokhogon men ekhe laga, “Ninopase Allah nen ukum inoba 'bigik, kokhik, hagasigin etnogo, arat hakok i aga iti nen he, Allah pogot inom, agat inom, i laut yekelek inom, i elesi agei tha'bokhogonat inom, walhasikhe meke etnogo hinayukhogon dogolik, hinetaiken at oba hakotdiluk hogorakhe dogono o,” iluk ekhe laga lakhigi.

A'bikaka 7:12

Itithogon hogorakhe dogolik, men ekhe lageikha, “Ebeat asuak u hak, Amin, u a e, Ninopase Allah harligat kok, u a e, Yi wene ti wene hilu motok dogolik, u a e, Hat hobatne baga haknisik welaganma, u a e, Heagei wathakhik, hogothakhik, u a e, Halon halhik, kogotdageigik, u a e, Hagakho motok dogogun iti, u a e, Ebeat asuak u hak, Amin, u a e,” iluk ekhe lageikha hisigi.