Filipi 4:19 - ALLAH ANE WENW KET MEKE WAROGO WOKNINAKHIKHE WENE

¹⁹ Nen, hit yi meke ti meke hinerlageik werekma, an nopase Allah hogorakherek meke Kristus Yesus ipisak hunik dogolik inilmo horleak nen hogorakharek meke etnogo nen, wokhisugunem hinilmo horleak asugunat o.

Filipi 4:19 ပူးပေါင်းရင်းမြစ်များ

Matius 6:32

Itithogon hagakharek iti tha'bokhogonat, it akhuni itikmanke meke nen iti meke kogotdiluk herarik nekharek mekeat he, hit yi anek he, yi meke ti meke dek nen hinerlageik negen welagap iti, at hinopase Allah pogot oba meke iluk welagarek o.

Yohanes 20:17

Itithogon heagei wakhikhemo, at Yesus nen, men yogokhikhe, “An nebe nopase oba aban dageigidek welagei iti re, hiki abiak haknarik dogogun o. An men, hit men, ninopase Allah oba hakotdiluk welagorek meke etnogo oba dageigiluk hagakhe lagei, ekhe iluk nagarumi yogeisa lan o,” iluk yogokhikhemo,

Yohanes 20:27

yabokane at Tomas men yogokhikhe, “Hat hakla nen eberogonat iluk hetaiken noba hakotdigidek welagan itithogon dogogun o. Eberogonat iluk hakla apanok nen he, hiki haknealok, niki baga hileken niigik, nabelekenma thege elo hiki kola'igik, hagatluk nen, hetaiken noba hakotdino o,” iluk yogokhikhe.

Roma 1:8

Nagarlak lak nerugi. Wene ebe yokhisak nen, alebageik yi tak yokhisak. Akhuni o yi ai ti ai eloma nen, hit tha'bokhogonat hinabok hano ekhe dogolik, “It akhuni o Roma meke inetaiken Yesus oba hakotdiluk welageikharek o,” iluk egarek iti nen, Yesus Kristus oba, “Nopase Allah,” iluk heagei wakhe lagei.

Roma 11:33

At Allah meke kokhogon woknisigik, akla motok kagalek welageik, wene motok ilu welageik, hagakherek iti nayuk o. At nen wene ilukun wakherek meke, nit akhuni ninilu asusak a? At nen yi meke ti meke hagakherek meke, nit nen hutdusak a?

Roma 2:4

“At Allah obabut hano motok, enago,” iluk, hinakla meanetdekhe lagap a? Hit hinakla nen, “Allah obabut hano nen nit weak hagakhe lago meke here'isalok ninobabut hebelasuagaluk, ninakla kagalherek,” iluk hinokodek a? Hiniluat o.

Roma 8:18

Nit o yogotak welago ya baga re, yi aik ti aik hekhe lago iti, herlekha'bugat negen. Meke re, yabokane, Allah nen ninebe ninat meke hagatninakhunem hogotninabugun iti anek he, kogat o. Halok he, ipisak walhaumo ipisak tak-tak dek, nakla apekhe lagei o.

Roma 9:23

It iti hasik itithogon obakhanini hapugutdiluk dogolik, nit ninobasik men apiliogo, “It nakmu meke hanorinabigiluk ebekeram walinakhigi iti, hano motok hagarinabigin meke inilu asuak o,” iluk apekherek.

2 Korintus 12:21

Itithogon hagakhunem, an wagunem, nopase Allah nen hit hinobabut hagakhe lagap iti hasik hit hinil oba nekarli warogo thebetdanusak iti nayuk. It akhuni hit meke aperek doalegat nen humi inaguni werek meke, ap inagugi werek meke nen param ha'isigik, horlak tharlisik meke, elege nen ha'isigik, inekarli dek weak motok hagakhik, o haganeat nen hagakharek meke here'isalok inobabut hebelageidek motok welageikharek iti hasik, de asisunogo iluk nelabut hisik welagei o.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

Efesus 1:18

At nenat hinakla liathinakhunem, hit nen he, “Ninayoko 'bisikhe meke etnogo nen yabokane hanotninabigin,” iluk, hinakla arlekenhogon oba eberek welagap meke etnogo hinilu ageik, yi meke ti meke hano meke hogorakho motok dogogun meke at a'buri woknisagaluk kokhogon hulogo 'binanhikhe meke iti, hinilu ageik,

Efesus 1:7

Itithogon woknisasikhemo, ebe amep ulabogo wakhukha iti baga, ninoko palogo tilninakhik, nit weak hagakhe lagagu meke degetdisigik, hagakhikhe iti o. At Allah akla kagalek dogolik ninebe hutdinanhikhesik, obabut motok hano etnogo nen, ninebe kokhogon akmutninakhikhe iti o.

Efesus 2:7

At Allah itithogon hagakhikhe iti, o yabokane dogogun iti baga dogolik akhuni nen, “Allah obabut hano motok nen akmutninakhikhe,” iluk ekagat hutdekhe dogoagaluk tilninakhikhe iti, ebe Kristus Yesus oba nenat tilninakhikhe.

Efesus 3:16

At Allah yi meke ti meke ilmo motok horleak iluk u hak, hogorakho welageikharek etnogo nen, Agoreke oba hinobatnerogon hinetaiken horlethinabuagaluk ayoko 'bekhe lageiat o.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

Filipi 4:7

Itithogon yogokhe dogogun halok, Kristus Yesus hinom hunik welagathep iti nen, at Allah nen akhuni nen hutdusak dek meke elalinat hinetaiken hapugutdinagagik, wene munini ebekhe lagap meke iti, at nenat thebelogo hakhisik dogogin o.

Kolose 1:27

At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

Kolose 3:16

Akhuni inameke doalegat meke inikierek welageikharek hak, hit nen, Kristus ane itiat hinetaikenma obatnerogon 'biluk dogolik, hinakla kagalogoat, hit-hit wene hinasuk wat-wat hagakhe dogolik, wene hit nen yakulisigik, it nen yakulhisigik, hagakhe dogono. Yakulisekhe dogolik, Allah hasi etai Mazmur meke wakhik, etai Allah hogorakharek meke wakhik, Allah Agoreke nen hinakla kagalhunem, etai ket kagalogo wakhik, hagakhe dogolik, hinetaikenma nen Allah heagei wakhe dogono.

1 Timotius 6:17

Yi meke ti meke tha'bokhogonat dek asigin mekeat he, it ap koktek inetaga werek meke iti inakla nen hogorakeke dogolik, “Nameke agat oba meke yoma motok doalegat yi nen nebe hano dogogin,” iluk, apekhe dogunogo. At he, at Allah yi meke ti meke tha'bokhogonat ninakla arlekenhogon horlekhe dogoagaluk kokhogon woknisekherek etnogo nenat hanotninabigin iluk hutdekhe dogoak nen inasuk wakhe dogono.

Filemon 1:4

Hat hetaiken ninoe Etagapogot Yesus oba hakotdiluk, Allah a'buri aperek tha'bokhogonat hakmurinakhetek iti habok nasuk holhirik nen, sembayan hibiku-yogoku ekhe dogolik, hat hetaga iluk nopase Allah heagei wakhe lagei o.

1 Petrus 5:1

Hit Allah a'buri therisik welagathep iti hak, an itithogonat therisik welagarek meke nen hinasuk ageikhe wasik. At Kristus oba yi aik ti aik hilik hilik watlageikhe iti, an nileken hasigi. Nen, yabokane Allah nen ebe winamhogo la'isigin iti wagunem, akhuni nen hogorasugun iti, an ninom hogotninabugunat o. An nane liokhogon hinasuk wasik.

1 Petrus 5:10

Werekma, at Allah ebe hogorakho motok dogogun iti hak, hit Kristus hinom hunik werekma hinomat hogothinakho dogoagaluk hinayoko 'bisikhemo, yogotak ya herlekha'bugat anek hinoba yi aik ti aik hekhe dogoluk, yabokane, at obabut hano motok etnogo nen, hinetaiken aban meke thirliphogon hagathinakhik, hinetaiken horlethinakhik, hinobatnethinakhik, hapuguthinakhik, hagasigin o.