Filipi 4:18 - ALLAH ANE WENW KET MEKE WAROGO WOKNINAKHIKHE WENE

¹⁸ Yogotakne, hit nen yomakneegepma, horligirik, an tha'bokhogonat warlok apekhe lagei meke erlok agasik ato titu agaat. Ap Epafroditus oba 'begepma woknisi agama nen, nameke werek aga o. Hit nen an yomakneegep iti, domba Allah hasik warogo hetu hunekhe dogolik obasi hano meke liakhunem, at akla hano agarek hak, itithogon yomakneegepma, at Allah akla hano aga o.

Filipi 4:18 ပူးပေါင်းရင်းမြစ်များ

La'isasikhe 10:4

Ane hakhasinem, at Kornelius ileken at oba tek-tek 'birogo dogolik, ayuk ageikhesik nen, “I, noe. Nenaluk,” iluk isikhemo, at nen he, “Dek o. Hat sembayan igik, akhuni inameke dek meke yomageisigik, hagakhe lagan iti nen, Allah ilu agasik hoba eberek werek o.

Roma 12:1

Nagarlak lak nerugi. At Allah ninebe akmu iluk wene ageikhe hinakla kagalik. Allah ako warekhe lagoukha hak, hinebe hiniluk mekeat, at ekaerek hasik 'bisalok, at akla hanorogo wogokhe dogono o. At apma dogolik, at hasik hagasusak meke itithogonat hagakhe dogono o.

2 Korintus 11:8

An nen hit yomakhisekhe lagei iti hasik, niki oko negen, it Allah a'buri o nekalokma nen woknikhunem waganhe lagei o. Itithogon waganhe lagei iti baga it akhuni aperek nen, “At Paulus nen it akhuni o Korintus meke yomageisagaluk, oko it aperek meke iki abusak negen waganiogo,” iluk yoknisusagat o.

2 Korintus 9:12

Hit akhuni hinakmu nen yomageisagun iti baga, Allah a'buri inikimo dek meke anek erlogat waganhe dogogun 'buk. Titu asu hak, akhuni doalegat nen Allah heagei kokhogon wakhe dogogunat o.

Efesus 5:2

Akhuni nen yi meke ti meke Allah hasik 'bisalok, ebe warogo hetu hunekhunem, Allah akla hanorogo obasi hano meke liagakhe lagoukha iti hak, at Kristus nit ninebe akmutninakhikhesik nen, “It inobasik an nebe nasuak o,” iluk apasikhe baga ebe wakhukha iti baga Allah akla hano ageikhe iti hak, nit-nit nakmu-hakmurogo hagakhe dogouok o.

Filipi 4:12

An he, inerlageik welageikharek iti niluat, inameke doalegat welageikharek iti niluat. Hipiri abu baga inom, na'itmo inom, yi meke ti meke doalegat werekma, dekma, iti an walhasigisikmo nogo nen tha'bokhogonat hano anek apegerek o.

2 Tesalonika 1:3

Nagarlak lak nerugi. Hit hinetaiken Kristus oba hakotdiluk welagathep meke iti, ageikhe inom kokhogon hakotdigik, hit-hit hinebe dopok nakmu-hakmurogon hagakhethep meke iti, ageikhe inom kokhogonat hinakmurinakhik, hagakhe lagap iti nen, nit nen hit hinobasik Allah hogorasusak mekeat hogorakho motok welago.

Ibrani 13:16

Itithogon ekhe dogolik, akhuni aperek hano hagarinakhik, yomageisigik, hagakhe dogouok. Itithogon hagakhe dogosak iti, Allah akla hanorogo kambing sapi warekhe dogou hagatma, obarlikmatdusak motok dek o.

1 Petrus 2:5

Itithogon 'bisikhemo, hit hinebe helekit iluk welagarek iti meke hakene dogolik, at oba wetno o. At oba wagunem, Allah nen at ekaerek ai halogo 'binaguak. At ai halekma, hinebe Allah iteerek Yesus Kristus hinom hunik dogolik, Allah akla hanorogo ako warekhe dogou hak, hinetaiken wogokhe dogono o.