Filipi 4:15 - ALLAH ANE WENW KET MEKE WAROGO WOKNINAKHIKHE WENE

¹⁵ Hit Allah a'buri o Filipi meke nagarlak lak nerugi. Ebekeram, an hano wene yogeisilik nekhe dogeigiluk, o Makedonia nen wagunem, Allah a'buri o hetlake nen yomakneekhe lagoukha degat meke re, hit anek ninom hunik dogolik, yomakneugunem horlekhe lagagi iti hiniluat o.

Filipi 4:15 ပူးပေါင်းရင်းမြစ်များ

La'isasikhe 16:40

Itithogon yogeisasukhama, o iniki herle warogo 'bisegarekma etoma nen, he Lidia aila lagoukha. Lagoukhasik, Allah a'buri meke inom abuk agoukhasik nen, inetaiken ago watdiluk wagoukha.

Filipi 1:12

Nagarlak lak nerugi. Wene yi hinilurogon yokhisak. An yigithogon hagatnakha yi baga, hano wene dek ageidek kogat arik liliogo.

Filipi 1:16

“At Allah nen Paulus ayoko 'bekhe dogolik, Akhuni nen hano wene iti eberogonat iluk apoagaluk pakhogon yogeisekhe dogono, iluk ayoko 'bisikhemo hekhe lago,” iluk, ekagat hutdaniluk nebe inakmu nen wene at Kristus hasik yogeisiliogei iti.

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

Filipi 2:12

Nagarlak lak nerugi. Hinebe nakmu o. An ninom dogolik, nane hibiku-yogoku isinem hologo hagakhe lagagip iti hagat, an yogotak nebe walegat werek korlek, nane itiat kogotdiluk nen, hologo motok hagakhe dogono. At Allah nen, hit nen hagakhe dogobageik iluk, hinakla kagalogo hagathinakhunem, hit hinakla nen, “I, nit itithogon hagakhe dogou warlok,” iluk apalok, Allah akla warlok meke hagakhe lagap iti nen, at ebe hinayukhogon hinoageleke dik-dik hagakhe dogolik, “At nen tilninabigin,” iluk iti hasigat hagakho motok dogono.