Filipi 3:5 - ALLAH ANE WENW KET MEKE WAROGO WOKNINAKHIKHE WENE

⁵ An nebe itaklagagimo iniki 7 hari welagoukhasik nen, iniki ageikhe baga noado aperlagap meke palnakhukha iti o. Nebe Israel meke, nukuloak etaga Benyamin mekeat, nagosa nopase Israel meke nogo nen, nebe Ibrani ebe Ibrani mekeat itaklagagi iti o. Wene Allah nen ninasuk wakhikhe meke etnogo hasik, ap Farisi meke nen herogo welageikharek hak, nobatnerogonat herogo welagagi meke.

Filipi 3:5 ပူးပေါင်းရင်းမြစ်များ

Lukas 1:59

Inakla arleken akhasukhasik, elege iti itaklageikhesik oba nen iniki 7 baga welagoukhasik nen hubuluke, elege etnogo oado aperlagap paluagaluk wolok wagoukha. Wagoukhasik nen, Elege yi opase etaga tak-tagat etaga Zakharia thaluok, iluk isukha meke,

Lukas 2:21

Itithogon wagoukhama welagoukhasik nen, iniki 7 baga noge iluk hubuluke, elege etnogo oado aperlagap palusak obaat palhukhasik nen, ebe aban agosa akla ageidek werek korlek malaikat nen isukha tak-tagat, etaga Yesus thalhukha.

Lukas 5:38

Halok he, anggur eken apusu ket meke halok he, isoak ket mekeat akla henasusak o.

La'isasikhe 22:3

“An he, ap Yahudi meke, nebe o propinsi Kilikia o kota Tarsus itaklagagi meke re, o Yerusalem yoma nen kogotnakhukhama narlue agagi. Narlue agagimo, ap kok Gamaliel nen wene Allah nen ninopa lak inasuk wakhikhe meke etnogo hutukhogon yakulnekhe lageikhe. Yakulnukhunem, an nen hit yogotak Allah hasik hinbatnerogon hagakhe lagap iti hagat, hagakhe lagagi.

La'isasikhe 23:6

Yabokane at Paulus nen, it ap Allah hasik wene erlo pilinekhe lagoukha meke emenogo inebe ebetlake Saduki meke inane waganhe lagoukha meke, nen, ebetlake Farisi meke inane waganhe lagoukha meke, werekma ileken ekagat hugdisalok nen, ane kokhogonat men yogeisasikhe, “Ap yirani. Nougi nagarumi. An nebe Farisi meke. Nopase lak Farisi meke nenat itago meke welagei. Dogolik akhuni watlageikharek meke yabokane Allah nen eberogonat inilugurinabigin iluk hutdekhe lagei iti nen ukum noba 'begama yi,” iluk yogeisasikhe.

La'isasikhe 6:1

Itinem, akhuni Yesus ane waganhukha meke inebe doalegat hagatlagoukhama, it akhuni inebe Yahudi mekeat he, inane Yunani meke nen, men isukha, “Akhuni yi meke ti meke hibiku-yogokuat supurisekhe dogolik, humi thoge nit meke halok kolelogo thogotdisiliogei iti nenaluk,” iluk, it Yahudi inaierek meke inom wene yakhe lagoukha.

Roma 11:1

An nen wene ageikhe hinok waganik. An nebe re, Israel meke Abraham nen itago meke nukuloak etaga Benyamin meke welagei iti nen, at Allah nen a'buri Israel meke iti motok here'isasikhe apegep? Motok dek o.

2 Korintus 11:22

It iti inebe Ibrani meke hak, an meneke, nebe Ibrani mekeat o. It inebe Israel meke hak, an meneke, nebe Israel mekeat o. It inebe inopase Abraham nen itago meke hak, an meneke, nebe nopase Abraham nen itago mekeat o.