Filipi 3:20 - ALLAH ANE WENW KET MEKE WAROGO WOKNINAKHIKHE WENE

²⁰ Itithogon meke re, nit ninai erlo pogot oba werek o. Ninai erloma etoma nen, ninoe Etagapogot Yesus Kristus yabokane tilninabisigin iti therogo welago.

Filipi 3:20 ပူးပေါင်းရင်းမြစ်များ

Matius 19:21

at Yesus nen, “Hat hebe hano motok asigiluk halok, yoma nen lalok hameke yi meke ti meke etoma tha'bokhogonat it aperek inoba oko pali lano. Oko palogo wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok, an noporlik nekhe dogonok nen, wetno,” iluk yogokhikhe.

Lukas 12:21

Iti hak he, it akhuni Allah il oba ebeat meke waganhidek dogolik, it inekaerek meke anek natogorlogo 'bakhiliogei iti, iti ipisak tak-tak o,” iluk yogeisasikhe.

Lukas 14:14

Itithogon inayoko 'bekhe dogoumo, it nen hat hayoko 'busak dek iti nenat, hat hakla arleken kogat akhagein o. It iti nen oko wokhesusak dekma iti, akhuni inetaiken mot meke watlatlukmo, Allah nen inilugurinabigin itinem, hat hagakhe dogogin meke oko, at Allah nenat wokhesigin o,” iluk yogeisasikhe.

La'isasikhe 1:11

Melasi usa'agoukhasik nen, men yogeisasukha, “Hit akhuni o Galilea meke yirani. Hinileken pogot oba liageik welagap iti nenaluk. At Yesus hit yoma 'binageiluk pogot oba wolok dageisinem hinileken werek korlegat, pogot oba dageikhe iti hak, yabokane ebe itithogonat usa'isigin o,” iluk yogeisasukha.

1 Korintus 1:7

Hinetaiken itithogon horletdiluk, ninoe Etagapogot Yesus Kristus thelekmaat wisigin iluk, therogo dogolik Allah nen woknisekherek meke iti, ageikhe aban waganhidek welagap 'buk. Tha'bokhogonat waganhigisip welagap o.

1 Korintus 15:48

It akhuni aperek inebe agat oba meke ageikha meke inebe, at Allah nen ebekeram Adam ebe agat abubuleke meke baga winametdisikhe meke iti hakeneat werek o. Meke re, it aperek inebe pogot oba meke ageikha meke inebe, at yabokane pogot oba nen wageikhe meke iti hakeneat werek o.

2 Korintus 4:18

Nit he, yi meke ti meke ninileken hogorek meke iti dek asigin meke re, ninileken hogorek dek meke iti ikhok motok dogogin iti nen, ninileken hogorek meke iti hasik ninaporoak thebe iluk hagakhidek, ninileken hogorek dek meke iti hasik ninaporoak thebe iluk yabu hagakhe lago o.

2 Korintus 5:8

Iti nenat ninakla the welago. Ninoado yi nokorlogo here'isalok, ninoe Etagapogot werekma ukiluk ninom dogou warlok o, apekhe lago.

Galatia 4:26

Meke re, he ekaerek age ebe meke hakene, o Yerusalem pogot oba meke iti, nit ninagosaat o.

Efesus 2:19

Itithogon wageikhe iti baga, hit hinebe itikmanke ninat meke, ap huso meke hakene welagagip etnogo, yogotak itithogon dek ageikhemo, hinebe Allah a'buri agagisip, it hinom, at Allah aila etoma hinaieregat agagisip welagap o.

Efesus 2:6

Ninilugutdinanhikhemo, nit Kristus Yesus ninom hunik werekma, yabokane at ninom pogot oba kok dogolik it aperek ninapma hagasik dogoagaluk ninom meldinanhikhe iti.

Filipi 1:10

Hit itithogon hutdiluk hagakhe dogogun halok, hinakla nen he, “Yi hano. Hagasusak meke,” igik, “Iti weak. Hagasusak dek meke,” igik, hutdekhe dogogun iti. Itithogon hagasugun halok, Kristus wisigin itinem, wene hinoba degat, hano karelek motok werekma wisigin iti o.

Filipi 1:27

Wene hano wene Kristus nen hagakhikhe wene etnogo baga, “Yigithogon hagakhe dogono, tigithogon hagakhe dogono,” iluk yokhisegarek mekeat hagakhe dogono. Itithogon hagakhe dogolik, hinebe opakiat dapukhogon hagakhe dogoumo, it akhuni aperek nen hinabok ekhe dogolik, “It inobabut hano wene yogeisugunem holiogei tak-tagat inetaiken Allah oba hakotdiluk obatnerogon metek werek o,” iluk, an nebe walegat werekma yoknisugun a? Hinoba witluk nileken hisagein a. Wene hano wene yokhisogorek hak, hinetaiken opakiat hinom dapukhogon dogolik, wim yakhe dogolik obatnerogon yakharek hak, wene iti hasik hinobatnerogon hagakhe dogono.

1 Tesalonika 4:16

Ninoe Etagapogot pogot oba nen usa'agunem, it malaikat meke inoe kok meke ane kokhogon igik, Allah apikon ane huthasinem ane kokhogon igik, isinem, akhuni Kristus inom hunik dogolik watlagoukha meke tak inilugurinabigin o.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

Titus 2:13

Nit yogotak he, Yesus Kristus ebe Allah Etagapogot mekeat, tilninakhikhe meke etnogo akhuni nen hogorakhe korlek, thelekma hanotninabi isigin iti hasik, ninakla arleken akhekhe dogolik ebe therogo welago.

Ibrani 12:22

It iti hakene meke baga wagoukha mekeat, hit anek he, tom Sion Allah iluk welagarek meke ai o kota yerusalem pogot oba meke baga wagap iti. Etoma malaikat motok doalegat inom

Ibrani 9:28

at Kristus meneke nit akhuni weak hagakhorek meke degetdisagaluk iki opaki hasigat kambing sapi Allah warekhe lagoukha iti hak, at ebe watlageikhesik, yabokane wisigin iti, nit weak hagakhorek meke degetdisagaluk wisigin 'buk. Dek o. Nit akhuni, at wagunem elokhoma therogo welagorek meke hanotninabigiluk wisigin o.

A'bikaka 1:7

Lakhani! At ebe oisa baga wagunem, akhuni tha'bokhogonat inebe dopok men, it at thege karluk wakhukha meke men, inomat nen inileken lakhekhe dogolik, inukuloak etaga tomok tha'bokhogonat de asugun o, iluk yokhisigi iti, “Ebeat asuak o,” u hak, “Amin,” igi iti o.