Filipi 3:18 - ALLAH ANE WENW KET MEKE WAROGO WOKNINAKHIKHE WENE

¹⁸ An alebageik he, niki eran-alep yokhisasigi hagat, yogotak nane yabokane dagakhogon yokhisagat o. Akhuni inebe doalegat nen, “Kristus nit ninobasik o baga meldiluk wakhukha etnogo, nina'it,” iluk inom wim palek negen dogolik inobabut korlo hagariogei meke iti hasik inuak de aga dogolik yokhisekhe lagei o.

Filipi 3:18 ပူးပေါင်းရင်းမြစ်များ

Lukas 19:41

At Yesus nen itithogon yogeisilik horokhogonat asi usasukhasik, at ileken o kota Yerusalem etnogo lakhalok nen, uak de ageikhe.

La'isasikhe 20:19

It akhuni Yahudi meke nen nebe nasuogoluk nabok palhe dogolik weak hagatnakhe korlek, nekaerek nen nobabut thebekhogon, hogorakhigidegat, de apik aga dogolik, ninoe Etagapogot apma dogolik at hasik hagakhe lagei hiniluat o.

1 Korintus 1:18

It akhuni nuk asugun meke nen, men egarek, “Yesus o harokhogon wakhukha wene iti, akhuni kepu meke nen egarek hakene iliogei o,” iluk egarek iti. Itithogon mekeat he, at Allah nen, “Akhuni inakla kagalek meke nen wene kagoukhogon egarek iti, an nen nonhonetdisagein o. Nen akhuni yi wene ti wene erlo inilu hagakharek meke iti, an nen degetdisagein o,” iluk isikhemo, holal waganogo 'bisukhama werek iti nen, nit tilninabiogo meke nen, “Wene iti, Allah obatne itiat o,” iluk ogorek.

1 Korintus 6:9

Akhuni weak hagariogei meke Allah apma 'bisekherekma iti iteerek asugun dek o, iluk, hinokodek nogo? Hinekaerek nen dalugup. Humi yugunat ha'isegarek meke inom, inetaiken kaneke oba hakotdiluk dogolik hogorakharek meke inom, ap inagugi meke param ha'isegarek meke inom, ap nen humi ha'isegarek hak it ap-ap ha'isegarek meke inom,

2 Korintus 11:13

It iti, Kristus nen inayoko 'biluk la'isa ageikhe meke 'buk. At nen la'isa agarek meke negen hagatlatluk witluk akhuni nukhetdisiliogei mekeat o.

2 Korintus 11:29

At ageikhe erlok dek aga halok he, an erlok dek asu hak, nakla weak agaregat. Nen, at ageikhe weak meke nen akla kagalhunem weak aga halok, an nakla aga dageikheregat.

2 Korintus 2:4

Wene holal waganogo alebageik la'i agagi iti, nakla weagat, netaiken akinatma, de kogat aga dogolik la'i agagi o. Hinakla weak asuagaluk la'i agagi 'buk. Dek o. An hit nakmu motok welagei iti hinilu asuagaluk hinoba la'i agagi iti.

Galatia 1:7

Ebe re, wene hano wene ninat ageikhe welagarek dekmaat o. Mekeat he, it akhuni aperek nen hano wene Kristus nen hagakhikhe wene iti meke ninat hagarogo nukhethinabuogoluk yokhisiliogei iti nenat igi o.

Galatia 2:14

Itithogon dukhisukhama nen, an nakla nen, “Wene eberogonat, hano wene yi mekeat he, it inobabut he, hano wene yakulisekhe dogolik hagasusak meke hagariogei dek higi,” iluk, akhuni tha'bokhogonat inil oba Petrus wene men iluk yogokhigi, “Hat hebe Yahudi mekeat he, akhuni Yahudi meke hagakharek hak hagakhidek, akhuni itikmanke meke nen hagakharek hak hagakhe dogoligat, it itikmanke meke yogeisekhe dogolik, Hit hinobabut akhuni Yahudi meke hagakharek hak, inobabut waganogo hagakhe dogono, iluk obatnerogon yakulisekhe lagan iti nenaluk,” iluk pakhogon wenagakhigi.

Galatia 2:21

Allah obabut hano nen hanotninakherek wene iti an nen thagalogo here'isegerek dek. Wene Allah nen ninasuk wakhikhe wene etnogo baga, wene ninoba meke korogo wokhalok ninom ninapuke hunogo 'binanilepma re, Kristus watlageikhe iti yugunat alomarogo watlatlep o.

Galatia 5:21

inakla nen, it ninat meke inameke, “Warlok e,” apigik, apusu 'bit negen nalok hunu-hunu palhik, pesta weak hagakhik, hagakharek iti inom, aperek itithogon hagakharek meke tha'bokhogonat inom, hasik igi iti. It akhuni itithogon hagariogei meke, Allah apma 'bisekherekma etoma iteerek asugun motok dek o, iluk, wene iti hasik alep yokhisasigi hak, yabokane hinasuk warogo yokhisigiat iti.

Galatia 6:12

It akhuni aperek nen, “Hinaperlagap palini o,” iluk, inobatnerogon yokhisiliogei meke iti, it akhuni aperek nen inileken hisalok, “Hano hagariogei,” iluk apoagaluk hagariogei iti. Yesus ebe o baga meldiluk wakhukha wene etnogo yogeisugunem nen, akhuni Yahudi meke nen weagarinabunogo iluk, wene ninat meke inobatnerogon yokhisiliogei iti.

Galatia 6:14

Meke re, an yi meke hasik ti meke hasik hogorakhausak motok na'it o. Ninoe Etagapogot Yesus Kristus o baga meldiluk wakhukha meke etnogo hasik anek hogorakhaumo, erlok. At ebe wakhukha iti nen, akhuni agat oba inobabut inikhogat dogolik hagakharek meke iti arat obatnetdegetdisasikhe apigi. Halok he, akhuni watlatluk, yi meke ti meke hagasusak obarlikma agarek hak, akhuni inobabut inikhogat dogolik hagakharek meke etnogo obarlikmatdisasigi iti.

Efesus 4:17

An ninoe Etagapogot nipisak hunik dogolik at nen yokhisau hak wene yi hinasuk warogo yokhisak. It akhuni itikmanke meke inobabut hagariogei iti hak, hit hinobabut itithogon hagakhe dogogup o. It iti, we yugunat alomarogo meke oba ebekhe dogolik,

Filipi 1:4

Hit ebekeram wene waganhigip iti hurli nen, yogotak hurli, an nen hano wene akhuni aperek yogeisilik nekhe dogoagaluk yomakneekho motok welagathep iti nen, an hibiku-yogoku nakla arlekenhogon hit tha'bokhogonat hinobasik sembayan ekhe dogolik, Allah ayoko 'bigik, heagei wakhik, hagakhe lagei.

1 Tesalonika 4:6

Iti meke hasik mothogon hagakhe dogolik, hinagarlak lak hinerugi inilomarogo inaguni inagugi meke param ha'isausak dek o,” iluk, Allah akla nen itithogon apalok yoknisekherek iti. Itithogon ekherek iti nen, alebageigat nit nen ekhe dogolik, “It akhuni param itithogon ha'isegarek meke, ninoe Etagapogot nen ukum inoba 'bigin werek o,” iluk, ninobatnerogon hinasuk warogo yokhisasugu o.

2 Tesalonika 3:11

Wene itithogon yokhisasugu mekeat he, it aperek nen he, “Akhuni it meke aperek inekaerek inayabu mekeat horligidek dogolik, it aperek inawene mekeat anhapok ilik liliogei,” iluk yoknisegama ninasuk holhosik nen yokhisogo iti.

2 Petrus 2:10

It iti kok hakene, Allah inakla meanetdiluk, yi meke ti meke inetaiken nen nukunem motok weak hagarik liliogei iti, Allah nen ukum inoba 'bigin o. Inayuk dek inawulagam weak hagakhe dogolik, pogot oba meke hogorinakho welageikharek meke etoma, it inayuk degat inabok weak palhe dogogun iti.

Yudas 1:13

Nen, ageikhe re, i laut kok yekelekma hoklabu hulalek-dekalekhogon aninirogo motok hagakhe dogolik, wosirlagap hagarogo lia'i agarek iti hak, it iti yugunat hagakhe dogolik, inekarli dek weak hagariogei. Husagal 'bitok-'batok lagarek hak, Allah nen it iti motok o mum hikhakthekma dogoagaluk inobolukmo 'bisagein werek o.