Filipi 3:13 - ALLAH ANE WENW KET MEKE WAROGO WOKNINAKHIKHE WENE

¹³ Nagarlak lak nerugi. An iti ebe arat horligi iluk nakla apekhe lagei degat. Iti horla lagaluk wene opakiat meke yiat hagakhe lagei. Iti ebe, alep hagakhe lagagi meke, nobabut hebelatluk, noporlik kamotdisalok, yabokane ket meke nelokhoma werek meke iti horla lagaluk nobatnerogo mutluk laga lagei.

Filipi 3:13 ပူးပေါင်းရင်းမြစ်များ

Lukas 10:42

Meke re, wene opakiat meke anek hagasusak werek korlegat, hat nen yi meke ti meke hagakhe lagan. Hagot Maria yi, wene opakiat hano meke itiat wenago 'bakhekhesikmo, it akhuni aperek nen ikimo tilogo waganusak dek meke 'bakhekhesik werek o,” iluk yogokhikhe.

Lukas 9:62

at Yesus nen, men yogokhikhe, “It akhuni, inebe tomok wen waganuogoluk wen thege wolok lalok, wen ebe hakhegarethegat he, yabokane inelokhe hebenokhogon inoporlike laklsiriogei halok he, Allah apma 'bisekherekma etoma ukusak motok dek o,” iluk yogokhikhe.

2 Korintus 5:16

Itithogon nit nen hurli yogotak ya hurli nen, akhuni nen inobabut palharek hak, it akhuni aperek inobabut itithogon palhe lago dek o. Nen, alebageik Kristus obabut itithogon palhugu hak, yabokane itithogon palhe lago dek o.

Filipi 2:12

Nagarlak lak nerugi. Hinebe nakmu o. An ninom dogolik, nane hibiku-yogoku isinem hologo hagakhe lagagip iti hagat, an yogotak nebe walegat werek korlek, nane itiat kogotdiluk nen, hologo motok hagakhe dogono. At Allah nen, hit nen hagakhe dogobageik iluk, hinakla kagalogo hagathinakhunem, hit hinakla nen, “I, nit itithogon hagakhe dogou warlok,” iluk apalok, Allah akla warlok meke hagakhe lagap iti nen, at ebe hinayukhogon hinoageleke dik-dik hagakhe dogolik, “At nen tilninabigin,” iluk iti hasigat hagakho motok dogono.

Filipi 3:12

Meke re, an yogotak ya, netaiken motok hanoat ageik, ebe hano meke iti arat horligik, igi 'buk. Aban o. Hano meke iti an horloagaluk, Yesus Kristus nen nebe woknakhikhe iti nen, ebe horla lagaluk, nobatnerogon hagakhe lagei o.

Filipi 3:8

Itithogon hutdekhe lagei iti anek 'buk. Noe Etagapogot Yesus Kristus nilu agagi iti hano motogat o. Yi meke ti meke ninat meke hagakhe lagagi iti, weat alomarogo hagakhe lagagimo iluk, hutdekhe lageiat o. At ebe horlalok nen, nipisak hunik motok dogouogoluk, yabu aleke karelogo ulakharek hak, yi meke ti meke alep hagakhe lagagi meke iti, “Weat meke,” iluk here'isasigi iti o. Wene Allah nen ninasuk wakhikhe wene iti baga, nekaerek nen mot hagakhe lagei 'buk. It akhuni aperek inetaiken Kristus oba hakotdisinem, wene inoba meke korogo wokhalok yabokane Allah inom hunogo 'bisekherek hak, an itithogonat netaiken at oba hakotdisigimo, wene noba welageikhe meke korogo wokhasikhe iti o.

Ibrani 6:1

Iti nen he, Kristus agarumi atluk hagakhe dogosak meke wene alebageik yakulharek iti meke yakulhugu meke iti werek korlek, inarlue atluk hagakhe dogosak meke yakulhe dogouok o. O herlaga hano 'biluk iniki abel dagalharek dek iti hak, nit alep weak hagakhe lagagu meke 'bualogo here'isalok ninobabut hebelatluk ninetaiken Allah oba hakotdisugu meke iti yabokane abel dagaluok dek o.

2 Petrus 3:8

Meke re, nagarlak lak nerugi. Hinebe nakmu lak o. Wene opakiat yi obarlikmatdugup. Ninoe Etagapogot akla apekhe dogolik, niniki opakiat welagorek iti, 1.000 tahun hakene apekherek. Nen, 1.000 tahun iti, niniki opakiat welagorek iti hakeneat apekherek. Ipisak tak-tagat anek apekherek o.