Filipi 2:9 - ALLAH ANE WENW KET MEKE WAROGO WOKNINAKHIKHE WENE

⁹ Itithogon apasikhe iti nen, ebe Allah nenat kogotdisikhe. Kogotdisikhesik nen, it aperek inetaga wema baga negen werek korlek, at anek he, Etagapogot iluk kok mekeat thalhikhe iti o.

Filipi 2:9 ပူးပေါင်းရင်းမြစ်များ

Matius 11:27

Itithogon yogokhikhesik, it akhuni emenogo men yogeisasikhe, “An nopase nen yi meke ti meke tha'bokhogonat iteerek dogoagaluk woknikhikhe. Nen, an Allah a'but yi, akhuni tha'bokhogonat motok inokodek mekeat he, nopase Allah arligat anek ilu welagarek. Iti hagat, an nopase Allah iti akhuni tha'bokhogonat motok inokodek mekeat he, a'but an narligat anek nilu welagarek o. Nen, Allah a'but an nenat nakla apalok nen nopase ebe akhuni aperek inilu asuagaluk pakhogon yogeisegerek meke itiat inilu ageikharek.

Matius 28:18

Itithogon apekhe korlek, at Yesus ebe inalilu wageikhesik nen, men yogeisasikhe, “Allah nen he, pogot oba meke inom, agat oba meke inom, tha'bokhogonat an iteerek 'banhemo o.

Lukas 10:22

Itithogon yogokhikhesik, it akhuni emenogo men yogeisasikhe, “An nopase nen yi meke ti meke tha'bokhogonat an ite dogoagaluk woknikhikhe. Allah a'but iti tha iluk akhuni tha'bokhogonat inokodek mekeat, an nopase arligat anek ilu welagarek. Iti hak, an nopase Allah iti tha, iluk akhuni tha'bokhogonat inokodek mekeat, at a'but an narligat anek nilu welagarek o. Nen, Allah a'but an nenat nakla apalok nen, nopase ebe akhuni aperek inilu asuagaluk nane pakhogon yogeisagein meke itiat inilu ageikharek o,” iluk yogeisasikhe.

Yohanes 13:3

Itithogon akla kagalhikhemo, at Yesus akla nen, “Nopase nen yi meke ti meke tha'bokhogonat an niki baga 'bisikhemo werek apigi. Nen, an nebe Allah werekma nen usa'agagisik, yabokane napuke at obaat dageigin apigi,” iluk ilu welageikheat.

Yohanes 17:11

Yogotak an nen, agat oba yoma erapik dogogin dek o. Hat 'bikheasigin mekeat he, it anek, agat oba yoma dogogun o. Hat weak hagakhidek karelek motok welagatek meke, nopase. Nit nipisak ninebe opakiat welagorek etnogo hak, it itithogonat inebe opakiat dogoak nen, hat hetaga kok meke an thalnakhigin iti baga, it hagasik dogono o, nopase.

Yohanes 17:12

An it ninom yoma dogolik, hat hetaga meke an thalnakhigin etnogo baga, it inebe nalasinogo iluk, hagasik werekma, it aperek nalageidek o. At iti nalasigin, iluk, hat hane isigin meke holal waganogo 'bisukha meke etnogo ebe asuagaluk, nalasusak obaat nalaga o.

Yohanes 17:5

Nopase. Agat aban walhigidek dogolik, nipisagat kok welagagu etnogo meke, yogotak hat werekma etoma kogotdanino.

La'isasikhe 5:31

Ilugutdekhemo werek iti, akhuni Israel meke weak hagariogei meke iti here'isalok inobabut hebelasumo, Allah nen it weak hagakharek meke iti thagalogo degetdisagaluk, Yesus ebe ilugutdekhesik nen, at ebe ninoe Etagapogot dogolik tilninakhe dogoagaluk alilu meldisikhemo werek iti.

Efesus 1:10

Wene at akla limago welageikhe iti ebe, yabokane hagatlasusak oba hagatlasi agunem, at nen yi meke ti meke pogot oba welagarek meke inom, agat oba welagarek meke inom, tha'bokhogonat dapukhogon Kristus arligat apma 'bisagein meke hasik abok yoknisasikhe itiat o.

Kolose 1:18

Nit Allah a'buri ninoe kok at Kristus dogolik, ninebe ninilugutninakherek iti nen, at ebe iki isok negen welagorek. Yi meke ti meke yoarlemake negen werek korlek, at Allah nen, “Kok he, an na'but makusa mekeat dogoak,” iluk, at ebe watlageikhesikmo nen, ilugutdisikhe iti.

2 Tesalonika 1:12

Ninopase Allah, ninoe Etagapogot Yesus Kristus ipisak inobabut hano etnogo nen hagathinakhunem itithogon hagakhe dogogun iti nen, hit nen he, ninoe Etagapogot Yesus etaga palogo agugerakhik, at nen he, hit agugethinakhik, hagasugun o.

Ibrani 1:4

At Allah nen, it malaikat emenogo inetaga wema baga negen werek korlek, at Yesus anek etaga siakthek kok dogoagaluk thalinakhikhe hagat, it malaikat inebe wema baga negen werek korlek, Yesus ebe siakthek kok welagarek iti.

Ibrani 1:9

Nen, hat hobabut, mothogon anek hagakhetek iti meke hagakhe dogolik, korlo hagakhe dogosak ha'it motok iti nen, hagarlak lak hinom welagathep meke inapma negen werek korlek, hat anek, hukuloak oba apusu tialogo an hopase nen meldagasigi iti nen, hakla arleken motok akhekhe dogono o,” iluk yogokhikhesik

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 2:9

Mekeat he, at Yesus anek he, arat kok meldisikhemo werek hekhe lago. Allah obabut hano nen, Yesus akhuni tha'bokhogonat inobasik watlasuagaluk malaikat inetagawerek kok negen werek korlek, at etaga dek erlok dek negen hagarogo 'bisikhemo, ebe yi aik ti aik hilik hilik watlageikhe iti baga, Allah nen at etagawerek kok meldisikhemo werek iti.

1 Petrus 3:22

At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.

2 Petrus 1:17

Nit o etoma werekma, ninopase Allah nen, at Yesus ebe hogorakhik, heagei wakhik, hagakhunem nit ninasuk holhugu. At Allah ebe kogat hogorakho motok welageikharek meke etnogo nen, “An na'but netaiken hunik meke noba hotok egerek ebe itiat,”

A'bikaka 11:15

Itithogon hisigirik oba nen, it malaikat inebe 7 baga emenogo, inebe 6 oba inapikon arat ane huthegasik oba nen, ageikhe apikon ane huthasinem, pogot oba nen inane kogat yigithogon isinem holhi, “Alep akhuni agat oba meke nen inapma 'bisalok hagasik welagoukha meke, yogotak ninopase Etagapogot Allah nen ninoe Kristus nen tilninabuagaluk meldisikhe meke etnogo ipisak nen inapma arat 'binagasik, at Kristus nen haknisik motok-motok dogogin o,” iluk ekhe lageikha.

A'bikaka 19:16

Nen, at etaga thalek ageikhe yigithogon, “Ap koktek inetagapogot tha'bokhogonat inom, inougi koktek tha'bokhogonat inom, inoe kok Netagapogot he, anat o,” iluk asu uanat at oba inom, arlisu oba inom, holal waganek werekma higi o.

A'bikaka 3:21

An arat nobatne agagimo, nopase kok welagarekma obolukmo nipisak welago yi hak, tha nen obatne asigin halok, an kok welagarekma nobolukmo nipisak dogouogoluk meldigin o,