Filipi 2:29 - ALLAH ANE WENW KET MEKE WAROGO WOKNINAKHIKHE WENE

^29-30 At ebe wagunem, ninoe Etagapogot hinom hunik dogolik, hinakla arleken akhekhe dogolik at ebe waganino. Hit nen nikithogon yomakneau heat iti nen, hinobolukmo at nen yomakneagaluk, “Nebe watlagei halok hanoat o,” iluk, Kristus hasik hagakhe dogolik watlatlep meke iti o. It akhuni aperek inobabut at hagakherek hak hagariogei meke halok inalonhogon woginakhe dogono o.

Filipi 2:29 ပူးပေါင်းရင်းမြစ်များ

Lukas 9:5

Nen, it akhuni o ageikhe nen hinebe wokhinakhidek halok he, o ukul iti here'isalok dukhi aga dogolik, it o etoma meke inakla hutduagaluk hinisok hola negen horogo 'biluk dukhitno o,” iluk, inasuk warogo la'isasikhemo,

Yohanes 13:20

“At tha nen, akhuni an nen la'isagein meke woginakhe halok, anat woknabigin o. Nen, at tha nen an woknakhe halok he, at an la'ani ageikhe meke etnogoat waganigin o, iluk eberogonat yokhisigi o,” iluk yogeisasikhe.

La'isasikhe 2:46

Itithogon hagakhe dogolik, iniki ageikhe huk ageidek hunik-hunigat Allah ai halekma natogokhik, inakla arleken akhekhe dogolik, inobabut thebekhogonat inaila hipiri inom kusogo nikik, hagakhe lagoukha.

La'isasikhe 28:10

Itithogon hano hagarinakhe lageikhemo, it akhuni emenogo nen, heagei warogo yi meke ti meke doalegat woknisasukhasik nen, yabokane nit o etoma thogotdiluk imake wisuogoluk hagakhunem, yi meke ti meke holagarlem amene woknisasukhaat.

La'isasikhe 8:8

Itithogon hano hagarinakhunem, it akhuni o Samaria meke etoma, inakla arleken motok kogat akhekhe lagoukha.

Roma 16:2

hit ninoe Etagapogot hinom hunik dogolik, Allah a'buri nen waganusak tak-tagat, at ebe waganubageik nen iluk yokhisigi o. At ameke yi meke ti meke dek halok he, hit meke aperek wogokhe dogono o. At nen akhuni doalegat yomageisigik, an nebe men yomakniigik, hagakhe lageikhesikmo, hit nen at ebe waganino o.

1 Korintus 16:10

At Timotius etnogo, an nen ninoe Etagapogot hasik hagakhe lagei hak hagariogo meke hit hinoba wisigin iti, ebe waga halok he, hit hinom ayuk dekhogon dogoak nen he, ebe hanorogo waganino o.

1 Korintus 16:18

It wageikhama, an nakla hano aga hak, hit hinakla hano asigin o. Halok he, it akhuni aperek inobabut it hakene meke halok he, inalonhogo halhe dogono.

2 Korintus 10:18

Akhuni inekaerek nen hogorakhegarek meke iti Allah nen hano iluk woginakherek 'buk. At ninoe Etagapogot nen hogorinakherek meke halok hano iluk woginakherek o.

2 Korintus 7:2

Nit ninobasik he, ninebe wokninabu hak hinetaiken hunik dogono. Nit nen he, ap ageikhe weagathinakhik, alomathinakhik, nukhetdinagagik, hagakho dek o.

Filipi 2:28

At ebe yabokane hinoba wagunem hinileken halok nen, hit hinakla arleken akhigik, an nakla weak welagei meke hano ageik, asuok nen iluk, ibat hinoba la'i agei iti o.

Kolose 4:10

Aristarkhus an nipisak niniki herle warek welago meke nen heagei wathinakhik, Barnabas agarlak Markus etnogo nen heagei wathinakhik, ega o. At Markus hasik wene alep yokhisasigi etnogo hagat, at ebe hinoba waga halok, hanorogo waganino.

1 Tesalonika 5:12

Nagarlak lak nerugi. Hinougi hakhisik werek iti, ninoe Etagapogot nen meldisasikhemo dogolik, hit hinobasik inobatnerogo hagakhik, hinasuk wakhik, hagariogei iti nen, irat inapma dogolik, hinane inalon halogo yogeisekhe dogono o.

1 Timotius 5:17

Allah nen men isikhemo holal waganogo 'bekhe dogolik, “Sapi isok nen gandum oado wulel tagalogo eken yibilhe dogolik aperek naunogo iluk ape herle wasusak dek o. Aperek noagaluk here'isekhe dogono,” iluk isikhemo, holal waganogo 'bisukha iti o. Nen, ageikhe, “Akhuni yabu yi meke ti meke hasik hagakhunem, iniki oko wogeisekhe dogosak o,” iluk isikhemo holal waganogo 'bisukhaat. Iti nen he, ap Allah a'buri hanorogon hagasik welageikharek meke iti, it Allah a'buri tha'bokhogonat nen, “Iniki oko arat yomakhogo,” iluk apigidek, aperek inomat oba dukhogon yomakhekhe dogosak o. Itithogon hagakhe dogolik, kok hakene re, it aperek Allah ane inobatnerogon yogeisigik, yakulisigik, hagariogei meke iti, inalonhogon yomageisekhe dogosak o.

Ibrani 13:17

Hit hinougi inakla nen, “Yabokane Allah nen, It inebe hasik nikithogon hagakhe lagasip, iluk yoknisugunem, nit nen ninoba dopogat oko yogosugun higi,” iluk, hanorogo thethisik motok welageikharek iti nen, it inapma thoma iluk inane hologo hagakhe dogono o. Itithogon hagakhe dogogun halok he, it inakla arleken, hit hinobasik hagakhe dogogun iti. Meke re, hit nen it inane hologo dogogun dek halok he, it inakla weak dogolik, hit hinobasik alomarogoat hagakhe dogosak o.

3 Yohanes 1:10

Itithogon hagariogo iti, ageikhe, ekalat nit ninabok weak iliogo. Itithogon ekhe dogolik, akla nen he, “An hagakhe lagei iti, herlekha'bugat. Nakla nen erlok dek. Yabokane ageikhe inomat hagasiginat o,” iluk apekhe dogolik, it Allah a'buri aperek wagunem, at ekaerek nen woginakhidek dogolik, it aperek nen woginabuogoluk hagakhunem wenageisalok, inebe Allah a'buri natogokharekma nen mukhogo ula'isekheregat iti nen, an nebe witluk nen, at hagariogo meke iti hutduagaluk ekarli wasigin o.