Filipi 2:26 - ALLAH ANE WENW KET MEKE WAROGO WOKNINAKHIKHE WENE

²⁶ At akla apekhe dogolik, “An noba u warogo 'banhikhe etnogo, nabok it inasuk holhukhasik nen, nikithogon hagariogei,” iluk, wene munini uan 'bero ebekhe dogolik, “It tha'bokhogonat inoba ligin,” iluk apiliogo.

Filipi 2:26 ပူးပေါင်းရင်းမြစ်များ

Matius 11:28

Hit hinoba akin-pakinhogo thet weak hagakhe lagap meke iti, an nen hinoba thet korogo 'binagumo thet walubageik nen, noba witni o.

Matius 26:37

Itithogon yogeisasikhesik nen, Petrus men, Zebedeus a'buri inebe pere eranogo men, wogosik lageikhesik nen, akla weak atluk etaiken thebelu'buk ageikhemo men yogeisasikhe,

La'isasikhe 21:13

Asuk wakhunem, at Paulus nen, “Hit de aga dogolik, nakla motok weagatdekhe lagap iti nenaluk. Ninoe Etagapogot Yesus hasik he, o Yerusalem etoma nen niki herle anek wasusak apekhe lagap a? Dek o. Niki herle wakhik, nebe nakhik, hagasumo hanoat o. Itithogon hagatnabusak erlogat apekhe lagei,” iluk yogeisasikhe.

Roma 1:11

Hit hinetaiken horle asuagaluk, Allah Agoreke nen wogeisekherek meke iti, hit ageikhe wokhisagaluk 'bithisa etle, apekhe lagei o.

Roma 12:15

It akhuni aperek inakla arleken akhekhe halok he, hit hinomat hinakla arleken akhigik, it aperek de ago halok he, hit hinomat de ageik, hagakhe dogono o.

1 Korintus 12:26

Niniki ninisok yi meke ti meke ninebe baga hunik welagarek meke, ageikhe u nen hinet wakho halok he, ninebe abisakeat hinet wakhorek o. Nen, niniki ninisok yi meke ti meke ninebe baga hunik welagarek meke, ageikhe akhuni nen hogorakho halok he, ninebe abirat ninakla arleken akhogorek o.

2 Korintus 9:14

Itithogon hogorakhe dogolik, it nen he, “Allah obabut hano etnogo nen, it nen akhuni kokhogon yomageisekhe dogoagaluk inobabut iti meke wogeisekhemo hagariogei,” iluk hinebe inakmu dogolik Allah ayoko kokhogon 'bekhe dogogun iti o.

Galatia 6:2

Hit-hit hinoba akin meke werek halok, hinebe dopok ageikhe nen ageikhe yomak-yomak hagakhe dogono o. Itithogon hagakhe dogogun iti baga nen, wene Kristus nen ninasuk warogo yakulnisasikhe wene etnogoat mothogon hagakhe dogogun iti.

Efesus 3:13

Iti nen he, an yogotak ya hit hinobasik weagatnabiogei iti nen hinakla puk ageidek dogogun halok, hogothinabugun iti nen, hinasuk warogo yokhisigi iti o.

Filipi 1:3

An he, hibiku-yogoku hit hinoba eberek motok dogolik, nopase Allah at heagei wakhe lagei.

Filipi 1:8

Yesus Kristus nen hit hinebe tha'bokhogonat akmu welagarek hak, an nen hit nakmuat dogolik, “Ninom dogolo e,” iluk, nakla eberogonat apekhe lagei meke iti, at Allah ilu o.

Filipi 2:25

At ninagarlak Epafroditus an Allah hasik narligat nen hagasusak erlok dek werekma, yomakneoagaluk noba la'i agagipmo, wim yakhe dogolik inobatnerogon yakharek hak, nipisak Allah hasik ninobatnerogon hagakhe lagosik nen, yabokane apuke hinoba la'isigin apekhe lageiat o.

Filipi 2:27

Ebe re, u warek dogolik watlatlep meke re, an nakla weak werek korlek watlatlepma, yabokane nakla motok weagat asunogo iluk, Allah nen at akmuat, nen, an nebe akmuat, dogolik, hanotdisikhemo ebe u dek agasik werek iti o.

Filipi 4:1

Iti nenat, nagarlak lak nerugi. Hinebe nakmu o. Ninoe Etagapogot hinom hunik hinobatnerogon dogono. Hit hinobabut hagakhe lagap oba an nakla arleken akhigik, hogorakhigik, hagakhe dogolik, hinoba witluk nebe ninom dogolo o, iluk, apekhe lagei.

1 Petrus 1:6

Iti nenat, yogotak ya, Allah nen hinobabut paligiluk hagakhe korlek, hinoba akin-pakinhogon hekhe dogolik, elanma hasik hinakla weak ariogo mekeat he, hinakla arleken akhekhe dogono o.