Filipi 2:22 - ALLAH ANE WENW KET MEKE WAROGO WOKNINAKHIKHE WENE

²² Meke re, at Timotius obabut ekagat hagakherek etnogo hinilu o. Ina'buri nen inopase lak yomageisegarek hak, at ebe, Allah apma dogolik an yomakneagaluk hano wene etnogo nipisak nen yogeisilik nekhe lagosik.

Filipi 2:22 ပူးပေါင်းရင်းမြစ်များ

La'isasikhe 16:2

Allah a'buri o Listra meke men, o Ikonium meke men, tha'bokhogonat nen, “Timotius obabut hano,” iluk abok hano ekhe lagoukha.

Roma 5:4

Ninetaiken horle agarethek nen ilugun oba, Allah nen ninobabut palogo nen, hano ekherek. Itithogon ekherek oba, yabokane eberogonat hano asigin, iluk ninakla arleken akhekhe lago.

1 Korintus 16:10

At Timotius etnogo, an nen ninoe Etagapogot hasik hagakhe lagei hak hagariogo meke hit hinoba wisigin iti, ebe waga halok he, hit hinom ayuk dekhogon dogoak nen he, ebe hanorogo waganino o.

1 Korintus 4:17

Hit an nobabut waganubageik nen iluk, na'but Timotius nekaerek nen itakhi meke hakene ebe nakmu meke hinoba la'i agei iti o. At ninoe Etagapogot ipisak hunik dogolik, at hasik obabut hupulik hagakherek meke hinoba witluk nen, men yakulhisagein, “At Paulus Kristus ipisak hunik dogolik, it Allah a'buri o yi ai ti ai natogokharek meke, at ekaerek hagakherek meke obabut waganuagaluk, yigithogon yakulisekherek,” iluk hinakla eberogo yokhisasigin o.

2 Korintus 2:9

An nen, “Hit itithogon hagatno,” iluk, yakulhisasigi etnogo, nane hologo hagariogei a? Dek a, iluk hinobabut paligiluk wene iti holal waganogo hinoba la'i agei iti o.

2 Korintus 8:22

It eta inomat, ninagarlak ageikhe la'i ageiat o. At iti, yi meke ti meke hasik hibiku-yogoku akla arlekenhogon akhuni aperek yomageisugunem obabut ekagat palhorethek nen, hinoba la'i agei iti o. At nen he, “It hano hagasugun,” iluk etaiken hinoba la'isikhesikmo nogo nen, yogotak hit yomakhisagaluk akla arleken motok waga iti o.

2 Korintus 8:24

Allah a'buri natogorliogei meke aperek nen, “It o Korintus meke nen it Titus lak inebe eberogonat inakmu werek,” iluk igik, nen, “It Paulus lak nen it Korintus meke hano hagasugun iluk hogorinakharek etnogo eberogonat,” iluk igik, uagaluk, it iti hinakmurogon woginabino o.

2 Korintus 8:8

An nen, “Hit itithogon hagatno,” iluk, nane obatnerogon yokhisigi dek o. It Allah a'buri o Makedonia yoma meke nen inakla nen kagalogo it meke natogorlogo Allah a'buri iti akilukhogon yomageisiliogei iti hak, hit meneke, iti hinakmurogon yomageisugunem, “Eberogonat it inakmu werek,” iluk ekagat asuagaluk yokhisigi iti o.

Filipi 1:12

Nagarlak lak nerugi. Wene yi hinilurogon yokhisak. An yigithogon hagatnakha yi baga, hano wene dek ageidek kogat arik liliogo.

Filipi 1:16

“At Allah nen Paulus ayoko 'bekhe dogolik, Akhuni nen hano wene iti eberogonat iluk apoagaluk pakhogon yogeisekhe dogono, iluk ayoko 'bisikhemo hekhe lago,” iluk, ekagat hutdaniluk nebe inakmu nen wene at Kristus hasik yogeisiliogei iti.

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

Filipi 2:20

It akhuni aperek yoma inobabut ninat hakene werek korlek, at Timotius arligat obabut an nobabut hakene dogolik, hit hinebe akmurogon hinoba eberogonat eberek welagarek o.

1 Timotius 1:18

Timotius na'but o. An wene yi hasuk warogo yokhisik. It aperek nen wene alebat hat hekaerek hasik ekhe dogolik, “At itithogon hagakhe dogogin,” iluk isukha hak, hano wene yi hasik, wim inobatnerogon yakharek hak, hobatnerogon yogeisekhe dogono o.

1 Timotius 4:6

Wene hano wene ninetaiken Allah oba hakotdogorek meke etnogo yakulhekhe lagagumo, hat nen waganhigitik mothogon hagakhe lagan iti baga hebe kok aga dogolik, wene yogotak yokhigi iti ninagarlak lak ninerugi Allah a'buri meke aperek yakulisekhe dogono. Itithogon yakulisekhe dogogin halok he, hat Kristus Yesus atuaneke dogolik, at hasik hanorogo hagakhe dogogin iti o.

2 Timotius 3:10

It iti inobabut itithogon ekagat asigin mekeat he, hat he, an nen wene yakulisegerek meke inom, nobabut hagakherek meke inom, “Itithogon hagasigin,” iluk nakla apegerek meke inom, netaiken Allah oba hakotdiluk welagarek meke inom, nakla hapukhogon welagarek meke inom, akhuni tha'bokhogonat nakmurogon welagarek meke inom, nobakhanini hapugutdiluk welagarek meke inom, haganeat nen hutdanhe laganat o.

Titus 1:4

Titus na'but o. Hetaiken nit ninom tak-tagat Allah oba hakotdiluk welagan iti baga, an nekaerek na'but harat agagin iti o. Ninopase Allah inom, ninoe Kristus Yesus tilninakherek meke inom, ipisak inobabut hano etnogo nen, hano meke wokhigik, hetaiken hapugutdageigik, hagakhe dogoak o.