Filipi 2:20 - ALLAH ANE WENW KET MEKE WAROGO WOKNINAKHIKHE WENE

²⁰ It akhuni aperek yoma inobabut ninat hakene werek korlek, at Timotius arligat obabut an nobabut hakene dogolik, hit hinebe akmurogon hinoba eberogonat eberek welagarek o.

Filipi 2:20 ပူးပေါင်းရင်းမြစ်များ

Yohanes 10:13

At iti oko wogosuagaluk domba therisik welagarek iti nen, domba emenogo akmu dek thogotdisalok lo lagarek iti o.

Yohanes 12:6

Itithogon wene palhikhe iti, akhuni inameke dek meke iti akmu nen isikhe 'buk. At agarlak lak inom tha'bokhogonat inauang ai heisogon meke hago dogolik, at ekaerek hasik limago horlekhe lageikhe iti nen wene itithogon isikhe.

Roma 15:5

Hit hinetaiken, hinane, opakiat dogolik, ninoe Etagapogot Yesus Kristus opase Allah itiat hogorakhe dogobageik nen, at Allah akhuni inobabut inobakhanini hapugutdiluk dogoagaluk hagarinakhik, inakla hanorinakhik, hagakherek meke iti nenat, hit tha'bokhogonat hinetaiken opakiat, at Kristus Yesus obabut hakene hagathinabuak o.

1 Korintus 16:10

At Timotius etnogo, an nen ninoe Etagapogot hasik hagakhe lagei hak hagariogo meke hit hinoba wisigin iti, ebe waga halok he, hit hinom ayuk dekhogon dogoak nen he, ebe hanorogo waganino o.

Filipi 2:2

an nakla arleken kokhogon akhekhe dogeik nen, hinetaiken opakiat dogono. Itithogon dogolik hit-hit nakmu-hakmurogon opakiat meke hagakhik, hinobabut hinetaiken opakiat welageik, hagakhe dogono o.

Filipi 2:22

Meke re, at Timotius obabut ekagat hagakherek etnogo hinilu o. Ina'buri nen inopase lak yomageisegarek hak, at ebe, Allah apma dogolik an yomakneagaluk hano wene etnogo nipisak nen yogeisilik nekhe lagosik.

Kolose 4:11

At Yustus, etaga ageikhe Yesus etnogo nen, heagei wathinakheat o. Inoado aperlagap palek meke, inebe henagan eta anek Allah apma dogogun wene etnogo ninom nen yogeisekhe dogolik, yomakneasinem nakla hano ariogo.

1 Timotius 4:6

Wene hano wene ninetaiken Allah oba hakotdogorek meke etnogo yakulhekhe lagagumo, hat nen waganhigitik mothogon hagakhe lagan iti baga hebe kok aga dogolik, wene yogotak yokhigi iti ninagarlak lak ninerugi Allah a'buri meke aperek yakulisekhe dogono. Itithogon yakulisekhe dogogin halok he, hat Kristus Yesus atuaneke dogolik, at hasik hanorogo hagakhe dogogin iti o.

2 Timotius 1:5

Dogolik, hetaiken Allah oba eberogonat hakotdiluk welagan iluk nakla eberegat welagei. Alebageik hagona Lois inom, hagosa Eunike inom, inetaiken Allah oba hakotdiluk welagoukha hak, hat hetaiken itithogonat welagan iluk hutdagakhe lageiat o.

2 Timotius 3:10

It iti inobabut itithogon ekagat asigin mekeat he, hat he, an nen wene yakulisegerek meke inom, nobabut hagakherek meke inom, “Itithogon hagasigin,” iluk nakla apegerek meke inom, netaiken Allah oba hakotdiluk welagarek meke inom, nakla hapukhogon welagarek meke inom, akhuni tha'bokhogonat nakmurogon welagarek meke inom, nobakhanini hapugutdiluk welagarek meke inom, haganeat nen hutdanhe laganat o.